Wp/arq/هيكو، فيكتور

فيكتور هيكو هو شَاعر، كْتاتبي وكتاتبي تع روايات ومْسّرحيات رّاجل تاع دَّولا، ناشط تَّاع حُقوق، رسَّام كاريكاتير في لْحَّركا لرومنتيكيا في فرانسا زَاد في 26 فيفري 1802، في بوزونصو فرانسا، ومَاتْ في 22 ماي 1885 في پاري نَفس لْبلاد وهو من بِين كتاتبي لي خَلاوْ لْآثار تَّاعهم حَتَّا بَرَى لْحدود تَع بلادهم وتَّاريخ جامي مراحْ ينسى شادار فيه.

فيكتور ماري هيكو
فيكتور هيكو
السميّة الحقّانيّة:	فيكتور ماري هيڨو
خدايمهُ:	، روائي، شاعر، رسام كاريكاتوري كاتب تع مسرح.
تاريخ تاع الزيادة:	26 فيفري 1802
بلاصة تاع الزيادة:	بوزونصو (فرانسا)

فكتور هيكو كاتب وشاعر وكاتب تّاع مسرح وفنّان تاع رسم تشْكيلي في هاذ لْمجالات لّي ذكرناهمْ كامل كْتب فيهم وعطا فيهّوم لأثّر تَّاعو، كيما مثلا لْكتبا شِّعريا تاعو كان فيها بزَّاف من قْصّايد تع لْغنا، ولّي معروفا بزاف هيا اود و بالاد لي خرّجها في عام 1826. و تّاني ورود الخريف لي خرّجها في عام 1831 و كاين تأملّات خرجها 1856 فيكتور هيكو تاني شاعر ملتّزم ضّد نابوليون ثّالث ومن بين لْقصايد تّاعو لي تبيّن عدّاوتو لنابوليون ثّالث هي مجموعتو تع ّّ شِّعر لي شاتيمون لي خرجها في عام 1853 هيڨو الكتاتبي عرف شُه‍ّّْرا كْبيرا لْولا مع روايْتو تّاريخية نوتر دام دو باري خرجت فّلّ1831، وشُّهْرا كْبّيرا تاني وحداخر فْ1862 مع روايتو لمعروفا بزاف لي مزيرابل. ه‍يغو عنده بزّاف خَدما خدّمها وكّتْبا كّتبها علْ سِّياسا كتب لي ديّسكور، على ڤوايَّج كتب قصص صغار، وكّتب لّي كمونتار في لْأدب، وعنده بزّاف روسومات رسّمها بالحبر، وخدم تّصميم ودّيكور، و لفوطوقرافي. فيكتور هوغو شارك بزاف في نقاش لعام وكان تاني برلماني في لْبريودا لي كان يسموها مّونارشي دّو جويلي، وبقى برلماني تاني في بريودا تّاع لْجمهوريا زاوجا وثّالثا، وبعدها ولا منفي كتر من عشرين عام فلبلادا لي كان حاكم فيها نابوليون ثّالث هيكو كان شعبيا ملتزم بزاف في نص زّاوج من عمرو، هذا مع خدايمو لْأدبيّة لي متتحسبش خلاوه شخصيا رمزيا في لْبلاد وبرا لْبلاد كيما بلجيكا وين فوت لْمنفى تاعو وهذا كان في الپريودا تع لجمهوريا ثّالثا لي كرماتو بعد ما مات بجنازا رسمية وحطو النعش تاعو في واحد جوان 1885 عشر أيَّام بعد ما مات في پونتيو

شاصرا في حياتو

فيكتور هوكو مين كان جان صغير

زيادا تاعو وطفولتو

زاد في 26 فيفري 1802 في بوزونصو فرانسا في عام 1808 راح يْعيش عند باباه في إيطاليا، في أفيلينو ، وڨعد تَماك سبع شْهر هدر على هاد لحكايا في كتاباته باسم "القصر الرخامي" في عام 1813 طّلڨو والْديه، يمّاه ڨعدت في باريس مع لْجنرال فيكتور فانو دي لا هوري. في هاد لمومون هوكو للكيا تع فنون لعرض الفنون لتطبيقيا من 1815 إلى 1818 خاطرش لوصايا تاع باباه كانت هاك ، بصّح بلخف كيتا ليكولْ تاع لْفن ويكوسونطري غير مع لْأدب. كان في عمره رباطاعش نعام مين كتب هاد فراز "" باغي نولي كيما شاطوبريون ولا مكانش"" بهاد لْجُملا لي كتبها خلع نَّاس وعرفو بلي هاد طْفُل مشي ڨاع كيما دْراري تاع لْجيل تاعه.

زواجو

في 12 أكتوبر 1822 تْزوج من أدال فوشي صحبته تع صّْغر في لكنيسا سمّوها: سان-سولبيس في باري زادو عندو خمس دراري معاها

• ليوبول زاد 1823 ومات ثلث شهر بعد زْيادا تاعو
• دين زاد في أوت 1824 ومات في 4 سبتمبر 1843 ، غرق بالفلوكة كان يصيّدليوبول.
• تشارلز مات وهو في عمرو 44 زادو عندو ولاد.
• فرونسوا فيكتور زاد في 28 أكتوبر 1828 ومات بتيباركيلوز في 26 ديسمبر 1873 كان مترجم.
• أدال طُّفلا لوحيدا لي سلكت ملموت لفيكتور بصّح عاش عيشة صعيبا بزاف بْسَبّتْ حالتها لعقليا.

فيكتور هيكو تاني كانت عنده بنت غير شرعيا مع وحدة سموها لويز ميشال.

بابات الرومنتيكية

معركة تع هيرناني

صرات حاجا في تَّاريخ تع لْأدب بدّلت كلّش عام 1827 مين خرجت دْراما تّاريخيا كروميل لي كانت كي شغل بيان تع واش راح يصرا من تجديد في دّومان تع لحركا رّومنتيكيا لّي جات فيها مُعارضا لي تقاليد تاع لمسرح لقديم لي كانت عندو وحد لقواعد شوِّيا صعيبا ومتخلّيش لفنان يبيّن ڨاع شاعنده أدب أون جينيرال راح يبدا خدمته جْديدا في اْمسرحيا دّراميا هرناني عام 1830، وهاد ولّات هي لبدايا رّومنتكيّا في فرنسا: كيما ڨلنا هي لْبدَايا تع نبداو مجْديد ونسمحو في لقديم عليها ولّا كاين نزاع ولهدرا لّي تبقا في تّاريخ مع اسم باتاي دار هرناني هي بدلو دّراما لّي كانت ناجحا بزّاف مالڨري لعرض لوّل حبّس بسبّت وحد لمشاكل، و لْموسيقى لّي دارها جوزيبي فيردي (إرناني 1844) بدات بريودا لي فيها بزاف پروديكتيفيتي للكتاتبي پيبليا رّواية تع، نوتردام دي باريي ، في عام 1831 ، ولّي لقات نجاح كبير ؛ ڨروپ تصرات حاجا في تَّاريخ تع لْأدب بدّلت كلّش عام 1827 مين خرجت دْراما تّاريخيا كروميل لي كانت كي شغل بيان تع واش راح يصرا من تجديد في دّومان تع لحركا رّومنتيكيا لّي جات فيها مُعارضا لي تقاليد تاع لمسرح لقديم لي كانت عندو وحد لقواعد شوِّيا صعيبا ومتخلّيش لفنان يبيّن ڨاع شاعنده أدب أون جينيرال راح يبدا خدمته جْديدا في اْمسرحيا دّراميا هرناني عام 1830، وهاد ولّات هي لبدايا رّومنتكيّا فيع قصايد صائد أوراق الخريف في نفس العام وأغاني شّفق في عام 1835 ؛ مسرحيّات بزّاف ، كيما روي بلاس في عام 1838. تلاقا مع هيكتور بيرليوز ، شاتوبريان ، فرانز ليزت ، جياكومو مييربير ؛ في عام 1841 ولا هو لي حاكم لكورسي نيميرو 14 لمسرح تع فيكتور هيكو هو شويّا منّه باش يَحْيِو طبعَ لمسرحي لي بداه مَدَام دي شيلين- بن جامين كونستنن-فْرُنْسوَ غيزوت-ستندهال و شانو برياند. في شامْبْرا تاعه كروموال خاطرش يعرف بلّي ما يطيڨش يغنيها في وَقْتّه (مْڨَطْعَ منْ 6414 آيَ و عيباد مايكملوش ).يطلڨ لعيا لفكرَ تاعه تاع لمسرح لجديد بشكل مَتْعَاونْ لبديَ لي تهدر علَا دّفاع علَا لمسرحيَ تاعه وَلَا يَفْضَح صوالح لي فِراسه علَ دراما رومانسيَ:«لمسرح ڨاع فِواحد » ،دراما تاريخي و كوميدي و ميلودراما و زعاف فوقت واحد تسمَ يتمشَا مع شكسبير و بناو حيط بِين مولير و كورنيل يفضح نظريَ تاعه تاع لخلعَ لي تجي في بزاف صوالح من سخيف للخيالي يفوتو للوحشيَ ولّا رهيبَ كيمَ ڨال فيكتور هيغو "شّباب هُوَ صفَ وحد لوالي مشي مليح عندو الف " تڨول آن يوبرسلفد علَ لجيهَ كرنفالِ تاع لمسرح هيوعليان سماح فلجمال المثالِ. و كيماڨال فيكتور هيغو يلاق ان يفرك لي ماشي شباب كتافه لعاليَ خاطرش هادو زوج وجوه من صوالح دنياَ

حياته تع سِّياسا

في عام 1843 ، ماتت بنته ليوبولدين ونسيبه تشارلز فاكويري بوحد طريقا تْبكي لڨلب كانو في رِحلا بلْ فلوكا . سمع هوكو بل خبر هوغو بعد ما جا من فاكونص من الجورنان لوسياكل تسبتله مع ليشاك تع مسرحيته بوفاري عام 1845 ، في ديبريسيون خلاته يبعد على الأدب لمدة عشر سنين. في نفس زْمان، ظراه لْملك لويس فيليب دورليان نظير في فرنسا. في عام 1848 دخلل للجمعية التأسيسية ديبيتي ،بصح كو ديطا لي داره نابليون ثّالث في عام 1851 كان هو نَّحس تع هيكو في حياته تع سِّياسا تدهوره في لبديا. دعم هوغو كان مع فوط تع  لويس نابليون بونابارت بصح من بعد هذ لإمبراطور دار صوالح كونترر ليبيراليا كيما مين نحى لقانون تع لڤوط عام 1850 ، ونقص نَّاس لي عندها لحق في لفوط حتى لل كارد 1/3 - ولا هيكو لي يدافع على ليبيراليا يكتب كتابات وقصص ومسرحيات توعي الشعب وعرف هيكو بلي مفيهاش مستقبل سياسي مع نابيولون تروازيام بعد 2 ديسمبر 1851، لازم على هيكو يهجر لبلاد راح في البدية لبروكسل ، من بعد جزيرة جيرسي ووختمها بغيرنسي، ومقبلش العفو لي داره لمبراطور

بيت هوتفيل, بيت لي كان لاجىء فيه في جرسي

شاعر في تصويرة معروفة بزاف, على حجرة يعيطولها ممنوعة ".

هنا تبدى تصويرته لأسطوريا تع شّعر ومثل لي ينظرب بيه "بابات بلاد في الغربة" لسنين لي فوتها في غيرنيسي خلاته معروف لوين أنه جاته برية موجهة "فيكتور هوغو - أوشينو". يبدى حياته تع پوليتيك باسم زعاقة على السياسة تع لبلاد ، في ڨروب تع قصايد خرجهم في عام (1853) ، يعني على نابوليون تع داك الوقت ؛ هدرة لقبيحة لي الإمبراطور ، في نابليون صغير ؛ تفكره بالپاسي وسيرتو بنته ليوبولدين في ڨروب تع شعر سموه تاملات عام (1856). في الستينات تع قرن تساطاشر سافر في ڨاع لوكسمبورغ في السبعينات حاوزوه من بلجيكا ولجىء لبزاف بلايص كيما لدوقيا لكبيرة.

مين ولى لبلاده ومات

صرات حاجا في تَّاريخ تع لْأدب بدّلت كلّش عام 1827 مين خرجت دْراما تّاريخيا كروميل لي كانت كي شغل بيان تع واش راح يصرا من تجديد في دّومان تع لحركا رّومنتيكيا لّي جات فيها مُعارضا لي تقاليد تاع لمسرح لقديم لي كانت عندو وحد لقواعد شوِّيا صعيبا ومتخلّيش لفنان يبيّن ڨاع شاعنده أدب أون جينيرال راح يبدا خدمته جْديدا في اْمسرحيا دّراميا هرناني عام 1830، وهاد ولّات هي لبدايا رّومنتكيّا في

هيكو على فراشه لي يموت فيه, صورها نادار (1820-1910)

مين رجع هوكو لبلاده فرانسا عاود ولا يكتب من جديد كتب روايا سموها تلاثا وتسعين كتبها عام 1874، وكتب تاني على عايلته وولاده لي ماتو من قبل باش يخلي ناس تتفكرهم دايمن, وكتب تاني على السياسة باش يستستهزا وكتب دراما سموها توركمادا وبابا، يحكي على لمشاكل تع دار شْرع ولي جيج، كان هذا في عام 1876.

قبر فيكتور هيكو جاي في بونتيون

في عام 1878 كان عنده مشكل في دماغه كي شغل مرض، مات هيكو في 22 ماي 1885، وخلاو نَّاس تشوف وجه ليلا كاملا تحت مونيمو قوس النصر وعس لجُثا تاعو ثناعش نساعا، كيما وصى هو ولْجنازا تاعه داروها في كوربيلارد دي بوفر في پرومي جوان 1885 داوه دفنوه في بونتيون باري

منفى تع فيكتور هيكو

هذا صالو لي راهي في تصويرا هو صالون جاي بيجون جايا ببروكسل وين فوّت پيريودا من لمنفى تاعو.

« صالون شنوي » هوتفيل فاري, لي ديكور تاعو من خدمة تاع هيكو .

هذي تصويرا تع فيكتور هيكو وقت لي كان منفي في جرسيتع

فيكتور هيكو و اوڨيست فاكيري, لي صور بزاف تصاور وقت لعوام تع منفى.

پلاكا في لافاساد تع هوتفيل « هوتفيل فاري ».

Hauteville Fairy ولا Hauteville II هيا دارْ جايا في كارتي 20 هوتفيل في سان پيار پورت جايا في جزيرا ڨرنزي كانت تع فيكتور هيكو وجوليات دروي وين لْعايلا تع فيكتور سكنو فيها مُدا تع لْمنفى.

نشاط فكري تع كتاتبي

لكاريار الأدبي تع كتاتبي، إيكو نصبْ نفسو من بين شيفان تع مجال الأدبي رومانسية فرانسوية، وقدم لفكرا تاعو الدراما الرومنسيا، لي عرضها في في مسرحياتو، كروموال, في عام 1827, و هيرناني في عام 1830 ولي هي أمور صاريا فلحقيقة.

هدي رسالة كتبها في تسعة ديسمبر 1859. كل خدمة نخدمها يجي نهار منهارات تتجمع ومكانش لي يفرقها كتب فيها بزاف يريزيمي قرن، وهذا شاريح نخلي مورايا

مخطوطة مكتوبة باليد سموها اسطورة تع القرون

بدا هوكو يكت الشعر وهو جون في العشرينات من عمره ونشر شحال من مجموعة تع قصايد فيها بزاف مواضيع تاريخ الدين شاصاري في داك الوقت كان يكتب بوحد الطريقة كلاسيكية تع بكري بصح مطولش بهاد الستيل، وراح لرومنتيكية

الشعر

نشر هيكو أوود , و هيا مجموعة تقترح علا لْكتاتبي صغير سوجيات هوڨوليان لمعاودا : لعالم جديد تاريخ ، دين ، و دَّور تاع لكتاتبي بلخصوص . من موراها نقص من كلاسيكيا . ويغوي هيكو لقراي صغير في عصره مع طَّبعات لي جات مور بعضها من اود (ربعْ طبعاتْ من بين عامين 1822 و 1828). فيعام 1828 ، لايم هيكو ڨاع إنتاجاته تاع شِّعر ليفات تحت عنوان: أود وبالاد. لوحات تاع لحيط تاريخيا ، واستحضار صغر؛ شَّكل مزال متفق عليه بلا شك ، بصح شِّير رومنسي يدي حرياته نشان مع تَّقاليدْ تع الشعر.

نضج

مجموعة هدي أوراق الخريف (1832) ، شونصو الشفق (1835) ، لي صون أنترييور (1837) ، شعاع وضلمة (1840) تقدم لي سوجي برانسيپال في تصويرا ثابتة:نرة، الله ، أميتيي ناتير قوة. تتناوب لاساپليسيتي والسامية ساجمون: حتى وين يهدر على روحه، هوغو تعدى على ملحمة. شعر تع هيكو كان ملتزم بعيد بزاف على ميول

ليومدبولدين هوكو في عام 1836, صورها اوڨوست دي شاتيليون

مين هوكو كان في المنفى كانت نقطة تع شونجمو في حياتو، ولات عنده ديك النزعة العميقة والحنين وحاجات كيمن هكا، كتب مجموعةأدبية في عام 1856 سماها لاكونتيبلاسيون ولا أنا أعاقب پار إكزومپل لي كانت ابيات تع شعر يكريتيكي فيها نابوليون الثالث لي دار كو ديطا مهم هيكو بدع في تخلاط تع انوع موسيقى قدح اطراء ... زيد أسطورة تع القرن كانت ابيات تع شعر ملحمي نكتبت في عام 1859 ملحمي هدا شعر طويل يحكي على حياة وتطور وماشكل وليزوبستاكل وداك شي. مرض تع هيكو لي جاه في دماغ عطله على لخدما تاعه بزاف بصح خدمة تاعه لقديمة تع لعوام لي فاتو ولات تخرج بوحد فاصون أورقانيزي لي مخلاش ناس تحس بهداك الفراغ لي سبهله المرض حتى لي مات عام 1885

هيكو كتاتبي تع مسرح

كيما ڨلنا من قبل نقطا تحول لي حققها هوغو في تاريخ تاع لمسرح ،في مقدما لكرومويل ومعا مسرحيا تاع هرناني: إنه دار صوالح جدد أپيپري لخدمة تاع لمسرح، دراما خلط بزاف أنواع ( مأساوي كوميدي ، طالع ونازل ، سامي وغريب) ، دار طلب لأول مرا في مين كان عمره ستا وعشرين ، في كرومويل في عام (1827): رفض يخدم على الكلاسيكية كيما تع لازم متخرجش على لينيتي تع الوقت والبلاصة ، وبزاف أكتور ، بلايص ، ... لدرجة أن المسرحية - ما يقرب من 6000 سطر - معقدة بزاف وصعيب تعرضها كيما ڨلنا هيكو عرف بوز كبير في هاد الدومان بعد ما فرض واش كان حاب يدير من أفكار و منطق وڨاع، بصح جا وقت وين عرف تراجع بدى التراجع في عام 1843 ، مع فشل في إي بورغرافي: لم مكانش هيكو قادر على كتابة مسرح يبغوه الناس وهكا ولا المسرح مهجور أبوندوني ويولي تماو بعد سنوات برك ، بدى من عام 1866 ، مع كتبة تع بزاف من خدما لي خلات الخدمة تاع لمسرح لحرية (1886)   ونزيدو كان مسرح تاع هيكو ناقْص فلخدمة فنُص لول ملْ لقرن لْعشرين [136] ، [137]. من بعد طوْروه علا يد جان فيلار فيعام 1954 لي قدم على توالي روي بلاس وماري تودور. تبعهْ مخرجون وحداخرين ، وعاودو لْحياة ل لوسيار بوورجيا بيرنارد جيني، و لي بورقرراف و هيرناني (اونتوان فيتز) ، وناري Tudor (دانيال ميسغويش) ، ومسرحيات مسرح د حر (انترفونسين ، ناكلو ألف فرنك ) تكافأتْ في الستينيات و كمل فهذا شي. ينجم لبنادم ينجم لبنادم باش يقرا ليوم ڨاعْ مسرح لحريا هذا فطبعا لِيقدمها أرنو لاستر [138]. يْأَكد ناوجريت تاني علا صعوبات باش يفسرو لمسرح الهوجولي ، وكيفاه متكونش مَنمق ولا نثرْ ، بصح بلا تواضع مزيفْ ، ولافاصونْ تاع تَّقديم مشي شابا بلا ماتزليجي عند لكاريكتير و لافاصون تاع إدارا ضخامة لميساحا تاع لمسرح واستدعاء نصيحا تاع جان فيلار : "لْعب بلا حشما لا بين ما تيقْ في نُص فيكتور هوغو. مميحتنا هاذا لمجموعة باش نعرفو لبدْيا تاع تّطور لي يْكمل معاه طول حياته: يْبين روحه للْمسيحي لي مُقنع غيشويا بلي بزاف متسامح، باش تولي لْملكيا تاعه شويا جامدا ويعطي بلاصا مُهما للملحما تاع نابليون تَّاليا؛ زيد على هذا ، وبعيد علا لمراوَغا للتراث تاع والديه (نابليون) ومه (لملكي) ، يواجه لْكتاتبي هاذا شي ، و يحاول باش ينظم لأضداد (لي سموه نقيض هيغوليان) باش يتغلب عليها مليح : لقُرون ، بدَور تاعهم ، هاذو لخاوا لي عِملاقين، مختالفا في لْقدر ، على حد سواء فَنُذور ، حوس كيما هذا لبيت منعند طرڨان متعاكسين.

كتاتبي تاع روايات

رسم توضيحي تع كوزيت رسمه أميلا بايارد زواولا .

كتب فيكتور هوغو تسع تع روايات. يهدرو على حياته ڨاع فترة، من بدية ، باڨ جارڨال ، لي كتبه مين كان في عمره ست عشر سنة، حتى لي كتب تالية، ثلاثة وتسعين. ووزيد على هاد الشي روايته يهدرو على ڨاع لي تيب تع الأدب، منقدروش نعطو تعريف واحد ل ڨاع شاكبت خطرش فيه وحد ميكساج.

هيكو مفكر

في ڨاع لْخدما تاع هيكو تع رِّوايات ولا شعر و لا رَّسم ولا أي حَاجا دارها كان يدافع على لْفكرا لْإيديلوجيا وتصو لَلعالم علاَ حساب نَّظرا تاعه وتفكيره.

هيكو الشاعر

رومانتيكية, كاريكاتورية تع دي باري.

كيما هدرنا من قبل كان شعر تع هيكو پارتي بزاف مُهما من واش كْتَّب في حياته ومن شِّعر تاعو نقَّدو نَعرفو تَّوجه تاعو ولفكرا لْايديلوجيا لْخاصا بيه.

هيكو سياسي

Il رجوع تع فيكتور هيكو, كاريكاتير تع أندري جيل.

من لْبديا تاع عام 1849 ، ديسيدا هوغو يخصّص ثُّلث تاع خدّمته للسّيّاسا وثّلث لدّين وثَّالث للفلسافا. تخمامه كبير من جيهت زمانه ولمجتمع لي كان يعيش فيه ، بصّح محبش حتى كوندنااسيون تاع لْحڨرا ولا موقف خايب وحداخر.

فيكتور هيكو كانْ يدافع بزّاف على لْفكرا تع باه ميكونش لإعدام وڨال في لْمجلس من مجالس تع سِّياسا ديكابيتاسيون هي سيني لي تبين باربري تاعكم ڨال هدرا هذي في لمجلس تأسيسي في عام 1848.

تصويرا تع فيكتور هيكو عام 1884

كاريكاتورا تع زولا تع قدام تمثال تع هيكو.

نظرة على دين تاعو

نظرة دّينيّة تاع هيكو عرفت بزّاف شونجمون في حياته. كان صغير كان كاثوليكي، يحترم الكنيسة وتّسلسل تاعها.مو ولا بعد كاثوليكيً بصح مشي مدّيّن وزاد ولا يعادي لكاثوليكية وجلي كونتر للإكليروس. ولات تهمه الرّوحانية ، وحضر بزّاف جلسات تحضير الأرواح تع الكاتب دلفين دي جيراردان مين كان منفي.

راپور تع سفر تاعو

فيكتور هيكو كان بزّاف يڤواياجي حتى لعام 1871، و في كل خطرة كي كان يحوّس يجيب معاه كارنيّات تاع الرّسيم و المولاحظات ،كيما نهار لي جاب معاه فلڤواياج تاع جونيف و جبال الألب معا تشارلز نوديي 1 , و كان كلّ عام يروح يحوّس معا جولييت دوريه شهر كامل باش يكتاشفو بلايص في فرونسا و أوروبا و راح ثلث خطرات لنهر الرّاين في 1838 و 1839 و 1864 و كان كل خطرة يجيب مولاحظات و و براوات ، پيبليّاوهم ف 1842 و كمّلوهم ف 1845 .و ف سّتّينات تاع القرن تسعاطاعش راح حوّاس لدّوقيّة لّي تابعة لّوكسمبورغ و راح لنهر رّاين تاع لالمان ف (1862،1863،1864،1865) ،و حبّس تّحواس كي ولّى لپاري ف 1871 .

فيكتور هيكو في عام 1854

هيكو رسام ومصمم

ڤيَكتور هوڨو زّاد لإبداع تاعو فْل فوطوڨرافي ورْسيم لّي خلّاوه يْواصل فالعمل لأدبي تاعو ، حتّى لوين نّاس معرفتش وين غادي يوصل بيها. بزّاف روسومات تاوعو پيبليّاوها كي كان حيّ سيرتو دّيكورات داخليّا لّي دارها ، و كي توفا زادو پيبليّاو تّصويرا لفوطوڨرافي هيك دار قريب 4000 رسم و كان يخلّيها يا عند فاميلتو يا عندو ما عرضوهاش قاع و ماپيبليّاوهاش أپار حاجة قليلا، و خلّا ڨاع لمخطوطات تاوعو و رّسومات فلمكتبا ناسيونال تاع فرونسا. وسيفري دَار رسومات فلعوام لّولى تاعو ، و دار تاني بزّاف كاريكاتورات و روسومات تخطيطيّا فتلاتينات تاع لقرن تسعاطاعش و وّالف يرسم بلايص تاع لأتار بكريّون فلكارني تاع ڨواياج تاعو كي كان يروح مع جولييت دوري لنهر رّاين مابين 1838 و 1840 . في عام '1850 دار ستوديو مع جولييت و أنتج بزّاف روسومات متناسقا و بزاف شابّة كيما پايزاج لخارقا و لشباح و مرسوما لألوان لمائيّا ولّا بلفحم ،وفلعوام لي كان منفي فيها ف جزر القنال و جيرسي م 1852 حتى 1870 رسم واش كان يشوف فلبحر رسومات تهبّل كيما لمناظر لبحريّا و لبوابير و رّيح بتقنيّات جديدة كيما لإستنسل و فتات تاع لورڨ و دّونتال، و بقا ينتج فرّسومات لبيانيّا كي راح مع جولييت لابالجيك و في شّط تاع نهر رّاين في عام 1861. مالڨري في حياتو كان بزّاف متعلّق بلفنّ تّصويري تاعو إلّا أنّو كانت كاينا رسومات من تاوعو تهدف للأعمال لأدبيّا تاعو كيما لي ترافيايور دولا مار ولي زوريونتال و رين و لا ليجوند دي سياكل پيبليّاوها بتيتر رسومات فيكتور هيكوو، كي مات تبرعو بمجموعة م رّسومات تاوعو ف1888 باش يخلّوهم سوڥونيغ موراها بشويا حتى ولّات لأعمال تاع هوكو يعرضوها فلمعارض لْكبار صولاي دونتر پوتي پالي ف ذّكرا لمئويّا للوفايا تاعو ف 1985، و ديك لمرّا دارو معرض ڤيكتور هيڨو ديسين في ميزونو دي فيكتور هيكو ف2021، و مام دارو بزّاف معارض فلخارج كيما في پولونيا و بروكسل و مدريد و زيوريخ و لوزان و نيويورك و لوس انجلوس و في بزّااف پلايص كيما ليابان. و عاودو سّريلياليّون كتاشفو شحال كان عبقري فتّصوير تاعو أيّا و بغاو يستخدمو تّقنيّات لمبتاكرا تاعو كيما لبصمات و ليطاش و لخدوش و لإستنيل و پريزارڤ باسكو هو بزّاف يعرف كي يستخدم لي ميطود تاع رّيف و تّجريبيّا پاريڨزومپل خلّط لقهوا لكحلا ولفحم و دخان تاع شيميلو و جّي تاع تّوت لكحل و لبصل لمحروڨ و رّماد تاع دّخان و دونتيفريس و دارلهم تيپ و رسم بيهم يعني كيما تّيقنيات لي ستخدموهم ممبعد لفنّانين سّيرياليّين.

=

شاڨَالو عليه لْعرب

هَدرو عْليه [شُعراء] بزافْ منْ بينهُم أبو علاء المعري و بزاف وَحدُخرين، و من بين شِّعر لي كَتبه عليهْ حافظ ابراهيم لأَعجميْ قريب ما يَعْلا نَّجمْ تاعهْ فسْما تاعْ شِّعر نجمْ عَرْبيْ خْمَسْ لِيعَالِينْ مَنها بلْ معرّي فوڤْ لْهامْ و تْلاقا الشّهب.

زيد شوف

رومنتيكيا, كاريكاتور تع دي باري.

من صغرو ، شارك هوغو فنقاش ثقافي تاع لقرن ، لرومنتيكيا، كيما يحضر بزاف إجتماعات ، وليكان لمهم فيها جتماع لي دارو تشارلز نودير.باش يستحفظ علا علاقات ملاح معا بزاف منهم، كيما ألكسندر دوماس ، مألف لي مثلو في بزاف خدمات دراميا رومانتيكيا (وزيد روايات ناجحا بزاف): هاد صحبا ، مع شوي طلعات و هبطات ، راح تكمل طول لعمر . وفي بلاصت هاد شِّي ، كاين منافسا كثر بشوي معا ألفونس دي لامارتين ،لي ميحبسش شاعر من محبتو ليه ، حتان يعطيه نجاح تفوق فل فن . لإحترام بيناتهم ولعجاب يميزو علاقتو مع أونور دي بالزاك ، حتا ادا مكانش شويا ثيقا ، ومعا جيرارد دي نارفال نجاحو لي يمشي ويزيد ولموهبا نتاعو وأصالا نتاعو تكسبو بزاف من لعجيب ؛ وزيد فوق هاد شِّي يمشي قد قد فسياسا وشهادا لي داها علا طول عشرين عام منفي لي خيرو ، ولي يخلي بزاف من منتقينو يسكتو

قدا نسنا لمنفى بضبط ، وخاصتا مع رجعتو ، ولا هوغو رمز بلاد : راهو مشهور ،عاجب لي كيما هوا ويخافوه سياسيين .لازم علا كل روائي ولا شاعر ولا كاتب تاع مسرح يبين شكون هوما بنسبا ليه - مع لا ضد. بصح هاد لقوا وهاد شهرا تسببلو شويا كره . وبنسبا لسياسا ، فتاع لجمهوريا لليسرا يشككو فتحول نتاعو ، فنفس لوقت لملكيين ميغفرولوش بسهولا للحاجا لي حاطينها خيانا. يعشق تشارلز بودلير هوغو ، بصح يتقلق مرات من كلماتو "سياسيا": تناقض لي يميز ،فبزاف من لحالات ، كتّاب بدايا نتاع لقرن. حكم شاعر زهور شَّر على لبؤساء غامض ، فمن ناحيا يعرّف لكتاب بأنه "نجس" و "غير كفء" [ ، ومنجيها خرى يأكد انو كاين فيه صفحات متخليناش نفتاخرو برك بلادب تاع لفرونسي ، بصح ثاني بأدب تفكير تاع انسان.

تماثيل ونصب تع فيكتور

تمثال داروه لفيكتو باش يكرموه داره ارنيست باريا إيرنست بارياس ساحة تع هيكو 1902 باش يحتافلو بميات سنة تع زيادة تاعو,

هذا تمثال تع فيكتور هيكو بناوه عام 1902 باش برك يحتافلو بعيد ميلاده رقم مْيا بناه ايرنيست بارياس في بلاصيطا سموها ساحا تع فيكتور هيكو جايا في پاري ودروك هذا تّمثال مراهش كاين

نحت تع هيكو, أوڨيست رودين (1840-1917).

تمثال تع هيكو جاي في ڨيرنساي

كاين بزاف مراجع وسيپورت لهاذ كتاتبي كبير لي تراس تاع في بزاف بلايص من بينها وين كان منفي باري مع تماثيل مسمين عليه لاڨار تع تران محطة زاوجة وين زايد تاني كاين بوزونصون وفي بلجيكا منفى تاعو وكاين مغنين غناو لقصايد تاوعو مكانش حاجا فيها فن وأدب ومنذكرش هاد كتاتبي.

شا قتابسو من عند هيكو

بزاف موديفيكاسيون صْرات للخدما تع هيكو باش يادابتوها مع حاجات جدد رايحين يخرجوهم فيمات ممسرحيات وثاىيقيات أي حاجة يشوفها تقدر يسْتهلكها شّعب الا داروها.

سيليما

رواية تع هيكو لي ميزيرابل كانت خُببْزا شابا للسيناريست باش يخرجو منها شايبغو فل مجال تاعهم وجي من بعدها نوتر دام دو پاري لي ترجمها لكتر من ميات برودوي تع سينما في بلدان بزاف كيما مريكان وبلجيكا وبزاف وحدخرين وهذا شي يبيّن بلي هيكو عالمي وكبير في واش يدير.

تيليفيزيون

نفس شي بل نسبا لتيليفيزيون عْرف تحويل كْبير لخدما تاع هيكو على لي إكرون في فرانسا ، حقّْق روبرت حسين لْبائس سيكسي كبير في عام 1982 مع دور لينو فينتورا في رول پرانسيپال. هما، و تحويل خدمة تع هيكو تالية هي لي خرجها خوسيه دايان ، أنا بخلا ، مع جيرار ديبارديو ، في عام 2000 في إيطاليا ، نتجو دراما تلفزيونيا في عام 1964 ، أنا بخيل ، خدمه ساندرو بولشي، لي بين فيها جاستون موشين في پارتي من جان فالجيان.

مين كانو يمثلو فيم تع ميزيرابل (2012)

أوپيرا

أوپيرا

هيكو في هاذ لْخدما مكانش يْميل بزّاف بصح مكانش عندو مانع انو يدير، وصرا وين زعف هيكو على روجيلتو في قضيا حْقوق لنَاشر صرات في پاغي كاين واحد اْمور ماولاّتش تعجبه خطرش متتوافقش مع طريقته تع لكتبا .وتاليف في هاد شي.

پلاكا تع « شارع فيكتور هيكو » في مدريد سبانيا.

موسيقى تع ضحك

من عام 2004 ، ظهرت شاريكا فلورنتين ، حنا فنانين مشي معروفين ... بل كتبا تع نصوص لحب و لْجُنون و نوتر دام جايبنهل من كاابات فيكتور هوغو وموسيقى كونسيونت، مع إدخالات من فاجيلي و پنك فلويد هدا نوع تع الفن عرف ترجما ونشاط كبيرْ كما قُلنا مع تِيلي سِينيما.

معاني ڨالهم فيكتور هيكو

• مكانش قوّة كيما قوّة تاع ضّمير.

• مكاش حاجا مليحا كيما شّطارا.

• مكاش جيش قوي كيما لْفكرا لي جّي في وقتها

• لفرحا لكبيرا ڨاع كي دّير حباب فل دنيا.

• بلْبنيان نعرفو بزّاف صوالح على دّولا كيفاش دايرا.

• لعشق مالڨري قباحتو بصّح يڨعد حاجة شابة بين رّاجل و لمرا (لوكان مكاش لقباحة ماتتّبنا لملاحة)

• في ڨلبي وردا مكاش لّي يقدر يڨلعها.
• رّاجل ايطيڨ يكتب كتاب على لعشق بصح لمرا بكلما وحدة برك تبين كلّش.

• كي تهدر مع كاش مرا خزر في عينيها يعطوك كلّش.

• تقدر تحارب جيش بصح واش كاين فرّاس متقدرلوش.

• طّفلا شّابا متعرفش لزينها.

• لحجرا دايرة كلحرف و لڨلتا هي جملا و لولايا هي وڨفة، و فوڨ كل سطر و صفحا كاين دايمن شويّا غيام و رغوة تاع بحر.

• كان هوغو يوصف شّرق و يڨول عليه: لشرق موند شباب و ضاوي ، داير كي لجنّا تاع دّنيا ، يشبّه لربيع بَوْردو ، و للجنا كي تضحك، و عمر ارضو ربي سبحانو بل ورد كثر من غيرو ، و عمر سّما تاعو بل نجوم وبحارو بل مرجان.

«  مشنقة », رسم تع فكتور هيكو داره في 1854, ميتروبوليتان متحف تع فن.