Wp/apc/شامي
| لغة بتنحكى ب بلاد الشام | |
| الاسم بالإنجليزي Levantine Arabic | |
| معلومات عامة | |
| ISO 639-3 | apc |
| نظام الكتابة | أبجدية عربية |
| Glottocode | nort3139 |
| التصنيف | |
| النمط اللغوي | فاعل فعل مفعول |
| نظام الكتابة | أبجدية عربية |
| الجغرافية | |
| الدول | سوريا، لبنان، دولة فلسطين، الأردن، إسرائيل، تركيا |
| اللغوية | |
| تأثرت بـ | الآرامية، العثمانية، العبرية الحديثة، الإنجليزية، الفرنسية |
| لغات ذات صلة | لغة طبيعية، لغة حية، لغة |
الشامي، أو اللهجة الشامية، مجمع لكتات عربية بتنحكى بسوريا والأردن ولبنان وفلسطين وإسرائيل وجنوب تركيا (تاريخيًا بأضنة ومرسين وهاتاي بس). أربعة و خمسين مليون شخص بيحكي شامي، و بتنعد هي و المَصري اللكتين العربية المُحكية يللي عندها پريستيج و بتنفَهَم حَول العالم العربي كِله.
الشامي مَنّهُ اللغة الرسمية بأي بَلد. مع رغم هالشي، الشامي أكتر لغة بتنحكى بالأردن و لبنان و فلسطين و سوريا، بس بأغلبية الميديا و المستندات المكتوبة و الرسمية بهالبلدان بيستعملو العربي النحوي، نوع من عربي مكتوب اللي مَنّها اللغة الأولة عند حدا. بإسرائيل و تركيا، الشامي هي لغة أقليات.
اللهجة الفلسطينية هي أقرب لهجة عالعربي الفصحى، و 50٪ من كلماتها مشتركة مع الفصحى. يللي لغتهن الأولى هي الشامي، ما فيهن يفهمو عربي فصحى إلّا إذا تعلموه، و كرمال هيك بيسمّو لغتهن "العامية". بس مع طلعت السوشيال ميديا، تحسنت عقليّة الناس تجاه الشامي. كمية الشامي المكتوب نزاد كتير، خصوصاً أونلاين، مطرح ما الشامي بينكتب بالأحرف العربية و اللاتينية و العِبرية. بيختلف اللفظ الشامي حسب الخطوط الإجتماعية و العرقية و الجغرافية. القواعد تبعها بتشبه القواعد تبع معضم اللهجات العربية التانية. اللكسيكون تبعها أغلبيته عربي، مع تَأثِيْر أَرَاْمِي مش بسيط.
غياب المصادر المكتوبة بالشامي بتعمل تحديد تاريخه قبل الحقبة الحديثة مستحيل. اللغة الأَرَامية كانت اللغة السائِدة بالشام إبتدائًا من الألفيّة الأولة قبل ميلاد المسيح؛ إتواجدت مع غير لغات، من ضمنها كتير لهجات عربية بتنحكى بعشاير عربية. مع الغزو الإسلامي للشام بالقرن السابع، عرب جداد من شبه الجزيرة العربية و بيحكو عربي سكنو بالمنطقة، و صار تحول لغوي طويل المدى من الأرامي للعربي المنحكى.
مصادر
[edit | edit source]- https://scriptsource.org/country/SY
- https://scriptsource.org/country/LB
- https://scriptsource.org/country/PS
- https://scriptsource.org/country/IL
- https://scriptsource.org/country/TR
- https://referenceworks.brillonline.com/entries/encyclopedia-of-arabic-language-and-linguistics/*-EALL_COM_0359
- https://brill.com/view/journals/jlc/10/3/article-p422_422.xml
- https://referenceworks.brillonline.com/entries/encyclopedia-of-arabic-language-and-linguistics/*-EALL_COM_vol2_0006
- https://www.degruyter.com/document/doi/10.1515/9783110184181.3.9.1917/html
- https://iso639-3.sil.org/request/2022-006
روابط برانية
[edit | edit source]- اللهجة الشامية على مُعرِّف موضوع في موقع كيورا
- اللهجة الشامية على رمز أيزو 639-3
- اللهجة الشامية على ترميز غلوتولوغ
- اللهجة الشامية على مُعرِّف قاعدة البيانات الحرة (Freebase)
 العربية الشامية على كورا | |
