Wp/kum/Къарагиши Магьаррам
Къарагиши Магьаррам (1903 — ?) ― къумукъ мухбир, «Ёлдаш» газетны редактору болгъан.
Таржума гьалы[edit | edit source]
1916-нчы йылда башлапгъы мактапны тамамлагъан. 1916-1920-нчы йылларда Магьматмурза Маврайны басмаханысында ишлеген. 1920-1922 йылларда Къызыл армияда къуллукъ этген. 1924-нчи йылда Бойнакъск РК ВЛКСМНИ жаваплы секретары болгъан.
1924-1925 йылларда Бойнакъск шагъар дуванны раиси болуп ишлеген.
1927-нчи йылда ол «Дагъыстанда кумукъ тил пачалыкъ тили болмагъа тарыкъ» деген макъаласын язып чыгъаргъан. Бу макъаласына ол шолай язгъан эди: «Дагъыстан тюрлю-тюрлю халкълардан къурулгъан (аварлар, даргилер, къумукълар, лезгилер, лакълар ва башгъалары). Олар бары да бир-бири булан байлавлукъ юрюте ва умуми яшав булан яшай. Халкълар оьтесиз кёп, аз санавлу халкълар. Бирленики гьатта языву да ёкъ. Ортакъ тил тарыкъ… Дагъыстанда янгыз къумукъ тил пачалыкъ тили болмагъа бола. Бу тилде Дагъыстанны халкъыны кёп ягъы сёйлей».
1928-1929-нчи йылларда «Ёлдаш» газетни редактор болуп ишлеген. Ёлдаш газетни редактору гьисапда Магьаррам Къарагиши халкъны арасында алдынлы фикирлени пропоганда этив де уллу рол ойнагъан. Ёлдашны бетлеринде Дагъыстанны экономикасын ва культурасын гётеривге болушлукъ этеген макъалалар чыгъа болгъан.
1930-нчи йылланы башында Даггиздатда ишлеген. 1933-1334-нчи йылларда Бойнакъск партгородда дарсберивчю касбуну юрютген. 1934-1935-нчи йылларда «Яхсай» хлопкосовхозну газетны редактор болуп ишлген.
1936-1937-нчи йылланы балагълары Магьаррам Къарагишиевге де тийген. Дагъыстан китап издаетельствон къумукъ секциясыны редактору гьисапда огъар Совет гакимликге къаршы китаплар чыгъарывгъа байлавлу айып салынгъан. 1924-нчю йылны аювятгъан айында Бойнакъск шагьарда болгъан жыйынны эсге алып, Магьаррам Къаргишиевны Бойнакъскда болгъан троцкили къуруму булан байлавлукъ юрютеген деп айыплангъан.
1940-нчи йылда НКВД-ни Айры Генгеш огъар 8 йыл ИТЛ-ни берген. 26-нчи къочкъар айда ону реабилитациаялы процесс тийген. Магьаррам Къаргишиевни яшавуну ахыры гьалиде билимсиз.
Байланывлар[edit | edit source]
- Гьажиев А., Магьаррам Къарагишиев // Ёлдаш, 4 августа 1998.