Wb/nia/Kolose/1

Add links
From Wikimedia Incubator
< Wb‎ | nia‎ | Kolose
Wb > nia > Kolose > 1

Fangowai[edit | edit source]

I. 1 Faulo, sinenge Yesu Keriso andrö, moroi ba wa'omasi Lowalangi, ba talifusö andrö, Timoteo, zanura da'e,[1] 2 ba ni'amoni'ö andrö, ba Golose, talifusö samati andrö, ba khö Keriso Yesu. Yafalukha ami wa'ebua dödö ba fa'ohahau dödö, khö Namada Lowalangi.[2]

Fangandrö saohagölö ba fangandrö salahi[edit | edit source]

II. 3 Ma'andrö saoha gölö khö Lowalangi Zo'aya ya'ita, Yesu Keriso, khö Namania, lö mamalö-malö, na mangandröga, salahimi,[3] 4 me no marongo wamatimi andrö khö Keriso Yesu, ba fa'omasi andrö, si so khömi, fa'omasimi ni'amoni'ö fefu.[4] 5 Börö dötönafö andrö, ni'irö'ö khömi, ba zorugo, si no mirongo sa'ae, ba daroma li si duhu andrö, ba duria somuso dödö,[5] 6 si no möi khömi, si mane ba guli danö ma'asagörö göi, ba mowua ba monöi, simane ba khömi göi, i'otarai luo andrö, me mirongo ia, ba me aboto ba dödömi wa'ebua dödö Lowalangi andrö, ba zi duhu.[6] 7 Si mane nirongomi khö Gefafera, awöma ba halöŵö, ni'omasi'ö andrö, enoni Keriso, si lö faröi, ba khömi.[7] 8 Ya'ia göi zangombakha khöma wa'omasimi andrö, soroi ba Geheha. 9 Ba andrö ya'aga göi, lö mabato, i'otarai luo andrö, me marongo, mangandröga, salahimi, ma'andrö, ena'ö tehöna khömi wa'aboto ba dödömi zomasi ia, na tebe'e khömi ngawalö wa'atua-tua fefu, awö ngawalö wangila fefu, soroi ba Geheha;[8] 10 ena'ö amuata dana khö Zo'aya gamuatami, fa böi si lö omasi ia khömi, ena'ö mowua ami, fefu ngawalö mbua-bua si sökhi, ba ena'ö tedou wa'aboto ba dödömi Lowalangi;[9] 11 ena'ö abölö ami, ena'ö tedou khömi fefu ngawalö wa'abölö, dali wa'abölö lakhöminia andrö, ena'ö a'oi so khömi wanaha tödö, awö wa'ebolo dödö, ba ena'ö omuso dödömi,[10] 12 wangandrö saoha gölö khö Nama, si no mangehao ya'ita, ba wanema tana ba niha ni'amoni'ö andrö, ba haga andrö; 13 si no mangefa'ö ya'ita ba wa'abölö zogömi-gömi andrö, si no mamawu'a ya'ita, si no molohe ya'ita ba mbanua Nono wa'omasinia andrö.[11] 14 Ba zi so khöda fangöhöli, fangefa'ö horö andrö.[12]

Fa'asalaŵa Yesu ba lakhöminia[edit | edit source]

III. 15 Famaedo Lowalangi si lö oroma andrö ia, si a'a moroi ba nifazökhi andrö, fefu, hadia ia.[13] 16 Ba khönia sa mbörö wamazökhi hadia ia, fefu, he si so ba zorugo, ba he si so ba guli danö, soroma ba si lö oroma, he si dadao, ba he so'aya, ba he samatörö, ba he salaŵa andrö. Fefu, hadia ia, ba oi ya'ia zamazökhi, ba oi ba khönia, wa tefazökhi,[14] 17 ba ya'ia, ba no föna danö bö'ö fefu, ba ba khönia aro fefu, hadia ia.[15] Ba ya'ia högö mboto andrö, högö mbanua, ya'ia mböröta, si a'a zi otarai zi mate andrö, ena'ö föna ia, fefu gofu heza.[16] 19 Me no si manö wa'omasi Lowalangi, wa ba khönia monahia zi fahöna andrö, fefu,[17] 20 awö wa ya'ia zangatulö fefu hadia ia, khönia, na i'atulö'ö donia andrö, ba röfania, ya'ia mbörö, he ba zi so ba guli danö, ba he ba zi so ba zorugo.[18] 21 Ya'ami göi, me no fabali ami föna, me no fa'udu ami, ba gera-erami, ba mbua-buami andrö, si lö sökhi, ba no i'atulö'ö ami iada'e,[19] 22 fa'amate andrö, ba mboto nösinia andrö, ba wamali'ö ni'amoni'ö ya'ami, si lö sala, si lö sinegu, fönania;[20] 23 na lö'ö sa atö mamalö-malö wamatimi, na no modane-dane ami, na aro, na lö tebulö ami ba wanötöna andrö, niŵa'ö ba duria somuso dödö andrö, nirongomi, ni'ombakha'ö ba nifazökhi Lowalangi andrö, si so ba guli danö, fefu, si no tobali enoni ndra'o, ya'odo, Faulo andre.[21]

Halöŵö Waulo[edit | edit source]

IV. 24 Iada'e omuso dödögu, ba wamakao andre, salahimi, ba ubönökhi ba nösigu andre zambö na ba wamakao Keriso andrö, salahi mbotonia, banua andrö,[22] 25 ba zi no tobali enoni ndra'odo, dali nihonogöi Lowalangi andrö, nibe'e ba dangagu, ba khömi andrö, ba wamo'ahonoa fangombakha taroma li Lowalangi andrö,[23] 26 si no tobini andrö, si lö oroma, götö-götö wa'ara, ba ba nga'ötö ndra tua andrö, ba iada'e, ba no tefa'ele'ö ia, ba ni'amoni'ö andrö khönia.[24] 27 Khöra edöna Lowalangi i'oroma'ö he wisa wa'ebua lakhömi zi no tobini andrö, ba niha baero, ya'ia Keriso ba khömi, tötönafö lakhömi andrö.[25] 28 Ya'ia ni'ombakha'öma ba madozigö niha, wamarou tödöra, madozigö niha, wamahaö ya'ira ba ngawalö wa'atua-tua, fefu, ena'ö dozi niha mo'ahonoa fa'atulö, ba khö Keriso, mabe'e. 29 Ba khö da'ö sa göi mohalöŵödo, fasöndrado, balazi wa'abölönia, sangabölö'ö sibai ya'odo.[26]

Famotokhi ba gahe[edit | edit source]

  1. ↑ Fil 1:1
  2. ↑ TesI 1:1
  3. ↑ Efes 1:15,16
  4. ↑ Filem 5
  5. ↑ FetI 1:3,4; Efes 1:13
  6. ↑ Yes 55:11; Mar 4:8
  7. ↑ Faigi 4:12
  8. ↑ Efes 1:15 b.t.
  9. ↑ Efes 4:1; Hebr 13:21
  10. ↑ Efes 3:16
  11. ↑ HalZin 26:18
  12. ↑ Efes 1:7
  13. ↑ Heb 1:3; Fam 3:14
  14. ↑ Yoh 1:3,10; Kol 2:10
  15. ↑ Fam 22:13; Yoh 17:5
  16. ↑ Efes 1:22 b.t.; Fam 1:5; KorI 15:20
  17. ↑ Faigi 2:9; Yoh 1:16
  18. ↑ KorII 5:18; Efes 2:14,16
  19. ↑ Rom 5:6,10; Efes 2:15 b.t.
  20. ↑ Tit 2:14
  21. ↑ KorI 15:58; Kol 2:7; 1:6
  22. ↑ Efes 3:1,13; HalZin 9:16
  23. ↑ Efes 3:7
  24. ↑ Rom 16:25 b.t.
  25. ↑ KorII 13:5; Efes 3:17
  26. ↑ Faigi 4:12

Fabaliŵa lala[edit source]

Olayama Zura Kolose: 1 • 2 • 3 • 4

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Kolose/1&oldid=6229824"