Wp/liv/Līvõd muzīk

From Wikimedia Incubator
< Wp‎ | liv
Wp > liv > Līvõd muzīk

Ežmi līvõd kūor, Līvõd Īt Kūor pūojtiztõ Sīkrõgõl sõvvõ 1922 Lōrm kōrands. Sīe jūodiji vȯļ Margarete Stalte. Kūor lōliz 1922 āigast septembõrs āigasts Irēl kuolm līvõ-kēļizt loulõ.

Ežmizt līvlizt loulpivād sugīztõ 24 jūnijs 1924 Irēl. Sǟl lōliztõ Sīkrõg, Kūoštrõg ja Kūolka kūord. Īrgandõksõs vȯļ lǟlam lieudõ līvõkēļiži lōlidi.

Pǟgiņ lōlidi kēratiz Kōrli Stalte, nägţõbõks tei ta līvõkēļiži sõņḑi Ēstimō kompozitõrd lōlõdõn. 1930 āigastis sai līvlizt amā tǟdziz kūorõks Īra kilā kūor, mis võtīz eņtš repertuārõ jemīņ lōlidi līvõ kīelkõks.

Āigasts 1972 pūojtiztõ ansambõl “LīvlistRīgõs ja ansambõl "Kāndla" Vǟntas, mis tegīņtubõd ka paldīž. Ne lōlabõd līvõ rovlōlidi ja ka ūži lōlidi ja võtābõd saggõld jag Leţmō loulpivšti ja Līvõd pivšti Irēl. "Līvlist" um ka spēļiztõn teātõris nägţimizt līvõd kōznigist. Āigasts 2008 pūojtiztõ ūž līvõ nūoŗõd ansambõl "Nurmorkestõr" missõs um nūoŗi Rīgõst, Vǟntast ja Līvõd rāndast.

Ēstimōl tegīņtub Ēsti- Līvõ folk rock ansambõl Tuļļi Lum, missõs Līvõ lōlaji Julgi Stalte lōlab lōlidi līvõ kīelkõks.

Ēsti kompozitõr Veljo Tormis um kēratõn muzīk "Līvlizt pierāndõks", missõs lōlabõd līvõkīelkõks.

Līvõd lōlõd ‎[edit | edit source]

Vaņ ka[edit | edit source]