Wp/vmf/Meerreddich
Der Meerreddich (Armoracia rusticana, in Bayan un´ Östreich: Kren) is a Greizblüdngwächs, des wou urschbrüngli aus Siidosdeuroba schdammd un` als Gwörz, Gmäis un` in der Nadurheilkundn verwended wärd. Meerreddich is ans vo däi schärfsdn Gwörze ieberhabds. Däi Worzl an sich is gruchslous un´ doud ihr Schärfn erschd endfaldn, wenn´s afgschniidn odder brochn wärd.
Der Meerreddich un` sei Obau ghörn scho seid´n Middlalder zur fränggischn Guldur. Däi Rechion zwischa Bamberch, Nämberch und´n Schdeicherwald is des dradidionsreigsde Meerreddichobaugebied af der Weld un´ es grässde in Daidschland. Im 15. Joahrhunnderd soll der Nämbercher Marggraf Johann `n Meerreddich vo anner vo seine Reisn miidbrachd un` in Baiersdorf, wou´s seid 1997 aa a Meerreddichmuseum gidd, guldivierd ham. Gessn wärd der Meerreddich beischbillsweis gern zur Nämbercher Bradworschd odder an graicherdn Fiisch. In Franggng is a ´kochts Rindfleisch miid anner Meerreddichsoßn, Bandnudln un` Breislbeern sugoar es dradidionelle Hochzeidsessn. Der Meerreddich schbilld ned blouss in der Kichn, sondern a in der Nadurheilkundn a Rolln. Er endhäld ädherische Öle, dobbld su vill Fitamin C wäi Zidrona un` den andibiodischn Wirgschdoff Sinigrin. Er reechd `n Graislaff un` däi Verdauung o, schdärrgd es Immunsysdem un´ soll sugoar geecha a Gribbn helfn.
Im Nedz
[edit | edit source]