Wn/az/Türkiyə Liviyada pilotsuz döyüş təyyarəsini lazer silahı ilə vurub

From Wikimedia Incubator
< Wn‎ | azWn > az > Türkiyə Liviyada pilotsuz döyüş təyyarəsini lazer silahı ilə vurub

15 avqust 2019, Cümə axşamı

Türkiyə Liviyada feldmarşal Xəlifə Haftara dəstək üçün Birləşmiş Ərəb Əmirlikləri tərəfindən göndərilən, Çin istehsalı olan pilotsuz döyüş təyyarəsini lazer silahı ilə vurub. Bununla da Türkiyə lazer silahını döyüş şəraitində tətbiq edən ilk ölkə olub.

Çin tərəfindən istehsal olunan “Wing Loong II” pilotsuz döyüş təyyarəsi bir neçə gün əvvəl Misurata şəhəri yaxınlığında vurulub. Təyyarə Türkiyənin ASELSAN şirkəti tərəfindən işlənib hazırlanan, 50 kW güc hasil edən lazer hava müdafiə sistemi tərəfindən Misurata şəhəri üzərində uçarkən hədəfə alınıb.

Lazer silahı ABŞ, Rusiya və Çin başda olmaqla bir sıra ölkələr tərəfindən işlənib hazırlanmaqdadır. Son illər Türkiyənin ASELSAN şirkəti də bu sahədə işə başlayıb və lazer silahı hazırlayan şirkətlər sırasına daxil olub. Lakin indiyə qədər lazer silahını real döyüş şəraitində heç bir dövlət tətbiq etməmişdi.

Mənbə[edit | edit source]