Wp/liv/Līvõd himn

Līvõd himn (Min izāmō) sõnād lūoltiji Kōrli Stalte kēratiz 1923. āigasts, jedmõl līvõd plagā pivāstimiz 1923. āigast 18. novembõrs Irēl, päp mȯizõs.

Melodij vȯļ seļļi īž nemē Ēstimō ja Sūomõmō himnõdõn. Muzīk autōr um Friedrich Pacius (1809—1891).

Sõnād

Min izāmō, min sindimō

Ūod ārmaz rānda sa,

Kus rāndanaigās kazābõd

Vel vanād, vizād piedāgõd.

Min ārmaz īlmas ūod set sa,

Min tõurõz izāmō.

Min izāmō, min sindimō

Ūod ārmaz rānda sa,

Kus lāinõd mierstõ vīerõbõd

Un rāndan sūdõ āndabõd.

Min ārmaz īlmas ūod set sa,

Min tõurõz izāmō.

Min izāmō, min sindimō

Ūod ārmaz rānda sa,

Kus jelābõd īd kalāmīed,

Kis mīer pǟl ātõ pävad, īed.

Min ārmaz īlmas ūod set sa,

Min tõurõz izāmō.

Min izāmō, min sindimō

Ūod ārmaz rānda sa,

Kus kūltõb um vel pivā ēļ -

Min amā ārmaz rāndakēļ.

Min ārmaz īlmas ūod set sa,

Min tõurõz izāmō.