Wp/apc/لبنان

علم لبنان

نشيد الوطن اللبناني

لِبنان (رسميًا: الجُمْهُورِيَّة اللبنانيَّة) هو بلد بالشرق الأوسط وغرب اسيا. بتحدو سورية من الشمال والشرق، وإسرائيل-فلسطين المحتلة من الجنوب، والبحر الأبيض المتوسط من الغرب. قبرس قريبة من ساحل الغربي يلي بطلّ ع البحر الأبيض المتوسط. ساهم محل لبنان بحوض البحر الأبيض المتوسط، بين أوروبا والشرق الأوسط، بتاريخو الغني وثقافتو المميزة والمتنوعة دينيًا. عدد سكان لبنان أكتر من خمس ملايين، ومساحتو ١٠ ٤٥٢ كيلوماتر مربع، يلي بتعملو تاني أزغر بلد بآسيا.

عاصمة لبنان بيروت، وهي أكبر مدينة بلبنان؛ طرابلس تاني أكبر مدينة، وجونيه التالتى. العربي هي اللغة الرسمية تبع لبنان. العربي النحوي بينعاز بالأخبار والمسألات الدوالية. اللبنانية بيحكو اللهجة اللبنانية من العربي الشامي. الإنكليزي والفرنساوي كمان بينعازو.

لبنان دولة نامية، ومرتبتو ١١٢ ع مؤشر التنمية البشرية، وتصَنَف كبلد بالشريحة العاليا من البلدان يلي دخلا متوسط، بس أزمة السيولة بلبنان والفساد يلي ع صعيد الوطن وإنفجار 4 آب ثاهمو بإنهيار العملة الوطنية وحرضّ عدم الإستقرار السياسي وعجز بالموارد وإرتفاع البطالة والفقر. عرف البنك الدولي (World Bank) حالة الأذمة الإقتصادية يلي بلبنان كوحدة من أسوء الأذمات الإقتصادية بعد قرن الـ١٩. مع رغم من حجم لبنان الزغير، الثقافة للبنانية مشهورة بالعالم العربي وبالعالم كلو، خاصةً من ورى الشتات للبناني. لبنان عضو مؤسس للأمم المتحدة وجامعة الدول العربية، وعضو بحركة عدم الانحياز وبمنظمة التعاون الإسلامي وبالمنظمة الدولية للناطقين بالفرنساوي.

بنة تحتيّة

صحة

بسنة 2010، المصاريف ع الصحة كانت 7.03 بالمية من "جي دي پي" لبنان. بـ2009، كان في 31.29 دكتور و19.71 نيرس لكل 10,000 شخص. مأمول العمر بلبنان أولما يخلق الشخص كانت 72.59 سنة بالـ2011: 70.48 للرجال و74.80 للنساء.

بعدما خلصت الحرب الأهلية، كانت بس تلت المستشفايات الپوبليك عم تشتغل، ومعدل التخوتي بالمستفيات كلن 20. بالـ2009، كان في بالبلد 28 مستشفى پوبليك، فيون 2,550 تخت. بالمستشفايات الپوبليك، بيدفعو المرضى الي مش عاملين أسيرانس 5 بالمية من الفاتورة، مقارنةً مع الـ15 بالمية يلي بيدفعوا بالمستشفيات الخاصة، ووزارة الصحة بتسدد الباقي. بتتعاقد وزارة الصحة مع 138 مستشفى خاصة و25 مستشفى عامة.

بالـ2011، كان في 236,643 حالة دخول ع المستشفيات معملن ساپسيدايز؛ 164,244 بالمستشفيات الخاصة، و72,399 بالمستشفيات الپوبليك. في أكتر مرضى بتروح ع المستفيات الپوبليك من المستشفيات الخاصة، لأن في تخوتي أكتر بالمستشفبات الخاصة.

الكلتشر

الكويزين

الكويزين اللبناني بيشبه كويزين كزا بلد بشرق البحر الأبيض المتوسط، متل سوريا وتركيا واليونان والقبرص. الأطباق الوطنية تبع لينان هي الكبة—كناية عن فطيرة لحم مصنوعة من غنم مفروم ناعم والبرغل—وتبولة—كناية عن سَلطة معمولة من بقدونس، بندورة، وبرغل. بالمطاعم، بتبلش الوجبات اللبنانية بمجموعة واسعة من المازة—الأطباق الزغيرة اللذيذة، متل الديپس والسلطات والمُعجنات. بعد المازة في عادةً مجموعة من السمك أو اللحمة المشوية. بشكل عام، الوجبات بتِنتَها بالقهوة العربية والفواكة الفرش، مع إنو أوقات بيتقدم كمان مجموعة مختارة من الحلو التقليدي.

مصدر

صفحة ويكيپيديا الإنكليزي للبنان: ٣٠ أيلول ٢٠٢٣[1]

لبنان على خريطة العالم