Jump to content

Wb/nia/Fetero I/4

Add links
From Wikimedia Incubator
< Wb | nia | Fetero I
Wb > nia > Fetero I > 4

Famarou tödö ba mbua-bua niha Keriso

[edit | edit source]

I. 1 Ba me no itaha wamakao Keriso, ba nösinia, ba mi'a'aro'ö göi ami tödö si manö; noa sa ibato wamazökhi horö si no manaha famakao, ba nösinia;[1] 2 ena'ö böi sa'ae mi'o'ö wangisö niha andrö, ba zi tosai nosomi ba guli danö, ena'ö somasi Lowalangi mi'o'ö.[2] 3 Noa sa abönö, me no milau zomasi niha baero, ba götö si no numalö, me mitörö hokha, ba fangisö si lö sökhi, ba femabu-mabu, ba femanga-manga, ba famadu-madu tuo, ba fame'e-me'e adu andrö, si lö tola.[3] 4 Andrö fa'ero ira, me lö fao ami, wanörö etuna wa'asilöyaŵa si manö, ba manandraŵa ira.[4] 5 Ba tesekhegö dania ira khö zi no mama'anö ya'ia andrö, ba wanguhuku niha sauri, awö zi no mate.[5] 6 Andrö sa te'ombakha'ö göi ba zi no mate duria somuso dödö andrö, ena'ö auri mbekhura, ba khö Lowalangi, he no tehuku ira, dali niha, ba mbotora.[6] 7 Ba noa sa ahatö gamozua hadia ia, fefu. Ba mi'angenanöi, ba böi miförö, ba wangandrö andrö.[7] 8 Ba si föföna, ba faoma moroi si'aikö ba dödömi mi'omasi'ö nawömi, me oya ibalugö horö fa'omasi andrö.[8] 9 Faoma mibe'e gö khö nawömi na möi tomemi, böi mikökö-kökö.[9] 10 Faoma mitolo nawömi, balazi hadia nitema zamösana, buala andrö, si mane niha si sökhi, nibe'e fa'ebua dödö Lowalangi andrö ba danga, fa ebua dödö si no oya ngawalö andrö.[10] 11 Na so zi fahuhuo, ba ya si mane niŵa'ö Lowalangi; ba na enoni, ba ya si mane na moroi ba wa'abölö andrö, nibe'e Lowalangi, ena'ö tefosumange Lowalangi, fefu hadia ia nilau, börö Yesu Keriso; ya khönia zumange ba fa'abölö, irugi zi lö aetu! Yaduhu.[11]

Famarou tödö ba wanaha famakao

[edit | edit source]

II. 12 Böi fatuwu khömi galitö fanandraigö andrö, ba khömi, si göna ami, ya'ami ni'omasiö; böi hulö na itörö ami si lö larai mila.[12] 13 Ndrohu-ndrohu zi no mo'urakha ami ba wamakao andrö khö Keriso, ba mi'omusoi'ö dödömi, ena'ö omuso göi dödömi, ba ena'ö owua-wua dödömi, na tefa'ele'ö dania lakhöminia andrö.[13] 14 Na latandraŵaisi ami, ba döi Keriso, ba ya'ahowu ami! me no ahono ba khömi Geheha lakhömi andrö, Eheha Lowalangi.[14] 15 Böi sa falukha ba khömi zanaha famakao me no sange'e ia, ba ma me no sanagö, ba ma me no sanao horö, ba ma me ihalö khönia zi tenga khönia.[15] 16 Ba na so zanaha famakao, me no niha Keriso ia, ba böi aila ia, ba yamusuno Lowalangi, ba döi andrö.[16] 17 Noa sa irugi baŵa, fa ibörötaigö fanguhuku, ba mbanua Lowalangi andrö. Ba na oföna ba khöda, ba hadia wozu zi lö molo'ö, turia somuso dödö andrö, khö Lowalangi?[17] 18 Ba na si lö lokha lö auri zatulö, ba heza i'iagö si lö molo'ö ba si so horö?[18] 19 Andrö, sanaha famakao, si faudu ba zomasi Lowalangi göi, ba ndramutou'ö nosora ba danga zomböi ya'ira andrö, si lö faröi, ndramutou'ö ba dangania, wolau si sökhi.[19]

Famotokhi ba gahe

[edit | edit source]
  1. ↑ Rom 6:6 b.t.
  2. ↑ KorII 5:15
  3. ↑ Rom 13:12 b.t.; Tit 3:3
  4. ↑ Yoh 15:18 b.t.
  5. ↑ TimII 4:1
  6. ↑ Faigi 3:19 b.t.; Rom 6:10,11
  7. ↑ YohI 2:18; Luk 21:34,36
  8. ↑ Faigi 1:22; Kol 3:14; Yak 5:20
  9. ↑ Heb 13:2; Fil 2:14
  10. ↑ Rom 12:5,6
  11. ↑ Rom 12:7; Kol 3:17; Faigi 5:11
  12. ↑ Faigi 1:6,7; Yak 1:12
  13. ↑ Faigi 1:7,8; Rom 8:17; Yak 1:2
  14. ↑ Faigi 3:14; Mat 5:10,11
  15. ↑ Faigi 2:20
  16. ↑ HalZin 11:26; TimII 1:8,12
  17. ↑ Hes 9:6; Luk 23:31; TesII 1:5,8
  18. ↑ Amaed 11:31; Yer 49:12
  19. ↑ Yak 5:13; Luk 23:46

Fabaliŵa lala

[edit source]

Olayama Zura Fetero I: 1 • 2 • 3 • 4 • 5

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Fetero_I/4&oldid=6229871"