Wp/bew/Indonesia Raya
Indonesia Raya ièlah Indonésia punya tembang kebangsaan. Ni udah jadi Indonésia punya tembang kebangsaan semprakan Proklamasi Kemerdèkaan Indonésia 17 Agustus 1945. Ni tembang dikenalin ama dia punya pembikin lagu, nama Wagé Rudolep Supratman, ari bulan 28 Oktober 1928 pas Sumpah Pemuda di Betawi. Itu lagu nengerin muludnya harkat kebangsaan antéronusantara nyang ngedukung atu pikiran "atu Indonésia" sebagé penerusnya Hindia Welanda, ketimbang mecah jadi berapa jajahan. Koran pertama nyang terang-terangan ngebèbèrin dia punya tangga-tangga nada ama kata-katanya ni tembang —nyang nantang Welanda punya kuasa—ièlah surat kabar Tionghoa Indonésia saban mingguan nama Sin Po.