Wp/mag/चण्डीगढ़

चण्डीगढ़ (पञ्जाबी: ਚੰਡੀਗੜ੍ਹ; हरियाणवी/हिन्दी: चण्डीगढ़) भारतके एगो केन्द्रसासितपरदेस हे, जे दू भारतीयराज्ज, पञ्जाब आउ हरियाणाके रजधानियो हे। एकर नामके अर्थ हे चण्डीके दुर्ग। ई हिन्दूदेवी दुर्गाके एगो रूप चण्डिका या चण्डीके एगो मन्दिरके चलते पड़लैहे। ई मन्दिर आझो नगरसे कुछ दूर हरियाणाके पञ्चकुला मण्डलमे स्थित हे। चण्डीगढ़ राजधानीक्षेत्रमे मोहाली, पञ्चकुला आउ जीरकपुर आवहे, जिनखर २००१ के जनगननाके अनुसार जनसङ्ख्या १ करोड़ १६ लाख हे। भारतके लोकसभामे प्रतिनिधित्व हेतु चण्डीगढ़ला एगो पीठ आवण्टित हे। बर्तमान सत्रहमा लोकसभामे भारतीय जनतापार्टीके श्रीमती किरन खेर एहाँसे सन्सद् सदस्स हथिन।

सम्बन्धित लेख

• भारतके राज्ज आउ केन्द्रसासितपरदेस
• भारतके मण्डल
• भारतके भासा