Jump to content

Wp/apc/سورية

From Wikimedia Incubator
< Wp‎ | apc
Wp > apc > سورية

سوريا، وكمان بتنكتب سورية، هي بلد بشرق الأوسط بمنطقة الشام. هي جمهورية وحدوية وعندها 14 محافظة ومحدودة بالبحر الأبيض المتوسط عن الغرب، تركيا عن الشمال، العيراق عن الشرق، والأردن، لبنان، وفلسطين المحتلّة عن الجنوب. من تاني ميلة البحر فيه قبرص يلّي عندها مجتمع لبناني وماروني كبير. سورية بلد مع سهول متمرة، سحرات، وجبال كمان. سورية عندها تنوع بديموغرافيتها: عندها عَرَب (سوريين)، أكراد، أتراك، آشورية، سكرس، البانية، آرامية، ويونانية. أكبر مدينة بسورية هي عاصمتها دمشق.

دولة سورية متل ما منعرفها اليوم تألّفت حوال نص القرن العشرين من بعد اكتر من خمس مية سنة حكم عثماني. من بعد نهاية إيام الحكم الفرنساوي، سورية ستقلت بعد الحرب العالمية التانية.

كان فيه كتير مشاكل بالبلد من بعد إستقلاله. سنة الـ1958، تحدت مع مصر لتأسّس الجمهورية العربية المتحدة، يللي نتهت بعد الكوديتا السوري سنة الـ1961. الرجيم البعثي عمل كودتا بـ1963 وضله بالحكم من وقتها. سورية كانت تحت القانون الحالة طوارئ (الأرجانسي)، معناتها إن السوريين ما كان عندهن حقوق دستورية خلال هيدا الوقت. سورية اليوم بلد أوتوقراطي ودكتاتوري.

بشّار الأسد هو الرئيس السوري من بعد موت بيّهُ بسنة الـ2000. بيّه حكم سورية من الـ1971 للـ2000. بولايته، فوّت الجيش السوري علبنان وتدخلو بحرب الأهلية اللبنانية. حتلّو البلد عتقريبًا 30 سنة من 1976 لإنسحابهن بـ2005. خلال الإحتلال السوري، نخطفو ونقتلو اكتر من 30000 لبنانية. الرجيم الأسدي نتقد كتير بخصوص تعنيف الحقوق الإنسانية تبع البلد والمنع الحرية الصحافية. من آذار 2011، سورية فيها حرب أهلية بين الحكومة المركزية، المتمرّدين السوريين، الأكراد، الدولة الإسلامية، تركيا، إلخ. نقتلو اكتر من نص مليون بنآدم بالحرب، نشالو 7،6 مليون من بيوتهن، وهربو 5 مليون واحد من البلد.