Wn/az/Ermənistanın Gürcüstandakı səfirliyi qarşısında etiraz aksiyası keçirilib

From Wikimedia Incubator
< Wn‎ | azWn > az > Ermənistanın Gürcüstandakı səfirliyi qarşısında etiraz aksiyası keçirilib
Jump to navigation Jump to search


Bookmark-new.svg
Ermənistan xəbərləri
Ermənistanın yerləşdiyi ərazi

Ermənistanın yerini göstərən xəritə

Ermənistandakı digər xəbərləri görmək, dəyişdirmək və ya başlatmaq üçün, Ermənistan Portalına baxın.
Flag of Armenia.svg
Gürcüstan xəbərləri
Gürcüstanın yerləşdiyi ərazi

Gürcüstanın yerini göstərən xəritə

Gürcüstandakı digər xəbərləri görmək, dəyişdirmək və ya başlatmaq üçün, Gürcüstan Portalına baxın.
Flag of Georgia.svg

30 dekabr 2014, Çərşənbə axşamı

Ermənistanın Gürcüstandakı səfirliyi qarşısında Kəlbəcərdə girov götürülən Dilqəm Əsgərov və Şahbaz Quliyevin azad olunması tələbi ilə aksiya keçirilib.

APA-nın məlumatına görə, aksiyada Bavariyadakı Azərbaycan Diaspor Mərkəzinin rəhbəri Akif Məmmədov, Azərbaycanda fəaliyyət göstərən “Mərhəmət” Kimsəsizlərə Yardım İctimai Birliyinin rəhbəri İradə Nəsirova, Dilqəm Əsgərovun oğlu və Gürcüstanda oxuyan azərbaycanlı tələbələr iştirak edib.

Əllərində Azərbaycan bayraqları, Dilqəm Əsgərov və Şahbaz Quliyevin portretləri və müxtəlif plakatlar tutan aksiyaçılar Azərbaycan torpaqlarını azad edin!”, “Girovları azad edin!” kimi şüarlar səsləndiriblər.

Sonra aksiya iştirakçıları səfirliyə bəyanat təqdim ediblər.

Bavariyadakı Azərbaycan Diaspor Mərkəzinin rəhbəri Akif Məmmədov deyib ki, bundan sonra eyni tələblə Moskvadakı Ermənistan səfirliyinin qarşısında etiraz aksiyası təşkil edəcək, daha sonra isə Avropa dövlətləri, həmçinin Strasburqda Avropa İnsan Haqları Məhkəməsinin qarşısında çadır qurub aclıq aksiyası keçirəcəklər.

O bildirib ki, bu aksiyanı yanvarın 15-nə planlaşdırırlar.

Dilqəm Əsgərovla Şahbaz Quliyev bu ilin iyulunda Kəlbəcərdə doğmalarının qəbirlərini ziyarət edərkən erməni qüvvələri tərəfindən girov götürülüblər.

Qondarma, separatçı Dağlıq Qarabağ məhkəməsi bu günlərdə Dilqəm Əsgərovu ömürlük, Şahbaz Quliyevi isə 22 il azadlıqdan məhrum edib.

Azərbaycanın Xarici İşlər Nazirliyi bu məhkəmənin heç bir hüquqi əsası olmadığını bəyan edib.

Mənbə[edit]