Wb/nia/Fetero I/2

Add links
From Wikimedia Incubator
< Wb‎ | nia‎ | Fetero I
Wb > nia > Fetero I > 2

Famarou tödö ba wangehao tödö[edit | edit source]

I. 1 Ba miböhöli fefu wa'afaito, awö ngawalö walimosa fefu, awö wamini tödö, awö wa'afökhö dödö, awö ngawalö wamöbögö si lö sökhi, fefu.[1] 2 Hulö ndraono sawena tumbu, omasi ami zusu andrö, si oroi daroma li andrö, si lö si faruka, ena'ö tedou ami, ba khönia andrö, fangorifi,[2] 3 na no mitandra wa'asökhi dödö Zo'aya.[3] 4 Na mi'ondrasi ia, gowe sauri andrö, nitibo'ö niha sa, ba nituyu Lowalangi, sebua böli khönia;[4] 5 ba mibe'e nifa'anö göi ami, gowe sauri, omo Geheha, ba wo'ere ni'amoni'ö ba wame'e sumange ni'a'asogö Geheha, somasi Lowalangi, balazi Yesu Keriso.[5] 6 Me no si mane ba zura: "Hiza, ube'e ba Ziona gowe, toyo ba watalinga, nituyu, sebua böli, ba samati khönia ba tebai aila."[6] 7 Ba fa'ebua döi khömi, ya'ami samati; ba ba zi lö mamati, ba no tobali toyo ba watalinga gowe andrö, nitibo'ö zotomo andrö, no tobali gowe nitendre, ba kara börö wa'ate'ala,[7] 8 manendre ira, me lö la'o'ö daroma li andrö; ba da'ö göi nihonogöi khöra.[8] 9 Ba ya'ami, ba mado nituyu, ere salaŵa, soi ni'amoni'ö, banua tana khö Lowalangi; ena'ö mituriagö gamuata zogaoni ya'ami, moroi ba zogömi-gömi, ba hagania andrö, sahöli-höli dödöda.[9] 10 Ya'ami si tenga banua föna, ba si no banua Lowalangi iada'e, si lö muhakhösi tödö föna, ba si no muhakhösi tödö iada'e.[10] 11 He ya'ami ni'omasi'ö! ufarou dödömi, me no si fatewu ami, me no sikoli: böi mifa'amöi ba dödömi wangisö nösi niha andrö, si fa'emali ba dödö.[11] 12 Ba mihaogö mbua-buami, ba gotalua niha baero andrö, ena'ö lasuno Lowalangi, na baŵa we'amöinia, börö mbua-buami andrö si sökhi, na latöngöni da'ö, na no laböbögö khömi zi lö sökhi.[12]

Famarou tödö ba wolo'ö li zalaŵa[edit | edit source]

II. 13 Ba mi'o'ö fefu nifakhoi niha börö Zo'aya ya'ita, he razo, fondrege zalaŵa, 14 ba he kumandru andrö, nifatengenia, ba wangotu'ö sanao horö andrö, ba ba wanuno solau si sökhi.[13] 15 Si manö sa zomasi Lowalangi, folau si sökhi labe'e fama'afu mbawa ba wa lö mangila andrö, ba niha sambö era-era.[14] 16 Si mane si tenga sawuyu, ba böi si mane same'e balu-balu walösökhi wa no tenga sawuyu ira; si mane enoni Lowalangi.[15] 17 Dozi niha mifosumange, mi'omasi'ö watalifusöta, mi'ata'ufi Lowalangi, mifosumange razo.[16] 18 Ya'ami, sangai halöŵö, mi'o'ö li zokhö ya'ami, mi'ata'ufi sibai ira, böi ha ba zi sökhi, sebolo tödö, ba zafaito göi.[17]

Famarou tödö ba wanaögö si lö atulö[edit | edit source]

III. 19 Da'ö sa zomasi Lowalangi, na itaögö wamakao niha, me itörö tödönia Lowalangi, na itaha zi lö atulö.[18] 20 Hadia sa duria da'ö, na mitaha, na la'otu'ö ami, me no so zalami? Ba na mitaha na lafakao ami, me no milau zi sökhi, da'ö zomasi Lowalangi.[19] 21 Ba da'ö sa tekaoni ami, me no itaögö göi wamakao Keriso, salahimi, ba me no iröi wamaedo khömi, ena'ö mitara lahenia.[20] 22 Ya'ia, lö nifazökhinia horö, ba lö murongo walimosa ba mbewenia.[21] 23 Me lahede-hede'ö ia, ba lö ifuli ihede-hede'ö; me lafakao ia, ba lö ifangaha wolau balö, ibe'e ba danga zangatulö'ö fanguhuku andrö.[22] 24 No i ohe yaŵa ba döla geu andrö horöda, ba mbotonia, ena'ö aefa ita ba horö andrö, ba ena'ö auri ita ba zatulö; moroi ba zokhonia andrö, wa döhö wökhömi.[23] 25 Hulö mbiri-biri sa, si no elungu, ami föna, ba noa sa'ae mifuli ami khö gubalo dödömi andrö, khö zamaigi-maigi ya'ia.[24]

Famotokhi ba gahe[edit | edit source]

  1. ↑ Efes 4:22,31; Yak 1:21
  2. ↑ Faigi 1:23; Heb 5:13
  3. ↑ Sin 34:9
  4. ↑ KorI 3:11; Sin 118:22; Mat 21:42
  5. ↑ Efes 2:21 b.t.; Yes 61:6; Rom 12:1
  6. ↑ Yes 28:16
  7. ↑ HalZin 4:11; Yes 8:14
  8. ↑ Luk 2:34
  9. ↑ MozII 19:5,6; Fam 1:6; Tit 2:14; Kol 1:12,13
  10. ↑ Hos 2:23; Rom 9:25
  11. ↑ Sin 39:13; Rom 13:13,14
  12. ↑ Faigi 3:16; Fil 2:15; Mat 5:16
  13. ↑ Rom 13:1 b.t.
  14. ↑ Faigi 3:9; Tit 2:8
  15. ↑ Gal 5:1,13
  16. ↑ Faigi 4:8; Rom 12:10; Fam 14:7; Mat 22:21
  17. ↑ Efes 6:5 b.t.
  18. ↑ Mat 5:10,39 b.t.
  19. ↑ Faigi 3:14,17; 4:16
  20. ↑ Faigi 3:18; Luk 9:23; Yoh 13:15
  21. ↑ Yes 53:9; KorII 5:21
  22. ↑ Yes 53:7; Yoh 8:48–50
  23. ↑ Kol 1:21,22; Rom 6:11; Yes 53:5
  24. ↑ Yes 53:6; Yoh 10:11,14

Fabaliŵa lala[edit source]

Olayama Zura Fetero I: 1 • 2 • 3 • 4 • 5

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Fetero_I/2&oldid=6229869"