Wp/liv/Vǟnta

Vǟnta nīn

Vǟnta (leţkīels Ventspils ja saksākīels Windau) um ikš jālgab Leţmō luntš-jags Vāldamier kūolta pǟl.

Vǟnta jālgab nim um tund Vǟnta joug pierāst. Jālgab jelānikād lug um immõr 40 000 Jālgab immõr um Vǟnta kūožpēļi īžvōļikš. Vǟnta lindõmiz-statsij um ikš Leţmō kuolmõst rovdvaidlizõst lindõmiz-statsijst.

Vǟntas um Līvõd Īt kūožpēļi grup, 67 nõtkõmõks.

Vǟntas ātõ ka ansambõld Kāndla, Rāndalist ja Lība. Kāndla tulāb kubbõ nīm ibīzttaļļõs ežžõmpǟvan kōdõkstuoistõnõs, bet Kāndlan mīeldõb loulõ äb set Vǟntas, sīest giļž ja kiz sūkõks agā piškīz kougõn rõkāndijiz kēraks. Ilga Porniece um jūodiji.

Istōrij

Vǟnta jālgab kazīz mȭk-veļīd ordo nīn immõr. Ežmi tieut nīnõst um āigastõst 1290 Nīn kȭlbatiztõ Līvõ ordo nõtkõmd. Pūoļmō ja Rūotšmō vaidlizõs suodās nīn sai viggõ. bet siedā ūtstõ-luoitõ 17 āigastsadā lopāndõksõs. 19. āigastsadās nīnõs vȯļ vizākuodā. Tuoiz mōīlmasuodā tagān 1980 āigastis nīn vȯļ Nõvkub suodāväg käds, tämpizpǟvan um se kuņštõ- ja istōrij muzej. Vidū-āigal vȯļ Vǟnta tǟdzi hansā-jālgab. Tämpizpǟvan um Vǟntas tǟdzi transīt sadām kōp vieddimizõks Krīevõmōlõ, mis pierāst ta um Leţmō amā rikkõd jālgabõd siegās.