Wp/mag/चण्डीगढ़

चण्डीगढ़ चण्डीगढ़code: bgc is deprecated ਚੰਡੀਗੜ੍ਹcode: pa is deprecated
भारतके नगर आउ केन्द्रशासितप्रदेश
चण्डीगढ़ सङ्घ राज्यक्षेत्र
उपनाम:  सुन्दर नगर
देश	भारत
उद्घाटन	आश्विन शुक्ल प्रतिपदा विक्रम संवत् २०१० (७ अक्टूबर १९५३)
नामस्रोत	देवी चण्डी
सरकार
• प्रकार	सङ्घ शासन
• अङ्ग	भारत सरकार
• राष्ट्रपति	द्रौपदी मुर्मू
• प्रशासक	बनवारीलाल पुरोहित
क्षेत्रफल
• कुल	114 किमी2 (44 वर्ग मील)
उन्नतांश	321 मी (1,053 फीट)
जनसङ्ख्या  (2011)
• उचित नगर	९,६१,५८७
• महानगर	१०,२५,६८२
भाषा
समयमण्डल	युटिसि+5:30 (भामास)
जालस्थल	www.chandigarh.nic.in

चण्डीगढ़ (पञ्जाबी: ਚੰਡੀਗੜ੍ਹcode: pa is deprecated ; हरियाणवी: चण्डीगढ़code: bgc is deprecated ) भारतके एगो केन्द्रशासितप्रदेश हे, जे दू भारतीयराज्य, पञ्जाब आउ हरियाणाके रजधानियो हे । एकर नामके अर्थ हे चण्डीके दुर्ग । ई हिन्दुदेवी दुर्गाके एगो रूप चण्डिका वा चण्डीके एगो मन्दिरके चलते पड़लैहे । ई मन्दिर आझो नगरसे कुछ दूर हरियाणाके पञ्चकुला मण्डलमे स्थित हे । चण्डीगढ़ राजधानी क्षेत्रमे मोहाली, पञ्चकुला आउ जीरकपुर आवहे, जिनखर २००१ के जनगननाके अनुसार जनसङ्ख्या १ करोड़ १६ लाख हे । भारतके लोकसभामे प्रतिनिधित्व हेतु चण्डीगढ़ला एगो पीठ आवण्टित हे । बर्तमान सत्रहमा लोकसभामे भारतीय जनता पार्टीके श्रीमती किरण खेर हियाँसे सांसद् सदस्य हथिन । २०२० ईस्वीसे पूर्व चण्डीगढमे सेक्टर १३ नाम से कौनो सेक्टर नै हलै काहेकि चण्डीगढ़ नगरके शिल्पकार ली कार्बूजियर ई अङ्कके अशुभ मानहथिन । किन्तु फरवरी २०२० मे सङ्घ राज्यक्षेत्र प्रशासन द्वारा नगरके ८ क्षेत्रको क्षेत्रक १३ अधिसूचित कैल गेलै ।

ई नगरके नामकरण दुर्गाके एक रूप ‘चण्डिका’ के कारण होलै हे आउ चण्डीके मन्दिर आझो ई नगरके धार्मिक पहचान है । ई नगरके निर्माणमे तत्कालीन प्रधानमन्त्री जवाहरलाल नेहरुओके निजी रुचि रहलै हे, जे नया राष्ट्रके आधुनिक प्रगतिशील दृष्टिकोणके रूपमे चण्डीगढ़के देखैत ई राष्ट्रके भविष्यमे विश्वासके प्रतीक बतौलन हल । चण्डीगढ़के तत्कालीन भारत राष्ट्रपति श्री राजेन्द्र प्रसाद द्वारा १९५३ ई० मे कैल गेलै हल।

अन्तर्राष्ट्रिय स्तर पर नगरीय योजनाबद्धता आउ वास्तु-स्थापत्यला प्रसिद्ध ई नगर आधुनिक भारतके प्रथम योजनाबद्ध नगर है । चण्डीगढ़के मुख्य वास्तुकार फ्रान्सीसी वास्तुकार ली कार्बूजियर है, किन्तु नगरमे पियरे जिएन्नरेट, मैथ्यु नोविकी एवं अल्बर्ट मेयरके बड़ीमनी अद्भुत वास्तु नमूना देखल जा सकहै । नगरके भारतके समृद्ध राज्य आउ सङ्घशसितप्रदेशके सूचीमे अग्रणी नाम आवहै, जेकर प्रतिव्यक्ति आय ९९,२६२ रु (वर्तमान मूल्य अनुसार) एवं स्थिर मूल्य अनुसार ७०,३६१ (२००६-०७) रु है ।

सम्बन्धित लेख

• भारतके राज्य आउ केन्द्रशासितप्रदेश
• भारतके मण्डल
• जनसङ्ख्या अनुसार भारतके नगरके सूची