Wn/az/Gürcüstanın Cənubi Osetiya Muxtar Vilayətində Türkiyə jurnalistlərinə atəş açılıb

10 avqust 2008, Bazar

Türkiyə

Türkiyə xəbərləri

4 July 2022: Wn/az/Mövlud Çavuşoğlu Ermənistandakı ekstremist qruplar haqqında danışıb
15 August 2019: Wn/az/Türkiyə Liviyada pilotsuz döyüş təyyarəsini lazer silahı ilə vurub
2 July 2019: Wn/az/Türkiyədə Petkim limanında partlayış baş verib
7 May 2019: Wn/az/Türkiyə və ASO Suriyanın Təl Rəfat nahiyəsində hərbi əməliyyat həyata keçirib
7 May 2019: Wn/az/PKK lideri Abdullah Öcalan YPG silahlı birləşməsinə səslənib

...Daha çox xəbər

Türkiyənin yerləşdiyi ərazi

Türkiyədəki digər xəbərləri görmək, dəyişdirmək və ya başlamaq üçün, Türkiyə Portalına baxın.

Gürcüstan

Gürcüstan xəbərləri

15 May 2019: Wn/az/Çəkiliş vaxtı Mixail Saakaşvilinin xanımına hücum ediblər
12 February 2019: Wn/az/Gürcüstanın Cənubi Osetiya Muxtar Vilayətində Türkiyə jurnalistlərinə atəş açılıb
30 December 2014: Wn/az/Bakı-Tbilisi-Qars yeni dəmir yolu xəttində ilk sınaq keçirilib
30 December 2014: Wn/az/Ermənistanın Gürcüstandakı səfirliyi qarşısında etiraz aksiyası keçirilib

...Daha çox xəbər

Gürcüstanın yerləşdiyi ərazi

Gürcüstandakı digər xəbərləri görmək, dəyişdirmək və ya başlatmaq üçün, Gürcüstan Portalına baxın.

Gürcüstan ilə seperatçı Cənubi Osetiya Respublikası arasında gerçəkləşən münaqişə jurnalistlərə də zərər yetirir. Hadisələri qeydə almaq üçün bölgəyə gedən Türkiyənin "Kanaltürk" və "NTV" telekanallarının heyətlərinin üzvləri hücuma məruz qalıb. "Kanaltürk" telekanalının rəsmi veb-saytında verilən məlumata görə, osetin əsgərlər Qondarma Cənubi Osetiya Respublikasının paytaxtı Tsxinvali şəhərinin 2 kilometr daxilinə girən mətbuat işçilərinin istifadə etdikləri nəqliyyət vasitələrinə atəş açıblar.

İlkin məlumatlara görə, açılan atəş nəticəsində nəqliyyət vasitəsində olan "Kanaltürk" müxbiri Ləvənt Öztürk ilə operator Guray Ervin yüngül xəsarət alıb, "NTV" heyəti üzvləri Hilmi Hacaloğlu və Cümhur Çatqaya isə heç bir xəsarət almayıb. Xəstəxanaya göndərilən jurnalistlərin vəziyyətlərinin yaxşı olduğu bildirilib. Buna baxmayaraq, daha sonra "Kanaltürk" müxbiri Ləvənt Öztürkün başında yaralandığı açıqlanıb. Nəqliyyat vasitəsində olan "NTV" müxbiri Hilmi Hacaloğlu baş verənləri ntvmsnbc.com saytına belə danışdı:

“Bu səhər saatlarında Qori şəhərindən Cənubi Osetiyanın paytaxtı Tsxinvaliyə yola çıxdıq. Yol boyunca tank və zirehli hərbi vahid görmədik, ancaq Tsxinvali ilə Qori arasındakı sərhədin şimalında osetin əsgərləri, cənubunda isə gürcü əsgərlərinin olduğunu gördük. Bunun ardından gürcülərin tərk etdiyi Tsxinvali giriş nöqtəsindən keçdik. Hər hansı bir nəzarətə tutulmadıq. Sərhədi keçdikdən təxminən 2.5 kilometr sonra silahlı hücuma məruz qaldıq. Osetin qüvvələri tərəfindən açılan atəşdə istifadə etdiyimiz nəqliyyat vasitəsindəki "Kanaltürk" müxbiri Ləvənt Öztürk başından yaralandı. Nəqliyyat vasitəsini sürən "Kanaltürk" operatoru da ayağından yüngül xəsarət aldı. Bundan sonra nəqliyyat vasitəmizi dayandırdıq. Yaralı dostlarımız üçün yardım istədik. Əsgərlər gəldi. Jurnalist olduğumuzu başa saldıq. Daha sonra Tsxinvalidə böyük bir hissəsi dağıdılmış xəstəxanaya getdik. Jurnalist dostumuz Ləvənt Öztürkün səhiyyə vəziyyəti yaxşıdır. Buradakı həkimlər onun təqribən bir həftə dincəlməyə ehtiyac duyduğunu dedilər

Tsxinvalidəki vəziyyətə gəldikdə, nəzarət tamamilə osetin və rus əsgərlərin əlindədir. Şəhərdə nəzarəti onlar saxlayırlar. Olduğumuz xəstəxananın böyük bir hissəsi zədəlidir. Çoxlu sayda yaralı əsgər və mülki şəxs var. Bir neçə kilometr qabaqda çatışmaların davam etdiyini eşidirik. Şəhər ruh şəhər halını alıb. Mülki görsənmir. Sadəcə əsgərlər var.”

Jurnalistlərin və üzvü olduqları qurumların siyahısı:

Ləvənt Öztürk (Kanalturk)
Guray Ervin (Kanalturk)
Hilmi Hacaloğlu (NTV)
Cümhur Çatqaya (NTV)

2008-ci ilin avqust ayının 14-ündə Rusiya Federasiyasının Şimali Osetiya Respublikasında üç gün polis nəzarətində qalan mətbuat işçiləri Türkiyəyə qayıtmışdır. Şimali Osetiya Respublikasında özəl təyyarə ilə Atatürk Beynəlxalq Hava Limanına gələn jurnalistlərin ailə üzvləri onları göz yaşlarıyla qarşıladı.