Wp/isv/Srěda

Srěda jest tretji denj v sedmici, denj medžu vtorkom i četvrtkom. V krajah, kde suprotiv standarda ISO 8601 prvym dnjem sedmice jest obyčajno nedělja, srěda jest 4. denj v sedmici.

V pravoslavju srěda jest tradicijny denj dlja odkazyvańja od jediva, v ktorom pravoslavnym ljudam jest potrěbno odkazyvati se od mesa životin i ptice i mlěčnyh produktov, a često i od ryby i alkohola.

V slovjanskyh jezykah ime srědy proizhode od slov "srědišče sedmice" (běl.: серада; bulg.: среда; češ.: středa; mak.: среда; pol.: środa; rus.: среда; srbohrv.: sreda; slovač.: streda; sloven.: sreda; ukr.: середа), od togo, že raněje v sedmici prvym dnjem obyčajno byla nedělja. V romansskyh jezykah ime srědy proizhode od slov "denj Merkurija", rimskogo boga trgovańja, v poněktoryh germanskyh jezykah — od slov "denj Vodena", germanskogo boga, ktorogo često mnili ravnym Merkuriusu. V inyh jezykah srěda često imaje nazvu "3. denj", jestli sčitati od ponedělka, ili "4. denj", jestli sčitati od nedělji.

Vněšnje linky

• Tutoj članok imaje prěvod iz članka "Wednesday" v Vikipediji na anglijskom (spis avtorov; dozvoljeńje CC BY-SA 4.0).