Wb/nia/Fetero I/3

Add links
From Wikimedia Incubator
< Wb‎ | nia‎ | Fetero I
Wb > nia > Fetero I > 3

Amakhoita ba zi faronga[edit | edit source]

I. 1 Si manö göi ndra alawe, ndramu'o'ö li ndra matuara, ena'ö tedönisi da'ö, ba mbua-bua ndra alawe andrö, he lö hede-hede, na so ösa, zi lö mamati ba daroma li andrö,[1] 2 na lanehegö mbua-buami, wa mi'ata'ufi zi lö sökhi, awö wa no ohau-hau ami. 3 Böi fangehao baero wangehao zi manö, böi fondrandra bu ba fo'aya ana'a ba fonukha;[2] 4 fangehaora niha bakha andrö, si no tobini, tödö andrö, ba zi lö tebulö wa'ebolo dödö ba fa'ahono-hono, si no omasiö Lowalangi.[3] 5 Si manö sa göi wangehao ndra alawe ni'amoni'ö andrö, föna, sanötöna khö Lowalangi, ba la'o'ö li ndra matuara; 6 si mane folo'ö Zara andrö li Gaberahamo, fatuha ia khönia; ma'uwunia ami, na mihaogö mbua-buami, ba na lö mi'ata'ufi wamakao, hadia ia.[4] 7 Si manö göi ndra matua; mihaogö wa'orudu ba ndra alawe, böi sambö era-era, me no öna-öna wa'abötöra, mifosumange ira, me no awömi sanema ondröita andrö, fa'ebua dödö andrö, fa'auri, fa böi tetabi wangandrömi.[5]

Famarou tödö ba mbua-bua si sökhi[edit | edit source]

II. 8 Ba fozu, ba ena'ö na ha sara dödömi fefu, ena'ö na afökhö khömi göi zafökhö khö nawömi, mi'omasi'ö dalifusö, ya'ahakhö dödömi nawömi, ba böi fayaŵa ami.[6] 9 Böi misulöni zi lö sökhi awönia si lö sökhi, ba böi misulöni walelesa awönia falelesa; böi manö da'ö; samahowu'ö ami; ba da'ö sa tekaoni ami, ba wanema howu-howu.[7] 10 "Ha niha sa zomasi fangorifi, somasi i'ila mbaŵa si sökhi, ba yamutaha lelania, ba zi lö sökhi, ba bewenia, fa böi ilau waya.[8] 11 Yamu'erogö zi lö sökhi, ba yamulau zi sökhi, yamu'alui wa'atulö, yamugohi.[9] 12 Ihörö-hörögö sa zatulö So'aya, ba ibe'e mbörö dalingania ba wangadröra; ba itöngö So'aya zamazökhi si lö sökhi."[10] 13 Ba ha niha zamakao ya'ami, na miforege wolo'ö si sökhi?[11] 14 Ba he mitaha wamakao, na börö wa'atulö, ba ya'ahowu ami. Ba böi mi'ata'ufi wameta'ura, ba böi tokea ami,[12] 15 ba mi'amoni'ö Keriso, So'aya, ba dödömi; böi mamalö-malö wa i'anema'ö mi'ila mibu'a, na so zanofu li khömi, ba wanötöna andrö, si so ba dödömi, gofu ha niha ia; ba böi aefa wa'ebolo dödö ba fa'ata'u; böi itegu ami tödömi, 16 ena'ö aila zanandraŵaisi ya'ami ba gamuatami si sökhi andrö, ba khö Keriso, na laböbögö khömi zi lö sökhi.[13] 17 Sökhi sa, na tefakao ita ba wolau si sökhi, na nilau dödö Lowalangi ena'ö, moroi na tefakao ita ba wolau si lö sökhi.[14] 18 Noa sa göi mate Keriso, zamuza, ba horö andrö, satulö andrö, salahi zi lö atulö, ena'ö i'ohe ita ba Lowalangi; nibunu sa na dali mboto, ba ni'orifi dali Geheha,[15] 19 ba da'ö dali, ba we'amöinia ba wangombakha ba mbekhu ba gurunga,[16] 20 si lö molo'ö föna, me ibologö dödönia Lowalangi wombalo-mbaloi, me luo No'akhi, me tefazökhi nowo andrö, ba ni'orifi si lö atoto andrö, ha daŵalu, ba nidanö.[17] 21 Famaedo da'ö, famayagö idanö andrö, zangorifi ya'ami göi iada'e, tenga fameta da'i nösi, no fanofu tödö si lö sinegu, khö Lowalangi, börö wemaoso Yesu Keriso andrö,[18] 22 si so ba gambölö Lowalangi, me no möi ia ba zorugo, me no mube'e barö mbawania mala'ika, awö zalaŵa andrö, awö zabölö andrö.[19]

Famotokhi ba gahe[edit | edit source]

  1. ↑ Efes 5:22 b.t.; KorI 7:13–16
  2. ↑ TimI 2:9 b.t.
  3. ↑ Sin 45:14
  4. ↑ MozI 18:12; Gal 4:31
  5. ↑ KorI 7:3,5; Kol 3:19
  6. ↑ Kol 3:12 b.t.
  7. ↑ Faigi 2:23; TesI 5:15; Mat 5:44
  8. ↑ Sin 34:13 b.t.; Yak 1:26
  9. ↑ TimI 6:11; Heb 12:14
  10. ↑ Sin 34:16,17
  11. ↑ Rom 8:28
  12. ↑ Faigi 2:20; 4:14; Mat 10:28; Yes 8:12; 15:17
  13. ↑ Tit 2:8
  14. ↑ Faigi 2:19; 4:14–19
  15. ↑ Luk 23:46; Faigi 2:21,24; Rom 6:10; 5:6–8; 1:4
  16. ↑ Faigi 4:6; Efes 4:9
  17. ↑ FetII 2:5; MozI 6:3; Heb 11:7
  18. ↑ Heb 10:22 b.t.; Rom 6:4; Efes 5:26
  19. ↑ Efes 1:20 b.t.

Fabaliŵa lala[edit source]

Olayama Zura Fetero I: 1 • 2 • 3 • 4 • 5

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Fetero_I/3&oldid=6229870"