Wp/apc/الصفحة الرئيسية

ويكيبيديا شامي هو مشروع موسوعة حرة أي حدا ممكن يساهم بكتابتها.

سياسات و إرشادات ● نقاش المجتمع ● مقدمة ● توحيد الكتابة ● فضي الكاش

لتاريخ اليوم, 18 أيار 2026 ميلادي فيه 3,317 مقالة ع ويكيبيديا شامي مكتوبة بالشامي.

فيه إحتمال إنو الصفحة اللي عم تدور عليها موجودة, لهيك ممكن تدور عليها أو تعملها إذا مالقيتها.

ممكن تعمل مقالة جديده هون

فيك كمان تجرب تعديل بـ صندوق الرمل و تشوف النتايج قبل ما تبدا.

بالأخبار

فيليب ديفيز

الحزب الليبرالي التقدمي، بقيادة رئيس الوزراء فيليب ديفيز (يلي بالصورة)، فاز بـ ولاية تانية بالانتخابات العامة بجزر الباهاما.
ركاب السفينة السياحية إم في هونديوس (MV Hondius) نزلو بتينيريفي بعد ما انفرض عليون الحجر الصحي بسبب تفشي فيروس هانتا.
المنصة التعليمية كانفاس (Canvas) اتعطّلت و ووقفت عن الشغل، و هالشي أثّر على آلاف المؤسسات التعليمية، بعد هجوم بفدية إلكترونية نفذته مجموعة "شايني هانترز" (ShinyHunters).
تفشي فيروس هانتا على السفينة السياحية إم في هونديوس أجبر أغلب الركاب الباقيين على الحجر الصحي بقلب السفينة.
وفاة قطب الإعلام و فاعل الخير الأميركي تيد تيرنر بعمره 87 سنة.

أرشيف الأخبار

بهاد اليوم

18 أيار

مدرسة باث بعد التفجير

1302 – المتمردين المسلحين عملو مجزرة ضد الحامية الفرنسية المحتلة ببروج، بفلاندر، و قتلو حوالي 2000 شخص.
1695 – صار زلزال بقوة 7.8 على مقياس Ms بمقاطعة شانشي بشمال الصين، و راح فيه على القليل 52600 شخص.
1927 – أمين صندوق مجلس المدرسة، أندرو كيهوي فجّر متفجرات باستخدام مؤقتات و بندقية (بالصورة)، و سبّب كارثة بمدرسة باث المجمعة بميشيغان، و راح فيها 44 شخص، و هاي كانت أفظع عملية قتل جماعي بمدرسة بتاريخ أمريكا.
2009 – الجيش السريلانكي قتل فيلوبلاي برابهاكران، قائد و مؤسس نمور التاميل، و هيك خلصت الحرب الأهلية السريلانكية اللي دامت 26 سنة.

بهاد الشهر

مدينة شامية

تدمر مدينة أثرية إلها أهمية تاريخية كبيرة، و هلأ بتقع بمحافظة حمص بوسط سوريا. تاريخها بيرجع للعصر الحجري الحديث، و انذكر اسمها بأول مرة بالسجلات التاريخية بالألفية التانية قبل الميلاد. خلال هالفترة، انتقلت السيطرة عليها بين عدة دول، لحد ما صارت تحت حكم الإمبراطورية الرومانية بالقرن الأول بعد الميلاد. تدمر كانت مدينة غنية كتير بسبب موقعها اللي كان نقطة تقاطع لعدة طرق تجارية بالعالم القديم. التدمريين... كمل قراية

مدن شامية

شخصية شامية

ملحم بركات كمان معروف بـ أبو مجد، مغني و ملحن لبناني. بيعتبر من أشهر المطربين و الملحنين اللبنانين و العرب، و إتأثّر بفن الموسيقار محمد عبد الوهاب. انولد بضيعة كفر شيما، و بينتمي لطايفة الروم الأرثوذكس. بينت موهبته من وقت ما كان بالمدرسة، و بواحد من الاحتفالات المدرسية، لحن شوية كلمات من الجريدة اليومية و غناهون، و بعدين شارك ببرنامج مشهور للمواهب الجديدة، و من بعدها دخل عالمدرسة الرحبانية، و من ... ملحم بركات

شخصيات شامية

بلاد الشام أو سوريا القديمة، أو سوريا الطبيعة (باليوناني: Σύρια)؛ و (باللاتيني: Syria)؛ بنقول عليها سيريا، هي اسم قديم لمنطقة من بلاد الشام بتطل على البحر المتوسط و لحد بلاد الرافدين.

اليونانيين كانو بيقولو "سورية" على المنطقة اللي على البحر المتوسط، و بتشمل كل بلاد ما بين النهرين و المنطقة الخضرا كلها و شوي لحد أرمينيا. حتى الروماني فلينيوس كتب عن هالشي. و اسم سورية بيجي من كلمة "آسورية" متل ما قالو العلما اليونان و الرومان، و حتى العلما اليوم بيقولو هيك.

بعد ما الفرس سيطرو على بلاد ما بين النهرين، صارو يقولو "سورية" على المنطقة اللي كانت تحت حكم السلوقيين و الرومان، يعني من البحر المتوسط للفرات. و هيك عرفها العرب من زمان قبل الإسلام و لغاية اليوم.

اليوم الناس كلن بيفكرو إنو الشام هي سوريا و لبنان و الأردن و فلسطين، و مناطق تانية متل اسكندرون اللي صارت بتركيا. بس أنطون سعادة بيقول إن الشام أكبر من هيك، بيقول إنها كل المنطقة الخضرا و سينا و قبرص كمان. أما العرب من زمان كانو بيقولو إنو الشام بتبلش من دومة الجندل.

بلاد الشام

شو هي ويكيبيديا؟

ويكيبيديا هي موسوعة رقمية، بتشتغل بأكتر من لغة، و محتواها مفتوح و مجاني. أي حدا بيقدر يعدّل فيها حتى بدون ما يسجل حساب، و أي حدا بيقدر يستفيد من المحتوى و يستخدمه لأغراض تجارية أو مو تجارية حسب رخصة الموسوعة. فيه منها 317 نسخة بلغات مختلفة. آلاف الزوار من كل أنحاء العالم بيعملو تعديلات، و بينشئو مقالات جديدة بشكل يومي.

ويكيبيديا (بتنلفظ [wi:ki:bi:dija:] و بيلحنوها أحياناً ‎[wikipi:dia]‎) هي كلمة جاي من مقطعين: "ويكي" من لغة هاواي اللي معناها "سريع"، و "بيديا" من كلمة "موسوعة" بالإنجليزية "encyclopedia". ويكيبيديا هي موسوعة متعددة اللغات مبنية عالإنترنت، و محتواها حر. بيشغلها مؤسسة ويكيميديا، اللي هي منظمة مو ربحية. ويكيبيديا هي موسوعة مفتوحة، يعني أي حدا بيقدر يعدل، يحرر، و يضيف مقالات جديدة.

بدأ مشروع ويكيبيديا بـ 15 كانون التاني 2001 ليكون مكمل لمشروع تاني اسمه نيوبيديا، اللي كان بيشتغل عليه محررين خبرا. بس بسبب بطء تطور نيوبيديا، قرر جيمي ويلز و لاري سانجر إنو يعملو مشروع مفتوح جديد لدعمه، و هو ويكيبيديا.

ويكيبيديا

النسخة هي من ويكيبيديا مكتوبة بالشامي, في نسخ تانية كتير من ويكيبيديا بلغات تانية و النسخ الأكبر هي: