Wb/nia/Kolose/2
Famarou ba wanga'aro'ö wamati[edit | edit source]
I. 1 Omasi sa ndra'o, na mirongo he wisa wa'abu dödögu andrö, börö ami ba ya'ira ba La'odikia, ba dozi si lö irai fa'ila khögu, [1] 2 ena'ö terara dödöra, na no faböbö ira, ba wa'omasi andrö, ba ena'ö lakhamö a'oi so wangila andrö, lö manufa dödö, ena'ö aboto ba dödö zi no tobini andrö, khö Lowalangi, Keriso andrö, 3 ba zi no tobini fefu ngawalö girö-girö fa'atua-tua, awö girö-girö fa'aboto ba dödö.[2] 4 Andrö uŵa'ö da'ö, fa böi ilimo ami niha, ha niha ia, ba huhuo famowöhö.[3] 5 He sa lö botogu andre, ba sodo sa ba khömi tödögu; omuso dödögu, wangila fa'ehao andrö khömi, awö wa'aro dödömi, wamati khö Keriso.[4] 6 Ba si mane fanemami Yesu Keriso, So'aya, si manö göi mitörö lalania, 7 ba khönia yamoŵa'a ami, si tedou-dou, ni'abe'e'ö, ba wamati andrö, dali wamahaö ya'ami andrö; yafahöna khömi wangandrö saoha gölö, [5]
Fangelama ba zamaelungu[edit | edit source]
II. 8 Mifaigi, fa böi ilimo ami niha, ha niha ia, ba wa'atua-tua niha guli danö andrö, ba ba waya-faya andrö, wolo'ö nifa'ema niha, huku ba niha guli danö; si tenga folo'ö khö Keriso.[6] 9 Ba khönia sa monahia gahonoa wa'alowalangi andrö, ma'afefu, moboto.[7] 10 Ba khönia, wa no fahöna khömi; ba ba zamatörö andrö, fefu, ba ba zalaŵa andrö, fefu, ba no ya'ia högö.[8] 11 Ba khönia göi no muboto ami, tenga ni'amoto'ö tanga, famoto fangeheta boto nösi andrö, famoto khö Keriso andrö,[9] 12 me no teko'o ami, awönia, ba wamayagö idanö andrö; ba khönia göi no mususugi ami, awönia, börö wamati ba wa'abölö Lowalangi andrö, si no manusugi ya'ia moroi ba ngai zi mate.[10] 13 Ya'ami, göi, si no mate föna, ba wanawö-nawö oroisa andrö, ba ba nösimi andrö, si lö muboto, ba no i'orifi, awönia, me no ibe'e bualania khöda lalö andrö fefu,[11] 14 me no ibunu zura gömöda andrö, fangadugö ya'ita andrö, amakhoita andrö, ududa; no iheta, me no i'osö ba röfa;[12] 15 me iheta wangöna zamatörö andrö, ba fangöna zalaŵa andrö, me ibali'ö aya ira, ba zanehe zato, me i'oroma'ö, wa no abölö ia moroi khöra, ba röfa andrö.[13] 16 Ba böi sa'ae yamuhuku ami niha ba ni'a, ba ma ba nibadu, ba ma ba luo ni'amoni'ö, ba ma ba wasulöna, ba ma ba zabato.[14] 17 Lumö zi so dania da'ö, ba khö Keriso mboto.[15] 18 Böi ilimo ami niha, ha niha ia, ba luo zabölö andrö, niha somasi fa'adugu-dugu, ba famosumange mala'ika, niha solo'ö angilatania, si so hokha si lö börö, ba gera-era dödö nösinia,[16] 19 ba si lö molemba ba högö andrö; ba moroi ba da'ö sa tetolo mboto ma'afefu, ba wamaböbö andrö, ba ba nuo, moroi ba da'ö tefaböbö ia, ba manöi, ba wa'ebua andrö nibe'e Lowalangi.[17] 20 Ba na no mate ami, awö Keriso, ba huku niha guli danö andrö, ba hana wa labe'e goroisa khömi, hulö ba zi lö mate na, ba niha guli danö, wanguma'ö:[18] 21 Böi halö! böi a! böi babaya![19] 22 — ba oi sa atö ba wa'atekiko tebe'e ia, ba wangoguna'ö ya'ia — wolo'ö amakhoita ba famahaö ba niha:[20] 23 fa'atua-tua sa laŵa'ö, ba wame'e sumange si lö mu'oroi'ö, ba ba wa'adugu-dugu, ba ba wamakao boto, ba tenga ba wangöhöndrögö fa'abölö nösi andrö.[21]
Famotokhi ba gahe[edit | edit source]
- ↑ Faigi 4:13
- ↑ KorI 1:24
- ↑ Efes 5:6
- ↑ KorI 14:40
- ↑ Faigi 1:23; Efes 2:20; 4:15
- ↑ Efes 4:14; Rom 16:18
- ↑ Faigi 1:19; Yoh 1:14
- ↑ Faigi 1:16; Efes 1:21,23
- ↑ Fil 3:3; Kol 3:5-9
- ↑ Rom 6:4,5; Efes 2:5 b.t.; Kol 3:1
- ↑ Efes 2:1; 5:11; KorII 5:19
- ↑ Efes 2:15
- ↑ Luk 11:22
- ↑ Heb 9:10; Rom 14:2 b.t.; MozIII 23
- ↑ Heb 8:5; 10:1
- ↑ TimI 6:3 b.t.
- ↑ Efes 4:15,16
- ↑ Gal 4:9
- ↑ MozIII 5:2; TimI 4:3
- ↑ Mat 15:9,17,18
- ↑ TimI 4:8
Fabaliŵa lala[edit source]
Olayama Zura Kolose: 1 • 2 • 3 • 4
Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö