Wp/arq/بلجيكا

بلجيكا

بلجيكاولا مملكت بلجيكا هيا دولة عندها نضام ملكي اتيحادي جاية في اوروبا لغربية , هيا عضو مؤسس فل اتيحاد لاوروبي و فيها مقر لاتيحاد لاوروبي , بزيادا علا هادا بزاف مل منضمات دوليا رئيسية كيما منظمة حلف شمال لاطلسي.بلجيكا فيها مساحت 30528 كيلومتر كاري (11787 ميل مربع)و سكانها لحقو قريب 11 مليون نسمة. في بلجيكا كاين لوغتين رسميتين هوما لهولندية لي يهدرو بيها( 59%)، ول فرنسية لي يهدرو بيها (41)زيادة علا هادو جماعة صغيرة تع لي يهدرو بل المانية.زوج من اكبر لبلايص في بلجيكا هوما لمنطقة لي يهدرو فيها بلوغا لهولندية لفلاندر ف شمال ول منطقة زاوجة لي يهدرو بل فرونسي جنوب والونيا.في اقليم لعاصيمة بروكسل ، ثنائية لوغة رسميا هوا جيب ناطقة بل فرونسي فل غالب داخل لاقليم لفلمنكي.لجماعة لي تهدر ب لوغة لالمانية جاية في شرق والونيا. تاريخيا،بلجيكا،هولندا و لوكسمبورغ كانت معروفة ب اسم لبلدان لمنخفضة،و لي تغطي مساحة كبيرة نوعاما مل مجموعة لحالية لي دول لبنيلوكس. و تاريخيا كانت بلجيكا يسموها بلجيكا لاتينية و هادا لاخطرش كانت منضمة ل وحد لمقاطعة رومانية.من لا فان تاع لعصور لوسطى حتا لقرن 17 ،كانت مركز مزداهر لتجارة و ثقافة . مل قرن 16حتا ثورة لبلجيكية في عام 1830 كي نفاصلت بلجيكا علا هولنداو دارت بزاف معارك بين لقوى لاوروبية علا لاراضي لبلجيكية ، هاد لامر خلاهم يسموها ساحة لمعركة في اوروبا ، هاد اسم تعزز في وقت لحرب لعالمية لولة و زاوجة. مورا استقلال بلجيكا، شاركت ف ثورة صناعية و فل قرن20 كان عندها بزاف مستعمرات في افريقيا. نص زاوج مل قرن 20 تميز بمشاكل صراو بين لفلمنكيين ول لفرونكوفونيين علا جال اختلافات ف لوغة وتنمية لاقتصادية لغير متكافئة من فلاندرز و والونيا.هاد لعداوة لمستمرة تسبت ف اصلاحات بعيدة لمدا و تاني بدلو نضام دولة لبلجيكية لوحدويسابقا ف دولة لاتحادية و بزاف مل ازمات لحكومية ، و تالية كانت بين 2007 و 2011 و هادي كانت هيا طويلة قاع .

لموقع لجغرافي تاع بلجيكا

يسموها فاني المملكة تاع بلجيكا، جاية في لغرب تاع اوروبا، حذا فرانسا، الاراضي المنخفضة، المانيا، لوكسمبورغ و بحر الشمال.

الاقتصاد تاع بلجيكا

تمت رسملة و لاقتصاد مؤسسة جديدة خاصة من بلجيكا علا موقعها لجغرافي لمركزي ، شبكة نقل مطورة و قاعدة صناعية و تجاريةمتنوعة . اول دولة تحكم ثورة صناعية في قارة اوروبا معا بداية لقرن 19،بلجيكا دارت بنية تحتية ممتازة من لي مواين تاع ترونسبور ولي بور ول قنوات و سكك لحديدية ،و طرقان سريعة باه تدمج صناعة مع جيرانها . صناعة ترتاكز اساسا في في فلاندرز (هاد لبلاصة مكتظة ب ناس) ف شمال و من جيهة بروكسل في اكبر زوج مدن والون لييج و شارلروا ،علا طول ثلم صناعية . بلجيكا تستورد لمواد لخام ول مواد نصف مصنعة لي يكملو يسقموها و يعاودو يصدروها ابار لفحم و لي ما رجعش اقتصاد للاستغلال . و بلجيكا عندها شوية مل موارد طبيعية لوخرة م تربة لخصبة . و مع هادا يزيدو يمثلو معظم لقطاعات صناعية تقليدية فل اقتصاد ، زيادة مع هادا صلب ول منسوجات و تكرير ول كيماويات و تجهيز لاغدية ول مستحضرات صيدلانية و طنوبيلات ول الكترونيات ول ماشينات . ملغري لمكون صناعي ثقيل لخدمات تشكل 75% م ناتج لمحلي لاجمالي بينما زراعة تشكل1% م ناتج لاجمالي لمحلي.مع صادرات زعما يعادل كثر من ثلثين تاع ناتج لقومي لاجمالي ، بلجيكا تعتامد بزاف علا تجارة لعالمية .بلجيكا تدي مزايا تجارية مل موقعها لجغرافي لمركزي و من قوة لعمل لماهرة ول متمكنة بزاف، لي فيها بزاف لوغات و بزيادة منتجة .بلجيكا وحدة مل اعضاء لمؤسسين للجماعة لاوروبية و تدعم بزاف و بقوة تعميق صلاحيات لوقت لحاضر لاتحاد لاروبي باه تدمج اقتصاديات اروبية ابعد من دلك . قريب ثلث رباع تجارتها هيا معا بلدان اتحاد لاوروبي لوخرا،متعاونة معا هولندا و لوكسمبورغ ، بلجيكا هيا فاني مدول لاعضاء فل بينولوكس. دين لعام في بلجيكا قريب 105% م ناتج لاجمالي لمحلي .لحكومة نجحت ف موازنة ميزانيتها م بين 2000 و 2008 و تقسيم دخل لمتساوي نسبيا.بلجيكا بدات تعمم عملة ليورو ف 2002 .نمو لاقتصادي ول استثمار لاجنبي لمباشر هبط في 2008 و في عام 2009 بلجيكا عانات م نمو سلبي و زيادة لبطالة و لي نتجت علا لازمة لمصرفية فل عالم كومبلي.

ثقافة في بلجيكا

المطابخ:كاين بزاف مطاعم بلجيكية لي مرتبة وغالية نقدرو نصيبوها ف لي gييد تاع لمطاعم لمخيرين ول معروفين كيما دليل ميشلان، بلجيكا معروفة بل بيرة،شيكولة و لي كراب مقليين بل مايوناز . عكس اسمها و يقولو بلي لمقلية لبلجيكيين هوما لي داروها مي لبلاصة اكزاكت مشي سور. لاطباق لوطنية هيا ستاك لحم و بطاطا وشلادة،بلح لبحر معا بطاطا مقلية. لماركات تجارية لبلجيكية تاع شيكولا و حلوة تاع لوز لمعروفة عالميا هيا:كوت او ، نيو هاوس ، ليو نايدس و جوديفا ، و تانيك كاين منتجين بريفي كيما دفن وديل ري ف انتويرب ، و ماري ف بروكسل. بلجيكا تنتج كثر من 1100 نوع تاع بيرة ، لبيرة لمخيرة كامل فل عالم هيا بيرة راهب من دار WESTVLETEREN ، و اكبر بيرة فل عالم من حيث لحجم هيا انهيزر بوش و لبلاصة لي تنصنع فيها هيا لوفين .

لموسيقى: لموسيقا صوتيا تاع لمدرسة لفرنسية لفلمنكية دارمها فلجزا لجنوبي تاع لبلدان لمنخفضة و ساهمت ب قوة في ثقافة عصر نهضة ، و فل قرن 19 و 20 بانت لكمان رئيسية كيما هنري VIEUXTEMPS ،اوجين YSAYE و ارثر GRUMIAUX ،في هاد لوقت اخترع ادولف ساكس ساكسوفون في عام 1864.لملحن سيزار فرانك زاد في لييج في عام 1822.لموسيقا لمعاصرة فان عندها قيمتها في بلجيكا لاخطرش لجاز موسيقا تصافير THIELEMANS و لمغني جاك بريل حقو شهرة عالمية . في موسيقا روك/بوب ، تلكس ، لجبهة 242 ، اختيار K، هووفر فونيك ، زاب ماما ، SOULWAX ، ول لالة لمعروفة بزاف في مشهد لمعادن ثقيلة ول عصابات كيما MACHIAVEL ، بلجيكا انتجت بزاف مل كتاب لمعروفين كيما اميل VERHAEREN . و روائيين هندريك الضمير و جورج SIMENON، سوزان LILAR ، هوغو كلوز ، و اميلي NOTHOMB . شاعر ول كاتب لمسرحي موريس MAETRLINCK ربح جائزة نوبل فل ادب عام 1911 . مغامرات تان تان لي كتبها هيرجي هيا لمخيرة ول معروفة مل كوميديا لبلجيكية لفرنسية ، بلا ما ننساو بزاف مؤلفين اخرين كيما PEYO ( سنفور) ، اندريه فرانكوين (غاستون LAGAFFE) ، جابت ادغار P . جاكوبس وويلي فاندرستين ف صناعة لكرتون شريط لبلجيكي شهرة كبيرة فل عالم كومبلي .

التعليم في بلجيكا

تعليم في بلجيكا الزامي من 6 حتا 18 سنة . من بين دول منضمة تعاون اقتصادي في عام 2002 و كان اعلا نسبة بلجيكا ثالث من 18 لي عمارهم بين 21 عام لي لتاحقو ب تعليم لجاميعي ، في 42% مالغري كاين قريب 99% م سكان لبالغين يعرفو يقراو و يكتبو و معا هادا راهوم مقلقين مل امية لوظيفية . لبرنامج دولي ل تقييم طلبة (PISA)ب تنسيق معا مونظمة تعاون و تنمية ،لمركز تعليمي لبلجيكي راه ضمن 19 افضل مركز فل عالم و يجري ب اعلا قاوي من متوسط منظمة تعاون و تنمية

الطقس

طقس ب شكل عام معتدل الا بارد ، معدل درجات لحرارة صيفا هيا 25 درجة مئوية ، و ف شتا 7.2 .