Wb/nia/Sinunö Sebua/2
I. Tohu-tohu wahuhuosara[edit | edit source]
1 Lahine ba mbenua Zarona ndra'odo, ladari mböhö ba ndraso.
2 Si mane ladari mböhö barö za'a-sa'a mao, si manö zi fahuwu khögu ba gotalua nono alawe [bö'ö].
3 Si mane ma'ufa barö geu gatua, si manö zomasi ndra'o ba gotalua nono matua [bö'ö]. Ba lumönia omasido dumadaodo, ba ami ba gararogu mbuania.
4 No i'ohe ba nomo nagu ndra'o, ba mandrerania yaŵagu, ba no fa'omasi.[1]
5 Mi'abe'e'ö ndra'o kue mbua nagu, mi'okafui dödögu bua ma'ufa, me no sofökhö ndra'o fökhö fa'omasi.[2]
6 Yamutaya högögu tangania kabera, ba yamu'omösido kambölönia.[3]
7 Ube'e ba hölu ami, ya'ami ono alawe, banua Yeruzalema, hölu nago ba böhö si alawe ba mbenua: Böi mikeani wa'omasi andrö, böi misusugi, mibe'e lalazi ia.[4]
II. So zomasi nono alawe andrö. Baŵa lökhö[edit | edit source]
8 Fondrondrongo! So zomasi ndra'o! Hiza, so ia moroi sa, isawö hili, ifanokanoka ia ba hili-hili.[5]
9 No timba nago zomasi ndra'o, ba ma timba nono mböhö. No irugi gero nomoma, ifaigi-faigi ba zandrela, ihörö-hörögö ba darali.
10 Humede zomasi ndra'o, imane khögu: Faoso, si fahuwu khögu, si sökhi andrö khögu, aine!
11 Noa sa atö aefa mbaŵa wa'oafu, no döhö deu, no mumalö.
12 Tumbu mbunga ba danö; no irugi baŵa, ba woguti ŵeŵe nagu, ba terongo sa'ae li wune, ba danöda.
13 Bua ara, ba ibörötaigö asoso ba mobowo nagu, amohua. Faoso, si fahuwu khögu, si sökhi andrö khögu, aine!
14 Marafadigu, si so ba dögi gara, ba mbini-mbini andrö, ba gara, oroma'ö khögu mbawau, ba hana na urongo limö! Sami sa limö andrö ba omasiö wangila ya'ugö.[6]
15 Mifa'ala khöda nasu gatua andrö, ono nasu gatua, samufu kabu nagu, me no sobowo nagu ba kabuda.[7]
16 No khögu zomasi ndra'o andrö, ba khönia ndra'odo, khönia sokubaloi biri-birinia ba zi so ladari mböhö.[8]
17 Irege okafu zino, ba irege taya lumö. Fuli'ö, ya'ugö somasi ndra'o, ya timba nago ndra'ugö, ba ma timba nono mböhö ba hili si no fahöna bawa danö andrö.
Famotokhi ba gahe[edit | edit source]
Fabaliŵa lala[edit source]
Olayama Sinunö Sebua: 1 • 2 • 3 • 4 • 5 • 6 • 7 • 8
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö