Wb/nia/Kolose/3
Famarou ba wangalui zi so ba zorugo
[edit | edit source]I. 1 Ba na no maoso ami, awö Keriso, ba mi'alui zi so si yaŵa, ba zi so Keriso, sidadao ba gambölö Lowalangi.[1] 2 Si so si yaŵa mifatou-tou tödömi, böi si so ba guli danö.[2] 3 Noa sa mate ami, ba no tobini wa'aurimi andrö, awö Keriso, ba khö Lowalangi.[3] 4 Ba na to'ele dania Keriso, fa'aurimi andrö, awena dania to'ele göi ami, awönia, ba lakhömi.[4]
Famarou ba zatulö
[edit | edit source]II. 5 Ba mibunu sa'ae ndroto-ndroto andrö, si so ba guli danö: fohorö, ba fa'ara'i-ra'iö, ba hokha, ba fangisö si lö sökhi, ba fa'omasi gana'a; no famosumange adu da'ö;[5] 6 da'ö fefu mbörö, wa tesao wönu Lowalangi.[6] 7 Ya'ami göi, ba no mitörö da'ö föna, me ba da'ö nahami.[7] 8 Ba iada'e, ba miböhöli göi da'ö fefu: Fönu, ba fa'abao dödö, ba fa'afaito, ba fanandraŵa, ba fehede si lö sökhi, si oroi mbewemi.[8] 9 Böi milimo nawömi, me no miheta niha si tohöna andrö, fabaya nilau-launia andrö,[9] 10 ba me no mi'onukha zi bohou andrö, nibohouni, ba wa'aboto ba dödö andrö, dali wamaedo zamazökhi ya'ia andrö,[10] 11 ba zi lö Dawa Heleni ba lö niha Yehuda, ba lö niboto ba lö si lö muboto, lö niha bö'ö, ba lö Sikito, lö sawuyu, ba lö si tenga sawuyu, ha sambalö Keriso manö, ba dödöra fefu.[11]
Famarou ba wangomasi'ö awö
[edit | edit source]III. 12 Ba me no nitutuyu Lowalangi ami, ni'amoni'ö ba ni'omasi'ö, ba mi'onukha wa'ahakhö dödö, ba fa'ebua dödö, ba fa lö fayaŵa, ba fa'ebolo dödö, ba fanaha tödö.[12] 13 Faoma mibologö dödömi khö nawömi, ba faoma mi'efa'ö zala nawömi khömi, na so zinegu zamösana khö nawönia; si mane fangefa'ö Keriso khömi, si manö göi ami.[13] 14 Ba baero da'ö fefu, ba fa'omasi; da'ö wamaböbö fa'amo'ahonoa.[14] 15 Ba yamufatörö dödömi fa'ohahau dödö andrö, khö Keriso, ba nikaoni ya'ami; ha sambua boto; ba mi'andrö saoha gölö.[15] 16 Yamonaha ba khömi daroma li Keriso andrö, yafahöna; ya'a'oi so wa'atua-tuami, ba wamahaö awömi ba ba wamarou tödöra, sinunö ba umanö ba lailö dödö, yafao wangandrö saoha gölö; misuno Lowalangi ba dödömi.[16] 17 Ba fefu hadia ia nilaumi, he taroma li, ba he halöŵö, ba ba döi Yesu, So'aya, milau ia, fefu, wangandrö saoha gölö khö Lowalangi Ama; Yesu zama'ema.[17]
Amuata ba zoroiyomo
[edit | edit source]IV. 18 Ya'ami ira alawe, mi'o'ö li ndra matua; si manö zi nangea, ba khö Zo'aya.[18] 19 Ya'ami ira matua, mi'omasi'ö ndra alawe, ba böi abao dödömi khöra. 20 Ya'ami iraono, mifondrondrongo li ndra amami, gofu hadia ia niŵa'ö khömi, da'ö sa ni'omasi'ö, ba khö Zo'aya.[19] 21 Ya'ami ira ama, böi mi'andrö wönu ndraonomi, fa böi ada'u-da'u ira. 22 Ya'ami sawuyu, mifondrondrongo li zokhö botomi, gofu hadia ia niŵa'ö khömi, böi ha ba zanehe ira, si mane niha sangalui fa'omasi niha ira; moroi si'aikö ba dödömi, me no sangata'ufi So'aya ami.[20] 23 Hadia ia nifazökhimi, ba moroi ba dödö milau ia, hulö na khö Zo'aya, ba na tenga ba niha, 24 me no mi'ila, wa khö Zo'aya mitema dania luo, ondröita andrö; enoni Zo'aya, Keriso, ami. 25 Itema sa zulö zi lö atulö andrö, nilaunia, solau si lö atulö, ba lö ebua dödö zambuana.[21]
Famotokhi ba gahe
[edit | edit source]- ↑ Faigi 2:12,13; Heb 12:2
- ↑ Mat 6:33
- ↑ Rom 6:2,11
- ↑ Fil 1:21; TesII 1:7,10; FetI 4:13
- ↑ Efes 5:3,5
- ↑ Efes 5:6
- ↑ Efes 2:1-3
- ↑ Yak 1:21; Efes 4:29; 5:4
- ↑ Efes 4:22,25
- ↑ Efes 4:24; MozI 1:27
- ↑ Gal 3:28; 5:6
- ↑ Efes 4:2,32
- ↑ Efes 5:2; Mat 6:14 b.t.
- ↑ Yoh 13:34; 15:12; FetI 4:8
- ↑ Fil 4:7
- ↑ Efes 5:19; KorI 14:26
- ↑ KorI 10:31; Efes 5:20
- ↑ Efes 5:22 b.t.
- ↑ Efes 6:1 b.t.
- ↑ Efes 6:5 b.t.
- ↑ KorI 1:5,10; Rom 2:11
Fabaliŵa lala
[edit source]Olayama Zura Kolose: 1 • 2 • 3 • 4
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö