Wp/fit/Pajalan kunta
Pajalan kunta on Norrbottenin läänissä, Ylitornion pohjoispuolela ja Kirunan kunta pohjoisempana. Sen pinta-ala on 7886 km² ja asukhaita on noin 6282 (2010). Asukastihheys on 0,9 asukasta/km². Pajala on perustettu vuonna 1971 yhistämällä neljä aikaisempaa pitäjää: Pajala, Korpilompolo, Täräntö ja Junosuanto.
Suuriin tapahtuma viimi vuosina on ette Pajalan pohjoispuolela alethaan kruuaa, Kaunisvaarassa. Sen takia rakenethaan paljon taloja ja läkenheetiiä Pajalhaan ja muuala kunnassa. Laskethaan ette pruua tullee tuottamhaan noin 1000 työpaikkaa.
Pajala on tullu tunnetuksi Bengt Pohjasen kirjalisuuesta ja meänkielen työstä, Mikael Niemen kirjoittamasta romaanista Populäärimysiikkiä Vittulajänkältä (r. Populärmusik från Vittula) sekä maastohiihon olympiakultaa voittanheesta Charlotte Kallasta, joka on syntyny Täränössä.
Kunnan keskustassa on maailman suuriin aurinkokello, jonka halkaisija on 38,33 m.
Lars Leevi Laestadius (1800-1861) asui Pajalassa vuoesta 1849 kuolemaansa, vuoteen 1861 saakka. Hänen talo on nyt Lestaatiuksen myseymmi.
Pajalalaisia
[edit | edit source]- Hasse Alatalo jurnalisti, muusikko, pelmanni
- Bror Astermo, amatööriteatterin protysentti
- Ulf Fembro, teatterin johtaja
- Nils Gramner, kylähistuurian tutkia, avisin toimittaja, kirjailia
- Charlotte Kalla mailman paras hihtoja
- Ingvar Oja jurnalisti
- Bengt Kostenius kirjailia
- Mona Mörtlund kirjailia, tramaatiikkeri
- Mikael Niemi kirjailia, tramatiikkeri
- Bengt Pohjanen entinen pappi, fil.tri. kirjailia, tramatiikkeri etc
- William Snell, kouluinspektööri, kirjailia, lauluntekijä
- Johan Tornberg iishokkypelari
- Johan Lantto, elämänkertoja