Wp/isv/Zemjedělsko-gradžansko dviženje

Zemjedělsko-gradžansko dviženje

BoerBurgerBeweging (BBB)

Politična partija v Niderlandah
Ideologija	agrarizm, konservatizm
Vodž	Caroline van der Plas
Prědsědatelj	Erik Stegink
Založenje	1 novembra 2019
Členstvo	13.426 (1 januara 2024 g.)
Členi v Izbě deputatov	4 (iz 150)
Členi v Senatu	13 (iz 75)
Členi v Evroparlamentu	2 (iz 31)
Medžunarodna organizacija	Evropejska narodna partija
Mladežna organizacija	BBB Jong
Kolory partije	zeleny
Glavno sědališče	Smeenkhof 12-d, Colmschate, Deventer
Služebny vebsajt	boerburgerbeweging.nl

Zemjedělsko-gradžansko dviženje (nid.: BoerBurgerBeweging, BBB) jest pravičarsko-populistična, konservativna politična partija v Niderlandah, ktora prědstavjaje interesy seljanov i regionov vně Randstad’a. Ona byla založena 1 novembra 2019 žurnalistkoju Caroline van der Plas v času velikyh protestov seljanov protiv politikě tretjej vlady Marka Rutte.

V 2021 g. BBB učestvovalo prvy raz v parlamentarnyh izborah i dobylo jedin mandat, ktory zajela liderka partije, Caroline van der Plas; na prvo sobranje ona prijehala na traktoru. V provincialnyh izborah v marcu 2023 BBB dobyla najvyše čislo glasov iz vsih partij, osoblivo v provincijah Drenthe (33,4%) i Overijssel (31,5%), čto dalo BBB 16 deputatov v senatu. Kratko potom, tri členi drugyh partij (JA21 i PVV), a takože jedna državna sekretarka iz CDA prisjedinili se k BBB. Jednakože v parlamentarnyh izborah novembra 2023 ne udalo se povtoriti toj uspěh; BBB dobyla samo 7 iz 150 mandatov.

Od 2 julija 2024 BBB učestvuje v pravičarsko-konservativnoj vladě premier-ministra Dick Schoof, prvopočetno v koalicijeju s PVV, VVD i NSC), ale poslě odhoda PVV (3 junija 2025) i NSC (22 avgusta 2025) iz koalicije samo s VVD.

Rezultaty v izborah

Rezultaty BBB v parlamentarnyh izborah od 2021 g.
(čislo izbranyh deputatov v Vtoroj izbě, ktora imaje vsego 150 členov).