Wb/nia/Razo II/1

Fökhö Gahaseya. Me ifasofu'ö ba nadu ba Nekerona, ba i'ombakha'ö khönia wa'amatenia dania Eliya

I. 1 Ba me no mate Gahabi, ba lafabali ira ba Ndraono Gizeraeli Iraono Moabi. 2 Ba no aekhu ba darali ba mbate'enia ba zi sagötö ba Zamaria Gahaseya ba i'ofökhöi; ba ifatenge zinenge, imane khöra: Mi'ae misofu khö Mba'ali-Zebubi andrö, Lowalangi ba Nekerona, na döhö dania wökhögu andre. 3 Ba no muhede mala'ika Yehowa khö Geliya, banua Disebe, no imane: Faoso, ae misi yaŵa, faondragö zinenge razo Zamaria andrö, ba ömane khöra: Te lö Lowalangi ba Ndraono Gizeraeli, wa möi ami manotu khö Mba'ali-Zebubi andrö, Lowalangi ba Nekerona! 4 Andrö imane sa'ae Yehowa: Lö dania aheta'ö ba gaso andrö, ba zi no öleagö ndra'ugö, si mate sa'ae ndra'ugö. Ba mofanö Geliya. 5 Ba lafuli ira khö Gahabi sinenge andrö. Ba imane khöra: 6 Hana wa mifuli ami? Ba lamane khönia: So moroi si tou niha, no faondraga, ba imane khöma: Mifuli ami khö razo samatenge ya'ami, ba mimane khönia: Da'ö niŵa'ö Yehowa: Te lö Lowalangi ba Ndraono Gizeraeli, wa öfatenge ba wanofu khö Mba'ali-Zebubi andrö, Lowalangi ba Nekerona? Andrö lö aheta'ö ba gaso andrö, ba zi na öleagö ndra'ugö, si mate sa'ae ndra'ugö! 7 Ba imane khöra: He wisa khala-khala niha andrö, si faondra khömi miyaŵa, sanguma'ö khömi da'ö? 8 Ba lamane: Baru bu mbarunia ba uli zaŵi mböbö löwi-löwi. Ba imane: Eliya, banua Disebe.

I'ekhugö galitö moroi yaŵa ba zinenge Gahaseya Eliya

II. 9 Ba ifatenge khönia gumandra zi lima wulu, awö zi lima wulu andrö khönia. Ba me irugi si yaŵa Geliya kumandra andrö, ba hiza, no dumadao Geliya ba zuzu hili; ba imane khönia kumandra andrö: He enoni Lowalangi, no iŵa'ö razo: Ae mitou! 10 Ba itema li Eliya, imane khö gumandra zi lima wulu andrö: Na enoni Lowalangi ndra'o, ba ya aekhu galitö moroi yaŵa ba mbanua ba yamu'a'ö, awö zi lima wulu andrö khöu! Ba aekhu galitö moroi yaŵa ba mbanua, ba i'a ia, fabaya si lima wulu andrö khönia. 11 Ba ifuli ifatenge gumandra bö'ö Ahaseya, kumandra zi lima wulu, awö zi lima wulu andrö khönia. Ba irugi si yaŵa Eliya, ba imane khönia: He enoni Lowalangi, imane razo: 12 Ta'i-ta'i, ae mitou! Ba itema li Eliya, imane khönia: Na enoni Lowalangi ndra'odo, ba ya aekhu galitö moroi yaŵa ba mbanua ba yamu'a'ö, awö zi lima wulu andrö khöu! Ba aekhu galitö Lowalangi, moroi yaŵa ba mbanua ba i'a ia, fabaya si lima wulu andrö khönia. 13 Ba ifuli ifatenge Ahaseya gumandra zi lima wulu, datölu ae, awö zi lima wulu andrö khönia. Ba möi miyaŵa da'ö — kumandra zi lima wulo andrö, fanete zi darua no mege — ba me irugi, ba ibalöduhini danö föna Geliya, mangalulu ia, imane: He enoni Lowalangi! ena'ö na ahakhö ma'ifu dödöu nosogu, awö noso zawuyumö andre, si lima wulu! 14 Hiza, no aekhu galitö moroi yaŵa ba mbanua ba no i'a fönagu kumandra zi lima wulu andrö, si darua, awö zi limalima wulu andrö khöra; ba iya'e, ba ena'ö na ahakhö ma'ifu dödöu nosogu andre!

Fa'amate Gahaseya

III. 15 Ba imane mala'ika Yehowa khö Geliya: Ae awönia mitou, böi ata'ufi ia! Ba maoso ia, möi ia, möi ia awönia mitou khö razo. 16 Ba imane ba da'ö: Da'ö niŵa'ö Yehowa: Me no öfatenge zinenge, ba wanofu khö Mba'ali-Zebubi andrö, Lowalangi ba Nekerona — te sa lö Lowalangi ba Ndraono Gizeraeli, nisofu li ena'ö? — ba lö aheta'ö ba gaso andrö, ba zi no öleagö tou ndra'ugö, si mate sa'ae ndra'ugö! 17 Ba mate ia, itörö niŵa'ö Yehowa, nifa'ema Geliya; ba fangalinia razo, ba akhinia Yoramo, me no arakha mendrua fakhe razo mado Yuda Yoramo, ono Yozafati; me no si lö ono matua Gahaseya andrö. 18 Ba hadia na ena'ö nidunö-dunö ba khö Gahaseya andrö, hadia nilaunia, ba no mutanö ba zura hikaya razo Ndraono Gizeraeli.

Famotokhi ba gahe

Fabaliŵa lala

Olayama Razo II: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö