Wb/nia/Yona/1
I. Humede Lowalangi khö Yona; moloi Yona[edit | edit source]
1 Ba humede Yehowa khö Yona, ono Gamita'i, imane:[1] 2 Faoso, ae ba Niniwe, banua sebua andrö, ba angombakha khöra; noa sa irugi ndra'o, ba da'e si yaŵa horöra andrö![2] 3 Ba maoso Yona, ba woloi khö Yehowa, isaŵa Darisi ena'ö. Ba irugi si tou Yafo, ba isöndra nowo, sanaŵa Tarisi. Ba ibe'e wanofa, ba möi ia yaŵa, ba wefao khöra ba Darisi, ba woloi khö Yehowa.[3]
II. Bade, sata'u zoloyo[edit | edit source]
4 Ba ifatörö nangi sabe'e ba nasi Yehowa, tobali bade sabölö-bölö, ba nasi, hato ma'ifu tö, ba aboto nowo. 5 Ba ata'u sibai zolohe owo, ba i'angaröfi li Lowalanginia zamösana. Ba latibo'ö ba nasi gama-gama ba nowo, ena'ö aoha. Ba no möi si tou Yona, ba wondrege si tou ba nowo, no ifadölö ia, ba mörö sibai. 6 Ba möi khönia Nakoda, imane khönia: Hadia khöu da'ö, wa mörö'ö? Faoso, angaröfi li Lowalangimö! Ma atö itörö tödö Lowalangi da'ö ita, fa böi ahöndrö ita! 7 Ba faoma lamane khö nawöra: Talabu, talau fadahö-dahö, ena'ö tasöndra, ha niha mbörö, wa göna ita famakao andre! Ba me fadahö-dahö ira, ba Yona zi göna. 8 Ba lamane khönia: Ombakha'ö khöma, ha niha mbörö, wa göna ita famakao andre: Hadia halö-halöŵöu, ba heza ö'otarai? Ha banua ba ha soi ndra'ugö? 9 Ba imane khöra: Niha Heberaio ndra'odo, samosumange Yehowa, Lowalangi zorugo, somböi asi ba tanö sabe'e. 10 Ba ata'u sibai niha andrö, ba lamane khönia: Hadia nilaumö andrö? Noa sa larongo niha andrö, wa no soloi khö Yehowa ia, me no i'ombakha'ö khöra. 11 Ba lasofu khönia, lamane: He mawisa khöu, ena'ö tebato mbade andre khöda? Itugu manö ebua ndrulu. 12 Ba imane khöra: Mituyu ndra'o ba mitibo'ödo ba nasi, ba ahono khömi nasi. Noa sa aboto ba dödögu, wa no ya'odo mbörö, wa göna ami bade sabölö-bölö andre!
III. Latibo'ö ia ba nasi ia[edit | edit source]
13 Ba laforege niha andrö, ba wolohe ba labua owo, ba tebai; me itugu manö abölö-bölö mbade andrö khöra. 14 Ba la'angaröfi li Yehowa, lamane: He Yehowa! Böi be'e tekiko ndra'aga, börö noso niha andre, ba böi be'e ba huluma ndro zi lö horö! Noa sa ölau zomasi ndra'ugö, ya'ugö Yehowa! 15 Ba latuyu Yona, ba latibo'ö ba nasi; ba döhö mbade. 16 Ba ata'u sibai niha andrö Yehowa, labe'e khönia zumange nitaba ba lafabu'u na khönia.
Famotokhi ba gahe[edit | edit source]
Fabaliŵa lala[edit source]
Olayama Yona: 1 • 2 • 3 • 4
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö