Wb/nia/Yona/4
I. Itahigö Lowalangi Yona ba wa'ahakhö dödönia andrö[edit | edit source]
1 Ba abao sibai dödö Yona, mofönu ia.[1] 2 Ba mangandrö ia khö Yehowa, imane: He Yehowa, ya'ia da'ö niŵa'ögu, me sodo ba khöma na, ba da'ö mbörö woloigu, me usaŵa Darisi ena'ö, fa böi si manö! Noa sa aboto ba dödögu, wa no Lowalangi sebua tödö ba sahakhö tödö ndra'ugö, si lö alio-lio mofönu ba si no fahöna fa'asökhi dödö, awö wa aröuröu ba dödöu dania wamakiko andrö [niŵa'öu]![2] 3 Ba etu'ö manö sa'ae nosogu, ya'ugö Yehowa, sökhi sa na matedo, moroi na aurido!
II. I'ailasi Yona Lowalangi, ibe'e famaedo lafandru andrö[edit | edit source]
4 Ba imane Yehowa: Hadia, si ndruhu, so mbörö wönumö andrö? 5 Ba iheta ia yomo ba mbanua Yona, tou mbanua i'iagö, tanö ba gatumbukha luo. Ilau nose khönia ba da'ö, ba mudadao ia baose andrö, ba lumö, ba wamaigi hadia nifatörö Yehowa ba mbanua andrö. 6 Ba ifatumbu'ö lafandru Yehowa, Lowalangi; manöi, yaŵa Yona, ena'ö telumö högönia, ba ena'ö döhö walösökhi-sökhi dödönia; ba omuso sibai dödö Yona lafandru andrö. 7 Ba me moluo, me mahemolu ö, ba i'asogö gukuö Lowalangi, sanögi töla lafandru, ba aleu. 8 Ba me tumbu luo, ba ifatörö nangi timu, angi lökhö, Lowalangi, ba ihandro högö Yona sino, ba atata sibai dölania. Ba omasi ia mate, imane: Sökhi na matedo, moroi na aurido! 9 Ba imane Lowalangi khö Yona: Hadia, si ndruhu, so mbörö wönumö, ba lafandru andrö? Ba imane: Tenga si lö börö, na mofönu ndra'odo, irugi wa'amategu! 10 Ba imane Yehowa: Ya'ugö, ba no sahakhö tödö lafandru andrö, si lö erege dödöu ba si tenga ni'e'ebuamö; ha sara wongi wanöinia ba ha sara wongi göi wa'amatenia. 11 Ba ya'odo, ba hadia, ba lö uhakhösi tödö Niniwe andrö, banua sebua, si no töra 120.000 nono niha, si lö mangila hezo gambölö, ba hezo gabera, awö gurifö niha, soya sibai?[3]
Famotokhi ba gahe[edit | edit source]
Fabaliŵa lala[edit source]
Olayama Yona: 1 • 2 • 3 • 4
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö