Wp/apc/الصفحة الرئيسية

ويكيبيديا شامي هو مشروع موسوعة حرة أي حدا ممكن يساهم بكتابتها.

سياسات و إرشادات ● نقاش المجتمع ● مقدمة ● توحيد الكتابة ● فضي الكاش

لتاريخ اليوم, 14 تموز 2026 ميلادي فيه 3,322 مقالة ع ويكيبيديا شامي مكتوبة بالشامي.

فيه إحتمال إنو الصفحة اللي عم تدور عليها موجودة, لهيك ممكن تدور عليها أو تعملها إذا مالقيتها.

ممكن تعمل مقالة جديده هون

فيك كمان تجرب تعديل بـ صندوق الرمل و تشوف النتايج قبل ما تبدا.

بالأخبار

كيكو فوجيموري

كيكو فوجيموري (بالصورة) انتخبت رئيسة لبيرو.
الكنيسة الكاثوليكية أعلنت إنو "جمعية القديس بيوس العاشر" بوضع انشقاق، و طردت أعضاءها من الكنيسة بعد خلاف على رسامة المطارنة.
موجات الحر ضربت أوروبا، و هالشي سبب لوفاة أكتر من 3,300 شخص.
زلزالين ضربو ڤينيزويلا، خلفو أكتر من 1,430 قتيل و عشرات آلاف المفقودين.
وفاة ألان جرينسبان، رئيس الاحتياطي الفيدرالي الأمريكي السابق، بعمر 100 سنة.
كير ستارمر أعلن عن نيته الاستقالة من منصب رئيس وزرا المملكة المتحدة.

أرشيف الأخبار

بهاد اليوم

14 تموز

ختم لويس التامن

1223 – لويس التامن (الختم مبيّن بالصورة) صار ملك فرنسا و بلّش حكمو اللي استمر تلت سنين.
1798 – قانون الفتنة صار نافذ، و صار جريمة فدرالية تكتب أو تنشر أو تحكي تصريحات كاذبة أو خبيثة ضد الحكومة الأميركية.
1865 – فريق من سبع أشخاص عملو أول صعود لقمة ماترهورن، و هالشي كان نهاية العصر الذهبي لتسلق جبال الألب.
1960 – رحلة خطوط نورثويست أورينت رقم 1-11 اضطرت تهبط اضطراري قبال جزيرة بوليلو بالفلبين، و هالشي قتل شخص و جرح 44.
2014 – صواعق برق سببت أربع حرايق بنهر ميثاو بولاية واشنطن الأميركية، و صارو معروفين مع بعض باسم حرايق كارلتون كومبلكس.

بهاد الشهر

مدينة شامية

جونيه مدينة ساحلية لبنانية بقضاء كسروان، بتبعد حوالي 16 كم شمال بيروت. بسنة 2017، صارت عاصمة لمحافظة كسروان-جبيل. المدينة معروفة بالمنتجعات البحرية و الحياة الليلية و كمان بالسوق القديم اللي انبنى كلو من حجار، و المينا تبع جونيه التاريخي، و محل للطيارات الشراعية، و التلفريك اللي بياخد السياح عالجبل لزيارة مزار سيدة لبنان بحريصا. فوق جونيه، و بطريق حريصا، في تلة زغيرة اسمها بكركي، اللي بتطل عخليج جو... كمل قراية

مدن شامية

شخصية شامية

عاصي الرحباني كان موسيقي و ملحن و قائد اوركسترا و منتج لبناني. هو واحد من الاخوين رحباني مع أخوه منصور الرحباني، إتزوج المغنية اللبنانية نهاد حداد المعروفة أكتر باسمها الفني فيروز، إبنون زياد الرحباني كان كمان فنان بالموسيقى و المسرح و ناشط سياسي. بلشت مسيرة عاصي الرحباني الفنية لما اشتغل بـ اذاعة الشرق الادنى سنة 1951، أول آلة موسيقية لعاصي كانت الكمان، و بعدها البيانو، و بعدين البزق،... عاصي الرحباني

شخصيات شامية

بلاد الشام أو سوريا القديمة، أو سوريا الطبيعة (باليوناني: Σύρια)؛ و (باللاتيني: Syria)؛ بنقول عليها سيريا، هي اسم قديم لمنطقة من بلاد الشام بتطل على البحر المتوسط و لحد بلاد الرافدين.

اليونانيين كانو بيقولو "سورية" على المنطقة اللي على البحر المتوسط، و بتشمل كل بلاد ما بين النهرين و المنطقة الخضرا كلها و شوي لحد أرمينيا. حتى الروماني فلينيوس كتب عن هالشي. و اسم سورية بيجي من كلمة "آسورية" متل ما قالو العلما اليونان و الرومان، و حتى العلما اليوم بيقولو هيك.

بعد ما الفرس سيطرو على بلاد ما بين النهرين، صارو يقولو "سورية" على المنطقة اللي كانت تحت حكم السلوقيين و الرومان، يعني من البحر المتوسط للفرات. و هيك عرفها العرب من زمان قبل الإسلام و لغاية اليوم.

اليوم الناس كلن بيفكرو إنو الشام هي سوريا و لبنان و الأردن و فلسطين، و مناطق تانية متل اسكندرون اللي صارت بتركيا. بس أنطون سعادة بيقول إن الشام أكبر من هيك، بيقول إنها كل المنطقة الخضرا و سينا و قبرص كمان. أما العرب من زمان كانو بيقولو إنو الشام بتبلش من دومة الجندل.

بلاد الشام

شو هي ويكيبيديا؟

ويكيبيديا هي موسوعة رقمية، بتشتغل بأكتر من لغة، و محتواها مفتوح و مجاني. أي حدا بيقدر يعدّل فيها حتى بدون ما يسجل حساب، و أي حدا بيقدر يستفيد من المحتوى و يستخدمه لأغراض تجارية أو مو تجارية حسب رخصة الموسوعة. فيه منها 317 نسخة بلغات مختلفة. آلاف الزوار من كل أنحاء العالم بيعملو تعديلات، و بينشئو مقالات جديدة بشكل يومي.

ويكيبيديا (بتنلفظ [wi:ki:bi:dija:] و بيلحنوها أحياناً ‎[wikipi:dia]‎) هي كلمة جاي من مقطعين: "ويكي" من لغة هاواي اللي معناها "سريع"، و "بيديا" من كلمة "موسوعة" بالإنجليزية "encyclopedia". ويكيبيديا هي موسوعة متعددة اللغات مبنية عالإنترنت، و محتواها حر. بيشغلها مؤسسة ويكيميديا، اللي هي منظمة مو ربحية. ويكيبيديا هي موسوعة مفتوحة، يعني أي حدا بيقدر يعدل، يحرر، و يضيف مقالات جديدة.

بدأ مشروع ويكيبيديا بـ 15 كانون التاني 2001 ليكون مكمل لمشروع تاني اسمه نيوبيديا، اللي كان بيشتغل عليه محررين خبرا. بس بسبب بطء تطور نيوبيديا، قرر جيمي ويلز و لاري سانجر إنو يعملو مشروع مفتوح جديد لدعمه، و هو ويكيبيديا.

ويكيبيديا

النسخة هي من ويكيبيديا مكتوبة بالشامي, في نسخ تانية كتير من ويكيبيديا بلغات تانية و النسخ الأكبر هي: