Wp/kus/Mavis Hawa Koomson

Mavis Hawa Koomson

human

Sex or gender	female
Country of citizenship	Ghana
Date of birth	3 February 1966
Place of birth	Salaga
Languages spoken, written or signed	English
Occupation	politician, head teacher
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana, Minister for Fisheries
Educated at	Ghana Institute of Management and Public Administration, University of Education, Winneba
Work period (start)	2012
Member of political party	New Patriotic Party
Religion or worldview	Christianity

Mavis Hawa Koomson anɛ onɛ ka ba du'a o bε nwadis ayi’ la li daba atan’ daar, yʋma tusir nε kↄbiswai nε pisyoubʋ nε ayoubʋ la ni.  O nwε’εdi pɔlitis ka lεn tʋm Ghana gbauŋ zamisʋg lʋgir la ni. O anε wadmaan tis Awutu Senya East Constituency ka lεn an kpεεm bε gↄmena lʋgir kanε ka ti boun ye, Special Development Initiatives la.Ghana gↄmena zugdaan Nana Akuffo-Addo da gaŋ o bε nwadig yinne la ni, li dabpiiga daar, yʋma tusa ayi’ nε pii nε ayɔpↄi la ni. Ye o an kpεεm bε gↄmena lʋgir kanε ka ti boun ye, Special Development Initiatives ni.

O bεllim nε o Sakur ken yεla

Koomson yinε Salaga teŋ kanɛ bε Savannah Region sʋ’ʋlʋm Ghana nwa ni la. Ba du’a o nε nwadis ayi’ la li daba atan’ daar, yʋma tusir nε kↄbiswai nε pisyoubʋ nε ayoubʋ la ni. O daa keŋɛ Bimbilla Training College. O mↄr kasεta gbaʋŋ kanε an diploma nε kasεta gbaʋŋ kanε ka ti boun ye, bachelor's degree in Basic Education yit  University of Education Winneba. O lεn mↄr kasεta gbaʋŋ kanε an master's degree nɛ postgraduate diploma in public administration (CPA) nε postgraduate diploma in public administration (DPA) yit  Ghana Institute of Management and Public Administration (GIMPA).

O tʋʋma yεla

Koomson daa anε pa’an, ka an kpεεm bε zin’is kↄn’ↄb -kↄn'ɔb ni, ba si’eba anε sakur kpεεm nɛ kpεεm banε ka ti boun ye, assistant superintendent nε Principal superintendent. O daa lεn anε kpεεm kanε ka ti boun ye, president of Gender Unit of the Ghana National Association of Teachers Ladies Association (GNATLAS) bε Sekondi local, treasurer for GNATLAS (Western Region) and secretary for GNATLAS (Takoradi local).

Politis nwɛ'ɛb yɛla

Koomson anε wabʋ na’adↄↄg nid.Nannana o anε wadmaan tis Awutu Senya East Constituency bε Central Region Ghana nwa ni.

Cabinet ministers

Nwadis anu la ni, yʋma tusa ayi’ nε pii nε ayɔpↄi la ni. ka Ghana gↄmena zugdaan Nana Akufo-Addo daa nↄki Mavis Hawa Koomson paas kpεεm nam pii nε awai, ka ba an o cabinet. kpεεmnam pii nε awai la yʋda daa nↄki tis wadmaanib yir la. ka wadmaanib yin kpεεm kanε ka ti boun ye, Rt. Hon. Prof. Mike Ocquaye. Ye o buoli ba yʋda la. Onε an kpεεm kanε ka ti buon ye, Cabinet minister, Mavis Hawa Koomson paas gↄmena zugdaan ka ba tʋʋm, anε ba gban’e gban’akanε na sʋŋ ti Ghana nwan ni. Nannana o anε kpεεm bε gↄmena lʋgir kanε ka ti buon ye, Fisheries and Aquaculture Development.

Yʋma tusa ayi’ nε pisi vɔɔdʋg la yεla.

Yuum tusa ayi’ nε pisi vↄtʋg la, on daar di  Awutu Senya East Constituency wadmaan kuk la nε vɔɔt tusa pisnu nɛ ayɔpɔi, kɔbiga nɛ piinɛ anaasi (57,114) dinɛ zɛm nɛ pisnu nɛ ayi du'ali ayuobu kɔbiga puugin (52.6%) yi vɔɔt la wʋsa puugin, ka Ma’asim Tiig Na’adↄↄg nid la yʋ’ʋri buoni  Phillis Naa Koryoo Okunor mε daar paam vɔɔt tusa pisnu nɛ yinne, kɔbisnu nɛ pisyuobu nɛ yinne (51,561) dinɛ zɛm nɛ vɔɔt pisnaasi nɛ ayɔpɔi dua'ali anu kɔbiga puugin (47.5%)  yi vɔɔt la wʋsa pʋʋgin, ka  GUM na’adↄↄg nid onε yʋ’ʋri buoni Hanson Ishmael Amuzu daar nyε  0 vↄↄs ka paam 0.0% yit nidib banε wʋsa daar vↄↄ la, ka CPP na’adↄↄg nid  onε yʋ’ʋri buoni Addy Ishmael mε daar nyε 0 vↄↄ ka paam  0.0% yit nidib banε wʋsa daar vↄte la, ka  GCPP na’adↄↄg nid onε yʋ’ʋri buoni Peter Kwao Lartey daar nyε 0 vↄↄ ka paam 0.0% yit nidib banε wʋas daar vↄↄ la, ka  UPP na’adↄↄg nid kanε yʋ’ʋri buoni Mohammed Issah Al-Marzuque daar nyε 0 vↄↄ ka paam 0.0%  yit nidib banε wʋsa vↄↄ la.

La’asʋg

Koomson anε nid yinne bε la’asʋg kanε ka ti buon ye, Business Committee la.

Yεlkanε daar naam la.

Yʋma tusa ayi’ nε pisi,li nwadis ayɔpↄi la ni, Hawa Koomson daa gεns Ghana fuudim wada ka nwε’ bugudaʋg kpan nidib banε daa maan vɔɔdʋg gbaʋŋbil la. li daa naam bεnε Kasoa. Ka gↄmena lʋgir kpεεm la, da yεl ye, o wʋm labaar ye saam zi’en teŋ sieba kena ye ba maal vɔɔdʋg gbaʋŋbil la o sʋ’ʋlʋmin la. Ka baŋ ye lina na kε ka ba lu vɔɔdʋg kanε daa kena la. O yεl ye o guri o mεŋ, o daa yεl nwa' bε onε daa yiisid o nↄↄr ku’om zaŋi keŋi tis pↄlis lʋgir kanε buon ye CID nε daa buoli o la, bε Central region. O ba daa di’e o bugudaʋg la, bε Central Regional pↄlis Wada kanε daa gur o bugudaʋg la mε daar di’enε onε daar keŋ Cape Coast pↄlis la ni.

O bεllim

O anε karimbiig ka mↄr sid nε biisa atan'.

On sʋgŋ si’el

O daa mↄr niŋwisigi di’ema ka ti buon ye, annual soccer competition dubbed bε Kasoa MP's Cup tis pʋ'asada nɛ dasam banɛ bɛ o constituency la ni.

Yʋma tusa ayi’ nε pisi nε yinne la, Koomson daa mε’ pʋ’ʋsum yir tis Bethel Methodist karindɔɔg kanɛ bε Kasoa.