Wp/liv/Madjār kēļ

From Wikimedia Incubator
< Wp‎ | livWp > liv > Madjār kēļ
Jump to navigation Jump to search
Madjār kēļ
A magyar nyelv elterjedese.svg
Īeldõm [ˈmɔɟɔr]
Rõkāndijid Madjārd
Rõkāndijid lug 13-14 miljonõd
Tǟdzit 62. (mōīlmas)
14. (Eirops)
Rõkāndõbõd kēļ Flag of Hungary.svg Ungrārmō 10 miljonõd
Flag of Romania.svg Rumāņmō 1,2 miljonõd
Flag of Slovakia.svg Slovākij 500 000
Flag of Serbia.svg Serbij 300 000
Flag of Ukraine.svg Ukrain 150 000
Flag of the U.S..svg Amērik Ītõnd-Valdõd 110 000
Flag of Canada.svg Kanād 75 000
Flag of Austria.svg Austrij 22 000
Flag of Croatia.svg Horvātij 16 000
Flag of Slovenia.svg Slovēnij 10 000
Valst kēļ {{{Valst kēļ}}}
Tapārtõdõd veitõmrovli kēļ {{{Tapārtõdõd veitõmrovli kēļ}}}
Kīelsuglit {{{Kīelsuglit}}}
Kērasistēm {{{Kērasistēm}}}
Kīelli kōd {{{Kīelli kōd}}}


Madjār kēļ um madjārd kēļ, mis rõkāndõbõd immõr 13-14 miljonõd rištīngidi Ungrārmōl ja immõrkoutļižis mōši. Se um valst kēļ Ungrārmōl, Eirōp Ītsõ ja Vojvodinas, se um tapārtõdõd veitõmrovli kēļ immõrkoutļiz mō mingižis jagši. Madjār kēļ kūlõb sūomõ-ugrõ kīeld ugrilizõ pūolõ, amā ležglizt sugūd at hanti ja mansi kīeld. Madjār kēļ rõkāndijid lug pierrõ um 62. amā sūr kēļ mōīlmas ja 14. Eirops, neiīž se um amā sūr äb-indoeiropli kēļ Eirops ja amā sūr kēļ sūomõ-ugrõ kīeld vailõ.

Madjār kēļ sōb kēratõb latīņ kēratǟdõdõks, irdzizt kēratēḑ sōb täutõntõb jūrõtǟtõkstõks īžkillijid jūs.

Madjār murdõd vailõ äb ūotõ sūrd vaitõd, vaitõd pǟažālistõz at īeltagāvarās, piškīmõd vaitõd at sõnāvīļas ja jo piškīmõd at gramatiks, murdsõ rõkāndijid sōbõd īdtūoizta arū.

Madjār kēļ um aglutinatīv, mingiz kīelilzkēratimiz pierrõ madjār kīelõn at jemīņim gramatik nõtkūd sūomõ-ugrõ kīel vailõ. Madjār kīel pǟl um eņtši īžkillijizärmōņij. Īelsistēms tǟdzi vastõpīlimi um pitkād ja lītizt īžkillijid vailõ. Madjār kēļ äb ītlõ nimsõnnõ täm ummitsõnāks − äb nei līvõ kīels. Tīemizsõnādõn um pīldzi ja äbpīldzi nõtkimi. Madjār kīels at pīldzizt ja äbpīldzizt artikõld.

Alfabēt ja īelmerkimi[edit]

Madjār kērasistēm um kērakēratiji, latīņ kērali ja īelmerkiji. Ortogrāfij alīzīdit um kēra, jo pīenõstiz grafēm, mis võib vȱlda īdnipstāli, kōdnipstāli ja kuolmnipstāli. Grafēmõd alz merkõb īdtõ īeldõ, ja alz seēņtšta īeldõ.

Alfabēt[edit]

Madjār alfabēt pūojtõb latīņ kēraliz kērasistēm pǟl, kōdvīţi arāndõks kuojābiz nänt īeld merkimiz pǟl, mis at ilāpierri madjār kīelsõ, agā ne pūtõbõd latīņ kīelstõ. Īņõzkillijid merkimizõn kērasiḑīm, īžkillijid merkimizõn jūrõtǟtõks sōb kȭlbatõd. Madjār alfabētõn at kakš versijõ, irdzi alfabētõs at 40 kērad, neinuttõd lagtõd alfabētõs pīlõbõd 44 kērad. Lagtõd alfabētõs kokska seļļizt kērad at (q, w, x, y), mis īd at līekõnimīs või umbkēļi sõņši tuoimõbõd, bet – sīest madjār kēļ jetāb umbkēļizt sõnād kēratimizformõ – ne kērad sōb kȭlbatõb jegāpǟvaļižis jelāmižis.

A a Á á B b C c Cs cs D d Dz dz Dzs dzs E e É é F f
G g Gy gy H h I i Í í J j K k L l Ly ly M m N n
Ny ny O o Ó ó Ö ö Ő ő P p Q q R r S s Sz sz T t
Ty ty U u Ú ú Ü ü Ű ű V v W w X x Y y Z z Zs zs

Īelmerkimi[edit]

Īžkillijid[edit]

Īžkillijid alz sōbõd merktõd īdnipstālizt kēradõks, jūrõtǟtõkst nägțõbõd kvalitēt ja kvantitēt vaitidi. Madjār īelsistēm tǟdzi ummit um lītizt ja pitkād īeld tuoistantimi. Lītizt īžkillijid kēradõn või äb ūo jūrõtǟtõkst, või um punkt sīe pǟl. Pitkīdi īžkillijidi merkijidi pǟl neinuttõd akūt um.

Madjār īžkillijid
IPA [ɔ] [ɔː] [ɑ] [ɑː] [ɛ] [ɛː] [e] [eː] [i] [iː] [o] [oː] [ø] [øː] [u] [uː] [y] [yː]
madjār a (ā) (ȧ) á e (ē) (ë) é i í o ó ö ő u ú ü ű
līvõ a ā e ē i ī o ō (ö) (ȫ) u ū (ü) (ǖ)

Gramatik[edit]

Nimsõnād[edit]

Madjārõd gramatikõd tuoistiņțõbõd, kus ne tõmbõbõd ežžõ tõv ja lop vailõ. Nimsõnād lop vailõ at primērõd ja neinuttõd lejālizt lopūd, pǟažālistõz mǟdlopūd. Primēõd lopūd at sūomõ-ugrõ pierāndõkst, ne irdistiz pīlõbõd āinagizõst īņõzkillijizõst, sīestõ až ne kubbõ sōbõd īņõzkillijizõks loppiji tõvvõks, siz kōd īel vailõ ikš īeldõmt kievāmtiji ēļ nägțõb. Mingi gramatik pītõb siedā īeldõ tõvvõ, ja nimtõb tõvlopāndȯkskillijizõks. Munt gramatikõd pierāst se ēļ kūlõb loppõ, sīestõ se sōb kutstõb eḑḑikillijizõks. Kuolmõz arāndõks jedstõ se ēļ um ikš īžki allijag, tuoizsõnāks siḑīmkilliji (se pīlõm danktistiz äb ūo tieudli). Ežmiz kōd arāndõkst vȯŗki um, ku ne loptāb või sõnād, või lopūd īdvīţlimizt, mis lǟlamtõb kīeloppimizt. Tulbižis kȭrdaliz nimsõnād suggimizõs īeldõmkievāmtijizt īeldõ mēg pidām eḑḑikillijizõks, agā äbkȭrdaliz nimsõnād suggimizõs mēg pidām tõvlopāndȯkskillijizõks. Neinuttõd lejālizt mǟdlopūd sugīztõ, ne saggõld at irgijizt vizās zilbõd, sīestõ irdistiz äb ūo vajāg eḑḑikillijiži.