Wp/isv/Partija za svobodu
|
| |
Politična partija v Niderlandah
| |
|---|---|
| Ideologija | nacionalizm |
| Vodž | Geert Wilders |
| Prědsědatelj | Geert Wilders |
| Založenje | 2006 |
| Odščepjena od | VVD |
| Členstvo | 2 |
| Členi v Izbě deputatov | 37 / 150 |
| Členi v Senatu | 4 / 75 |
| Členi v Evroparlamentu | 6 / 31 |
| Medžunarodna organizacija | Patriots.eu |
| Kolory partije | modry, sěry |
| Služebny vebsajt | pvv.nl |
Partija za svobodu (nid.: Partij voor de Vrijheid) jest krajno pravičarska, populistična politična partija v Niderlandah, ktora posluživaje se anti-imigracijnymi, evroskeptičnymi i islamofobičnymi gaslami. Jednočasno v oblasti ekonomije ona zajmaje vyše lěvičarsko stanovišče. V protivnosti k drugym krajno pravičarskym partijam, PVV odnosi se prijateljsko do Izraela.
Historija
[edit | edit source]Vodž partije jest Geert Wilders, ktory byl člen parlamenta v frakciji liberalnoj Narodnoj partije za svobodu i demokratije (VVD) do 2004 g., ale 3 septembra togo goda odščepil se od svojej partije vslěd konflikta odnosno podhoda k Islamu. 24 novembra Wilders založil Fundaciju grupy Wildersa, ktora prěd izborami 2006-ogo goda registrovala partiju pod nazvoju Partija za svobodu. V tyh izborah PVV dobyla 9 mandatov (iz 150).
V slědujučih izborah, v 2010 g., PVV dobyla 24 mandatov. V rezultatu ona stala "tolerujuči partner" koalicije liberalnoj VVD i hristijansko-demokratičnoj CDA, čto znači, že byla čest koalicije, ale ne učestvovala v vladě Marka Rutte’a. Poslě razpada tutoj koalicije vse ostale partije kategorično izključali možnost kakoj-nebud suraboty s PVV.
Ta situacija izměnila se prěd izborami 2023-ogo goda. PVV dobyla 37 mandatov v izbě deputatov ("Vtoroj izbě") i stala največša partija v niderlandskom parlamentu. Od 2 julija 2024 PVV jest čest niderlandskoj vlady, tvoreči koaliciju s tremi drugymi partijami, ktoroj premier-ministr jest Dick Schoof.
Organizacija
[edit | edit source]PVV odličaje se od ostalyh niderlandskyh partij tym, že jest asociacija s zakrytym harakterom. Partija imaje samo dvoh členov: Geert Wilders i Fundacija prijateljev PVV, v ktoroj Wilders jest jediny člen upravy. Kromě togo, PVV ne imaje nikakoj partijnoj organizacije.
Rezultaty v izborah
[edit | edit source] |