Wb/nia/Maleakhi/3
I. Tefa'ele'ö wa'aso Mesia ba fa'aso zangehao lala khönia
[edit | edit source]1 Hiza ufatenge zinenge andrö khögu, ena'ö ihaogö lala fönagu; ba lö mudöna-döna, ba möi ba gosalinia Zo'aya andrö, ni'aluimi, mala'ika wawu'usa li andrö, somasi ami, zi so; hiza so ia dania, iŵa'ö Yehowa ngahönö.[1]
2 Ba ha niha zanaha baŵa wa'asonia andrö, ba ha niha zi tola, na to'ele ia? Me hulö si mane alitö ba zolaugö ana'a ia, ba me hulö si mane idanö nawu ba zamabago nukha.[2]
3 Ba dumadao dania ia wolaugö firö andrö ba fangehao ya'ia, ba ihaogö Nono Lewi andrö, iheta zi tenga, nifolau ba gana'a ba ba wirö, ena'ö tobali solohe sumange Yehowa ira, si nangea.[3] 4 Ba ena'ö omasi dania Yehowa zumange nibe'e mado Yuda, awö nibe'e Yeruzalema, si mane me luo föna sibai, si mane ba götö si no numalö.
II. Ba wanguhuku so Yehowa ba ndramufalalini gera-erara ba ndro mutörö nifakhoi andrö
[edit | edit source]5 Ba möido khömi, ba wanguhuku, ba sasi salio ndra'o, udu zi fakelemu andrö ba udu zohorö, fabaya si möi ba hölu na faya ba sangambösi luo genoni ba samakao lakha mbanua ba si lö ama, si lö ina, ba samuyu'ö huku, ba niha bö'ö, lö fangata'ufi ya'odo, iŵa'ö Yehowa ngohönö.[4]
6 Ya'odo, sa Yehowa, ba lö si tobali ndra'odo; ba ya'ami, Iraono Gizeraeli, ba lö sahori na ami.[5] 7 I'otarai götö ndra tuami, ba no mi'erogö gamakhoitagu ba lö ni'o'ömi. Mifuli ami khögu, ba ufulido khömi, iŵa'ö Yehowa ngahönö, ba mimane: Hezo atö nifalalinima era-erama?[6] 8 Hadia, tola maö ilimo Lowalangi niha, wa milimo ndra'odo? ba mimane: Hezo nilimoma ya'ugö? Ba zi sambua ni'ofulu andrö ba ba zumange nihalö fegero andrö.[7]
9 Andrö wa no mu'elifi ami, me milimolimo ndra'odo, sambua soi manö ya'ami. 10 Mi'ohe ba nomo girö-girö zi sambua ni'ofulu, ma'asambua, ena'ö so mbalazo ba nomo andrö khögu, ba mitandraigö ndra'o ba da'ö, iŵa'ö Yehowa ngahönö, na lö ubokai dania khömi mba'a-ba'a andrö ba mbanua si yaŵa, wamaduwa howu-howu khömi, irege zi no fahöna.[8]
11 Ba utenaŵa khömi damo andrö, fa böi lafakiko mbua danö, ba lö'ö sa'ae khömi si zizimö ba ŵeŵe nagu ba kabu, iŵa'ö Yehowa ngahönö. 12 Ba lasuno dania ami soi baero, fefu, sohahau tödö ami laŵa'ö; me tanö omasiö sa'ae ami, dania, iŵa'ö Yehowa ngahönö.[9]
III. No faehu ira zebua horö zangata'ufi Lowalangi
[edit | edit source]13 Milaŵa ndra'o fehedemi, iŵa'ö Yehowa, ba misofu na: Hadia nifagölösima khöu? 14 Mimane: Zaya-zaya gölö wamosumange Lowalangi, ba hadia hare, me tatörö nifakhoinia, ba me ta'onukha nukha ba wange'esi, börö Yehowa ngahönö?[10] 15 Ba tasuno sa'ae zi fayaŵa; tenga ha fa no mofozu zolau si lö atulö, noa na göi latandraigö Lowalangi, ba lö fotu.
16 Ba fahuhuo zangata'ufi Yehowa, ba ihenegö Lowalangi ba irongo, ba tefazökhi zura fönania, sura famasugi ba dödö, börö zangata'ufi Yehowa andrö, samosumange töinia.[11] 17 Ba khögu ira, iŵa'ö Yehowa ngahönö, na no irugi baŵa andrö, ni'asogögu, ba u'orifi ira, si mane fangorifi niha ononia matua samosumange ya'ia.[12]
18 Ba ifuli dania mi'ila wa'afaehura zatulö zi lö atulö, ba fa'afaehura zamosumange Lowalangi zi lö mamosumange ya'ia.
Famotokhi ba gahe
[edit | edit source]Fabaliŵa lala
[edit source]Olayama Zura Maleakhi: 1 • 2 • 3 • 4
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö