Wb/nia/Fetero I/1

Add links
From Wikimedia Incubator
< Wb‎ | nia‎ | Fetero I
Wb > nia > Fetero I > 1

Fangowai[edit | edit source]

I. 1 Fetero zanura da'e, sinenge Yesu Keriso andrö, khömi si fatewu, nitutuyu andrö, sizaewe ba Wondro, ba ba Galatia, ba ba Gafadokia, ba ba Azia, ba ba Mbitinia,[1] 2 dali wangohonogöi Lowalangi Ama, föna, ba wangehao Geheha andrö, ba wolo'ö, ba ba wanefe ya'ami do Yesu Keriso andrö. Yafahöna khömi wa'ebua dödö ba fa'ohahau dödö.[2]

Fanuno Lowalangi börö wangorifi khö Keriso Yesu[edit | edit source]

II. 3 Nisuno Lowalangi, Ama Zo'aya ya'ita, Yesu Keriso, si no mamuli mangadonogö ya'ita, dali wa'ahakhö dödönia andrö, si no fahöna, ba wanötöna andrö, si tenga faya, moroi ba wemaoso Yesu Keriso andrö, moroi ba ngai zi mate,[3] 4 ba wanema ondröita andrö si lö taya, si lö si lö göna, si lö ariri, ni'irö'ö khömi ba zorugo;[4] 5 khömi nirorogö fa'abölö Lowalangi andrö, balazi wamati, ba wanema fa'auri si lö aetu andrö, si no awai, ba wangoroma'ö ya'ia, na luo safuria andrö.[5] 6 Ba da'ö owua-wua dödömi, ya'ami, sabu tödö iada'e ma'ifu, na moguna, ba wa'oya ngawalö wanandraigö andrö.[6] 7 Ena'ö tetandraigö wamatimi, ba ena'ö tesöndra, ebua mbölinia, moroi ba mbalaki, si tekiko sa atö, nitandraigö ba galitö, ena'ö falukha ami tesuno ami, ba mo akhömi ami, ba tefosumange ami, ba wa'ato'ele Yesu Keriso andrö,[7] 8 somasi ami, he ŵa'ae lö mirai falukha, si faduhu dödömi iada'e, he ŵa'ae lö mi'ila ia, ba no owua-wua dödömi ba da'ö; tebai laŵa'ö ha wa'abölö-bölö wa'omuso dödö andrö, si no si ndruhu,[8] 9 me misöndra wozu wamatimi andrö, fangorifi noso andrö.[9] 10 Fangorifi andrö nifatou-tou zama'ele'ö andrö, da'ö ni'alu-aluira tödöra, sama'ele'ö fa'ebua dödö andrö, si falukha ami.[10] 11 No la'alu-alui ha wa'ara ba he wisa ni'ötö Geheha Keriso andrö, sangöhönagö famaduhu'ö ba dödöra, wama'ele'ö famakao andrö, nitaha Keriso, awö lakhömi andrö, na no aefa wamakao.[11] 12 Ba te'oroma'ö khöra, wa tenga khöra, wa khömi halöŵöra ba ngawalö hadia ia andrö, si no mufa'ombakha'ögö khömi iada'e, ba zangombakha turia somuso dödö andrö, ba khömi, balazi Geheha ni'amoni'ö andrö, nifatenge moroi ba zorugo; mala'ika göi zomasi mamaigi da'ö.[12]

Famarou tödö ba wanörö lala si sökhi[edit | edit source]

III. 13 Andrö mi'a'aro'ö dödömi, böi ambö gera-erami, midöna-döna manö ba wa'ebua dödö andrö, ni'oro'ö khömi ba wa'ato'ele Yesu Keriso andrö.[13] 14 Si mane ono solo'ö-lo'ö li, böi si mane amuata föna, ba gisö-isömi andrö föna, me lö mi'ila watahögö.[14] 15 Tuladami ni'amoni'ö andrö, si no mogaoni ya'ami, si manö göi mi'amoni'ö ami, ba mbua-buami andrö, fefu,[15] 16 me no so ba zura: "Mi'amoni'ö ami, me no ni'amoni'ö ndra'odo."[16] 17 Ba na fa'ama ami khö zi lö mamaigi bawa niha, wanguhuku, same'e balazi bua-bua zamösana, ba mi'ata ufi zi lö göna bua-buami, götö wekolimi andrö;[17] 18 me no mi'ila, tenga hadia ia zi tekiko, firö, ba ma ana'a hölimi ba huku faya, andrö, khö ndra tua,[18] 19 no do sebua böli hölimi, hulö ndro nono mbiri-biri si lö sinegu, si lö si ta'unö, do Keriso andrö,[19] 20 nihonogöi sa föna, me lö mufobörö danö na, ba nifa'ele'ö ba götö safuria andre, börö ami,[20] 21 samati ba Lowalangi, moroi khönia, ba Lowalangi si no manusugi ya'ia moroi ba ngai zi mate, si no mame'e lakhömi khönia; tobali fanötöna ba Lowalangi göi wamatimi andrö.[21] 22 Me no mihaogö dödömi, ba wolo'ö si duhu, ba wangomasi'ö talifusö, fa'omasi, si lö famini tödö, ba faoma moroi si'aikö ba dödömi mi'omasi'ö nawömi.[22] 23 Si no mendrua tumbu ami, tenga moroi ba danömö sobou dania, no moroi ba zi lö obou, no moroi ba daroma li Lowalangi andrö, sauri, ba si lö tebulö.[23] 24 Me no "hulö ndru'u nösi guli danö, ma'afefu, ba fefu lakhöminia andrö, ba hulö mbowo ndru'u; aleu ndru'u andrö, ba atoru mbowo,[24] 25 ba irugi zi lö aetu, ba lö tebulö daroma li Zo'aya andrö." Ba da'ö daroma li andrö, ni'ombakha'ö ba khömi, turia somuso dödö andrö.[25]

Famotokhi ba gahe[edit | edit source]

  1. ↑ Yoh 7:35; Yak 1:1
  2. ↑ Faigi 2:9; Rom 8:29; Heb 12:24; FetII 1:2
  3. ↑ Efes 1:3; 2:4 b.t.; Rom 6:4
  4. ↑ Faigi 5:4; Kol 1:5
  5. ↑ Efes 2:6,7; Yoh 10:28
  6. ↑ Faigi 4:12,13; 5:10; Yoh 16:20,22; Heb 12:11
  7. ↑ Rom 2:10; Yak 1:3; Faigi 4:13; Amaed 17:3
  8. ↑ Yoh 20:29; KorII 5:7
  9. ↑ TimII 2:10; Heb 10:39
  10. ↑ Dan 2:44; Hag 2:7–9; Mat 13:17
  11. ↑ Dan 9:24; 12:7 b.t.; Luk 24:26 b.t.; Heb 2:9
  12. ↑ HalZin 2:30 b.t.
  13. ↑ Faigi 5:8; Luk 12:35
  14. ↑ Efes 4:17 b.t.
  15. ↑ KorII 7:1
  16. ↑ MozIII 11:44
  17. ↑ Rom 2:6–11; Heb 12:28
  18. ↑ KorI 6:20; Efes 4:17
  19. ↑ Heb 9:14
  20. ↑ Rom 16:25; TimII 1:9,10
  21. ↑ HalZin 2:24,33; Heb 7:25
  22. ↑ Rom 12:10; YohI 3:18
  23. ↑ Yoh 1:13,14; Yak 1:18
  24. ↑ Yes 40:6–8
  25. ↑ Sin 119:89,96

Fabaliŵa lala[edit source]

Olayama Zura Fetero I: 1 • 2 • 3 • 4 • 5

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Fetero_I/1&oldid=6229868"