Wn/az/Türkiyədə Petkim limanında partlayış baş verib

From Wikimedia Incubator
< Wn‎ | azWn > az > Türkiyədə Petkim limanında partlayış baş verib
Jump to navigation Jump to search

2 iyul 2019, Çərşənbə axşamı

Türkiyə xəbərləri
Türkiyənin yerləşdiyi ərazi

Türkiyənin yerini göstərən xəritə

Türkiyədəki digər xəbərləri görmək, dəyişdirmək və ya başlamaq üçün, Türkiyə Portalına baxın.
Flag of Turkey.svg

İzmirin Aliağa bölgəsində yerləşən Petkim limanında SOCAR şirkətinə aid gəmidə partlayış baş verib. Partlayış zamanı 1 nəfər ölüb, 16 nəfər isə yaralanıb. Aliağa bölgəsinin valisi Erhan Günay partlayışdan sonra jurnalıistlərə verdiyi açıqlamada bildirib ki, partlayışdan sonra gəmidə yanğın baş verib və insidentin səbəbləri məlum deyil. Qəzadan dərhal sonra hadisə yerinə yanğınsöndürən briqadalar cəlb olunub: "Petkim limanında SOCAR şirkətinə aid gəmidə partlayış zamanı 15 İtaliya və 1 Rumıniya vətəndaşı yaralanıb. Yanğın nəzarət altına alınıb. Yaralıların müalicəsi Aliaga Dövlət Xəstəxanasında davam etdirilir",- deyə vali bildirib.

Petkim limanının yaydığı rəsmi açıqlamada isə deyilir: Saat 23:20 radələrində “Synzania” adlı gəmiyə maye hidrokarbon vurulması ilə bağlı görülən işlər zamanı hələlik naməlum olan səbəbdən yanğın baş verib. Yanğın zamanı İtaliya vətəndaşı Roberto Montegurdia həyatını itirib. 16 yaralı müalicə alır.

SOCAR-dan isə bildirib ki, "Petkim" limanında yanan gəmi şirkətə məxsus deyil. Azərbaycan Dövlət Neft Şirkətinin (SOCAR) Türkiyədəki törəməsi "SOCAR Turkey Enerji A.Ş." "Petkim" limanının 5 saylı yanalma körpüsündə İtaliya gəmisində baş verən yanğınla bağlı açıqlama yayıb. Açıqlamada qeyd edilib ki, iyul 1-i təxminən saat 23:20-də "Petkim" limanının 5 saylı yanalma körpüsünə maye hidrokarbon doldurmaq üçün yaxınlaşan İtaliya bayrağı altında üzən "Synzania" adlı gəmidə yanğın baş verib. Bildirilib ki, yanğının səbəbi hələlik məlum deyil.

Əməkdaşlarımızın dərhal müdaxiləsi nəticəsində yanğın söndürülüb, gəmidə soyutma əməliyyatları davam etdirilməkdədir. Bütün gəmi heyətinin təxliyyəsi təmin edilib. Hadisə nəticəsində gəmi üzvlərindən biri həyatını itirib, qazdan zəhərlənən bir nəfər isə müalicə və müayinə üçün xəstəxanaya yerləşdirilib. Bildirilib ki, yanğının səbəbi ilə bağlı araşdırmalar davam edir.

Mənbə[edit]