Wb/nia/Kolose/4
Famarou ba wangandrö[edit | edit source]
I. 1 Ya'ami sokhö niha bö'ö, hadia zatulö, hadia zi nangea, da'ö milau ba zawuyu andrö, me no mi'ila, so Zo'aya ya'ami göi ba zorugo.[1] 2 Böi miböhöli wangandrö; böi mörö ami ba da'ö, yafao wangandrö saoha gölö.[2] 3 Ba ya'itörö göi limi ndra'aga, ba da'ö, ena'ö ifolala khöma Lowalangi daroma li andrö, ba wangombakha si no tobini andrö, khö Keriso, da'ö göi mbörö, wa no murate ndra'o.[3] 4 Ena'ö u'ila ubokai ia, ba ena'ö u'ila u'o'ö niŵa'ö khögu, wangombakha. 5 Böi zi lö atua-tua ami, ba wolau nilaumi, ba zi so baero andrö, ba mifaigi ginötö, si göna.[4] 6 Böi tebulö khömi wangehao fehedemi, nilau asio, fa mi'ila, he miwisa wanema li zamösana.[5]
Fango'ozui zura[edit | edit source]
II. 7 Fefu hadia ia, ba khögu andre, ba i'ombakha'ö khömi dania Tikhiko,[6] talifusö ni'omasi'ö andrö, enoni si lö faröi andrö, awögu sangai halöŵö, ba khö Zo'aya.[7] 8 Da'ö mbörö, wa ufatenge ia khömi, ena'ö mirongo he wisa ba khöma andre, ba ena'ö irara dödömi. 9 Awönia Gonesimo, talifusö andrö, si lö faröi, ni'omasi'ö, banuami. La'ombakha'ö dania khömi fefu, he wisa ba da'e.[8] 10 I'owai ami Arisaro, awögu nikuru andrö, ba Mareko, talifusö Mbaranaba andrö, ba nitemami oroisa — na irugi ami, ba mifa'amöi ia khömi —[9] 11 ba Yesu andrö, sotoi Yuso. Ha da'ö nawögu niha niboto, sohalöŵö ba mbanua Lowalangi; no tobali fondrara dödögu ira. 12 I'owai ami Efafera, banuami andrö, enoni Keriso Yesu; lö tebulö wa iforege wangandrö, salahimi, ena'ö abe'e ami, ena'ö mo'ahonoa, ba ena'ö faduhu sibai dödömi, ba zomasi Lowalangi andrö, fefu.[10] 13 Ufaduhu'ö khömi, ba khönia andrö, wa no erege dödönia, börö ami ba banua La'odikia andrö ba banua Hierafoli. 14 I'owai ami Luka, doto andrö, ni'omasi'ö, ba Dema.[11] 15 Mi'owai dalifusö andrö, ba La'odikia, ba Nimefa, ba banua andrö, baomo khönia. 16 Ba na no mubaso zura andre, ba khömi, ba mibe'e nibaso ba mbanua ba La'odikia göi, ba ena'ö tebaso göi ba khömi zura ba mbanua La'odikia andrö. 17 Ba mimane khö Arikhifo andrö: "Faigi halöŵö andrö nitemau ba khö Zo'aya, fa ö'asiwai."[12] 18 Fangowaigu da'e, tangagu zanura, tanga Waulo andre. Mitörö-törö tödömi rategu andre. Yafalukha ami wa'ebua dödö.[13]
Famotokhi ba gahe[edit | edit source]
- ↑ Efes 6:9
- ↑ Efes 6:18; TesI 5:17
- ↑ Efes 6:19,20
- ↑ Efes 5:15,16
- ↑ Mar 9:50; Amaed 10:32
- ↑ Tychikos (Τυχικὸς) no samösa niha Keriso si fao awö Waulo ba wanuriaigö Injil. I'o'awögö Waulo moroi ba Makedonia irugi Yerusalema, heŵa'ae so göi zanguma'ö wa no fao ia khö Waulo ba Roma. Moroi ba Roma ifatenge ia Faulo ba Efeso ba ba Kolose ba wondrou'ö Gereja ba da'ö.
- ↑ Efes 6:21,22
- ↑ Filem 10 b.t.
- ↑ HalZin 27:2; TimII 4:11
- ↑ Faigi 2:1; Fam 3:14
- ↑ Filem 24
- ↑ Filem 2
- ↑ KorI 16:21; Heb 13:3; TesI 5:28
Fabaliŵa lala[edit source]
Olayama Zura Kolose: 1 • 2 • 3 • 4
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö