Wb/nia/Yohane I/5

Add links
From Wikimedia Incubator
< Wb‎ | nia‎ | Yohane I
Wb > nia > Yohane I > 5

Famati dandra, wa ono Lowalangi niha[edit | edit source]

1 Dozi samati, wa no Keriso andrö Yesu, ba moroi ba Lowalangi tumbu ira, ba dozi somasi so'ono ya'ia, ba la'omasi'ö göi zi no tumbu khönia andrö.[1] 2 Ba da'ö aboto ba dödöda, wa ta'omasi'ö nono Lowalangi, na omasi ita Lowalangi, ba na ta'o'ö goroisania. 3 Da'ö sa wa'omasida Lowalangi, ena'ö ta'o'ö goroisania, ba tenga safökhö wolo'ö oroisania.[2] 4 Fefu sa, zi tumbu ba Lowalangi, ba abölö moroi ba zoroi uli danö, ba da'ö wa'abölö, sabölö moroi ba zoroi uli danö andrö, famatida andrö.[3] 5 Ha niha zabölö moroi ba zoroi uli danö, baero zamati, wa Ono Lowalangi Yesu?[4] 6 Da'ö ia, zi no möi, balazi nidanö, ba balazi ndro, Yesu Keriso; tenga ha idanö khönia, no idanö awö ndro; ba Eheha andrö zamaduhu'ö; me no si duhu Geheha andrö.[5] 7 Tölu sa zamaduhu'ö,[6] 8 Eheha andrö, ba idanö andrö, ba do andrö, ba ha sara zi tölu andrö.[7] 9 Na faduhu dödöda ba wamaduhu'ö niha, ba no ebua na wamaduhu'ö Lowalangi; da'ö sa wamaduhu'ö Lowalangi andrö, famaduhu'önia Ononia.[8] 10 Khö zamati khö Nono Lowalangi so wamaduhu'ö andrö, ba dödönia. Si lö mamati li Lowalangi, ba no ibali'ö sofaya Lowalangi, me lö nifatinia famaduhu'ö andrö, famaduhu'ö Lowalangi Ononia.[9] 11 Ba da'ö wamaduhu'ö andrö: wa no ibe'e khöda Lowalangi wa'auri si lö aetu, awö wa ba khö Nononia so wa'auri andrö.[10] 12 Khö zi so Ono andrö, khönia so wa'auri andrö; ba zi lö Ono Lowalangi andrö, ba khönia lö fa'auri andrö.[11] 13 Da'ö nisuragu khömi, ena'ö aboto ba dödömi, so khömi wa'auri si lö aetu, khömi samati ba döi Nono Lowalangi andrö.[12] 14 Ba da'ö wa lö aiwö, si so khöda ba khönia: na so ni'andröda, hadia ia, si faudu ba zomasi ia, ba ifondrondrongo khöda.[13] 15 Ba na no aboto ba dödöda ifondrondrongo khöda, na so ni'andröda, ba aboto göi ba dödöda, wa tatema ni'andröda khönia. 16 Na so zangila, mamazökhi horö dalifusönia, horö si tenga börö wa'amate, ba yamangandrö, ba ifa'aso khönia wa'auri, khö zamazökhi horö si tenga börö wa'amate. So horö börö wa'amate, ba tenga da'ö niŵa'ögu yamangandrö.[14] 17 Horö fefu, hadia ia, zi lö atulö, ba so horö si tenga börö wa'amate.[15] 18 No ta'ila, dozi si tumbu ba Lowalangi, ba lö lafazökhi horö; dozi sa, si tumbu ba Lowalangi, ba lö aefa khönia, ba lö ibabaya Afökha.[16] 19 No aboto ba dödöda, wa moroi ba Lowalangi ita, ba ba danga Gafökha so nösi guli danö, ma'afefu.[17] 20 Ba no tarongo, wa no möi Nono Lowalangi, si no mame'e khöda tödö, ena'ö aboto ba dödöda zi ndruhu andrö; ba ba khö zi ndruhu andrö so ita, ba khö Nononia Yesu Keriso. Da'ö Lowalangi si ndruhu ba fa'auri si lö aetu.[18] 21 He ya'ami iraono! Mi'angelama ba nadu andrö.[19]

Famotokhi ba gahe[edit | edit source]

  1. ↑ Faigi 4:2,15; Yoh 1:12,13
  2. ↑ YohII 1:6; Yoh 14:15; Mat 11:30
  3. ↑ Faigi 2:15 b.t.; KorI 15:57
  4. ↑ Rom 8:37
  5. ↑ Yoh 19:34,35; 15:26
  6. ↑ Mat 28:19; Yoh 1:1; 16:13–15
  7. ↑ Heb 10:15; HalZin 10:47; Yoh 3:5; Mat 26:28
  8. ↑ Yoh 8:17,18; 5:37
  9. ↑ Rom 8:16; Yoh 3:33
  10. ↑ Yoh 1:4
  11. ↑ Yoh 3:36; 5:24
  12. ↑ Yoh 20:31
  13. ↑ Faigi 3:21,22; Yoh 14:13,14
  14. ↑ Mat 12:31,32; Heb 6:4 b.t.
  15. ↑ Faigi 3:4
  16. ↑ Faigi 3:9;. Yoh 17:15
  17. ↑ Faigi 4:4,5; Gal 1:4
  18. ↑ Yoh 17:3; 14:6; 20:28; Fam 3:7; Rom 9:5; TimI 3:16; YohI 1:1,2
  19. ↑ KorI 10:14

Fabaliŵa lala[edit source]

Olayama Zura Yohane I: 1 • 2 • 3 • 4 • 5

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Yohane_I/5&oldid=6229880"