Wb/nia/Sinunö Sebua/1
1 Sinunö sebua khö Zelomo.
I. Fehulu dödö zinandra khö zoniha ya'ia[edit | edit source]
2 Ena'ö na fa'ago bawa ia khögu; no omasiö moroi ba nagu wa'omasiu ndra'odo.[1]
3 Amohua sibai dalu-dalu famayoini andrö khöu; no fanikha nifaduwa döimö andrö, andrö wa la'omasi'ö ndra'ugö ono alawe.
4 Dönisido khöu; data'aliogö ita! — ya'odo, ba no i'ohe si bakha khönia razo. Damalau ma'iki, ma'omusoi'ö dödöma khöu; fa'omasimö andrö, ba masuno, moroi ba wanunoma agu; no si nangea, na la'omasi'ö ndra'ugö!
5 Si no aitö ndra'o, ba omasiö zui, ya'ami ono alawe, banua Yeruzalema, timba nose Gedara ba timba goloso nose Zelomo.[2]
6 Böi mifaigi-faigi ndra'o, wa si no aitö ndra'odo, wa no aitö nösigu ba zino. No mofönu khögu nono ninagu, ono matua; no lafataro sanaro kabu nagu ndra'odo — kabu nagu khögu, ba lö nitarogögu![3]
7 Ombakha'ö khögu, ya'ugö somasi dödögu: Heza ö'ohe mbiri-biri khöu? heza molombase ndra'ugö, na laluo? Hana sa wa öbe'e samalugö bawania ndra'odo ba ngawawa mbiri-biri khö nawöu?
8 Na lö ö'ila, ya'ugö fondrege zi sökhi ndra alawe, ba ae si tou, osisi lahe mbiri-biri, ba ohe ba ndru'u nono nambi khöu, ba zinga nose gubalo.
II. Fahuhuo ira[edit | edit source]
9 Timba kudo si alawe khögu ba gureta Wara'o ube'e ndra'ugö, ya'ugö ono alawe si fahuwu khögu.
10 Omasiö ba mbo'ömö raeŵe-raeŵe andrö, awö naya ba mbagiu.[4]
11 Ba dalafazökhi khöu raeŵe-raeŵe ana'a, nidumbodumboi firö.
12 Götö wa dumao-dao ba gasonia razo, ba lö si tebulö wa'amohua narawasu andrö khögu.[5]
13 Somasido andrö, ba no timba nga'ölu emuri, sahono ba dotogu;
14 timba mbunga khorema, ba kabu nagu Engedi zomasi ndra'o khögu.
15 Ha lö asökhi ndra'ugö, ya'ugö si fahuwu khögu; ha lö asökhi ndra'ugö! Hörömö andrö, ba no hörö marafadi.[6]
16 Ha lö asökhi ndra'ugö, ya'ugö ira matua, somasi ndra'o, ha lö omasiö; du'u sauri dufoda.[7]
17 Eu nomoda, ba no eresi, ba senobari mbagolö.
Famotokhi ba gahe[edit | edit source]
Fabaliŵa lala[edit source]
Olayama Sinunö Sebua: 1 • 2 • 3 • 4 • 5 • 6 • 7 • 8
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö