Wb/nia/Yona/3

I. I'ombakha'ö wa'atekiko Niniwe Yona

1 Ba ifuli humede Yehowa khö Yona, imane: 2 Faoso, ae ba Niniwe, banua sebua andrö, ba turiagö khöra niŵa'ögu khöu. 3 Ba maoso Yona, möi ia ba Niniwe, i'o'ö niŵa'ö Yehowa khönia. Ba no banua sebua sibai Niniwe andrö, tölu ngaluo fofanö wa'anau. 4 Ba ibörötaigö Yona itörö newali mbanua, ma'ökhö fofanö, mangombakha ia, imane: Hato öfa wulu wongi, ba adudu Niniwe!

II. Mangalulu mbanua Niniwe andrö ba ihakhösi tödö ira Lowalangi

5 Ba faduhu dödö mbanua Niniwe khö Lowalangi, laŵa'ö wamoni ba la'obaru mbaru ba wa'abu dödö, he satua ba he iraono. 6 Ba me irongo duria andrö razo Niniwe, ba maoso ia, iröi dadaoma razo, iheta mbarunia baru sebua, ihalö balu-balunia mbaru ba wa'abu dödö; ba mudadao ia bawu. 7 Ba ifatenge zihede ba mbanua Niniwe, imane; Da'ö goroisa razo ba oroisa nawönia salaŵa: Böi manga niha ba he urifö, he saŵi, ba he biri-biri; lö tola möi ba ndru'u, ba lö tola labadu nidanö. 8 La'obaru mbaru ba wa'abu dödö — he niha, ba he urifö — ba laforege wangaröfi li Lowalangi, ba iböhöli mbua-buania si lö sökhi andrö zamösana awö horö andrö, si no falemba ba dangara. 9 Ma atö alulu dödö Lowalangi, ma aröuröu ba dödönia, ma alö wönunia, fa böi tekiko ita! 10 Ba me i'ila wolaura Lowalangi, wa laböhöli mbua-buara si lö sökhi andrö, ba aröuröu ba dödö Lowalangi wamakiko andrö niŵa'önia, fameta'u ya'ira, ba lö ifalua.

Famotokhi ba gahe

Fabaliŵa lala

Olayama Yona: 1 • 2 • 3 • 4

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö