Wp/apc/غرب آسيا

غرب آسيا هي أكتر منطقة غربية بقارة آسيا. انفصلت عن أفريقيا من قناة السويس، وعن أوروبا من مضيق البوسفور وجبال القوقاز الكبار. مع إنه حدودها من الشرق مش محدّدة بالزبط، بيعتبرو إنه آسيا الوسطى بتبلّش من شمال شرق إيران، وآسيا الجنوبية بتبلّش من جنوب شرق إيران. بمنطقة غرب آسيا، فيه كمان مناطق أزغر، متل الأناضول، القوقاز، بلاد الشام، بلاد الرافدين، والجزيرة العربية. البحور اللي حوالي غرب آسيا هني البحر المتوسط، البحر الأسود، البحر الأحمر، بحر قزوين، بحر العرب، وخليج فارس. مع إنه غرب آسيا بتشمل الدول اللي عادةً بيعتبروها من الشرق الأوسط، كمان فيها دول ما بينحسبو على الشرق الأوسط، اللي هو أساسًا اسم غامض ومعناه تغيّر مع الوقت، بس "غرب آسيا" هو اسم جغرافي أوضح ومحدد.

مساحة غرب آسيا كاملة تقريبًا 6 مليون كيلومتر مربّع، وعدد السكان فيها تقريبًا 313 مليون. الدول اللي بيعتبروها جزء من غرب آسيا هني: تركيا، جورجيا، أرمينيا، أذربيجان، إيران، العراق، الكويت، سوريا، لبنان، فلسطين، الأردن، السعودية، قطر، الإمارات، عُمان، اليمن، ودولتين جُزُريّتين هني قبرص والبحرين، وأخيرًا مصر من ورا شبه جزيرة سيناء. أكبر دولة بالمنطقة من حيث المساحة هي السعودية، والتانية إيران. بس من ناحية عدد السكان، أكبر دولتين هني إيران وتركيا، وكل وحدة فيهم فيها 83 مليون شخص بالزبط. أصغر دولة من ناحية المساحة هي البحرين، وبعدها قبرص، بس من ناحية عدد السكان البحرين (1.6 مليون) فيها أكتر شوي من قبرص، اللي عدد سكانها أقل بالمنطقة (1.2 مليون).