Jump to content

Wb/nia/Maleakhi/1

Add links
From Wikimedia Incubator
< Wb | nia | Maleakhi
Wb > nia > Maleakhi > 1

I. Yakobo nituyu Lowalangi ba tenga Ezau

[edit | edit source]

1 Taroma li. Niŵa'ö Yehowa ba Ndraono Gizeraeli, nifa'ema Male'akhi andrö.[1]

2 Imane Yehowa: No u'omasi'ö ami, ba mimane: Heza zi no ö'omasi'ö ndra'aga? Ba imane Yehowa: Hadia, tenga ga'a Yakobo Gezau? ba noa zui u'omasi'ö Yakobo,[2] 3 ba fa'udu ndra'o khö Gezau, ba no ubali'ö sasai'ö hili andrö khönia; ba tana khönia tanö, ba no ubali'ö tanö si mate, nahia nasu ana'a.[3]

4 Na lamane Iraono Gedomo: Si no murasa ndra'aga, ba mafuli ma'a'azökhi gadudula andrö, ba imane Yehowa ngahönö andrö: Sotomo ira, ba sanudugö ndra'odo, ba labe'e töira "tanö horö" ba "soi sofönu Yehowa, si lö mamalö-malö".

5 Ba i'ila hörömi, ba mimane dania: Sebua Yehowa, italu'i nola Ndraono Gizeraeli!

II. Ba lö'ö zui lafosumange Yehowa ere andrö. Lalau zalakha ba ni'amoni'ö andrö

[edit | edit source]

6 Ono, ba ifosumange namania, ba sangai halöŵö, ba ifosumange zokhö ya'ia. Ba na Ama ndra'o, ba hezo zumangegu? Ba na sokhö ndra'o, ba hezo wangata'ufi ya'odo? iŵa'ö khömi Yehowa ngahönö andrö, ya'ami ere andrö, si lö ba dödö töigu. Ba mimane zui: Hezo zi lö ba dödöma töimö?

7 Ya'ami, same'e ba naha wame'e sumange andrö khögu roti nita'unöi, ba mimane zui: Hezo zi ta'unö andrö, ni'ohema khöu? Me no miŵa'ö: Meza khö Yehowa andrö, ba no si lö ba dödöda.[4] 8 Ba na mibe'e sumange zi lö hörö, ba tenga si lö sökhi [miŵa'ö]. Ba na mibe'e zombuyu-mbuyu töla ba sofökhö, ba tenga si lö sökhi göi [miŵa'ö]. Tema be'e buala khö gumandru khöu, hadia, ebua maö dödönia khöu, ba hadia, inehegö ndra'ugö? iŵa'ö Yehowa ngahönö.[5]

9 Ba iada'e, ba mi'angaröfi li Lowalangi, ena'ö ihakhösi tödö ita — tangami zolau si manö — hadia, so ba khömi zebua dödönia? iŵa'ö Yehowa ngahönö.

10 Ena'ö na so zamösa ba khömi sondruhö bawandruhö; fa böi sa'ae mi'ebua'ö galitö ba naha wame'e sumange andrö, si lö boto! Lö omasido ami, iŵa'ö Yehowa ngahönö, ba sumange nibe'e dangami, ba lö ba dödögu.[6] 11 I'otarai sa ba gatumbukha luo, numalö ba gaekhula, wa'ebua döigu, ba niha baero, ba dozi banua, ba tetunu zamohua, sumange döigu, sumange si sökhi; sebua sa döigu ba niha baero, iŵa'ö Yehowa ngahönö.[7]

12 Ba ya'ami, ba salakha milau khönia, wanguma'ö: Meza Yehowa andrö, ba no muta'unöi, ba tana khöda andrö ba da'ö, öda, ba no sanuzu dödöda. 13 Ba mimane: Wa'ebua wa'akao! ba te khömi, iŵa'ö Yehowa ngahönö, ba mi'ohe gondra'ua ba sombuyu-mbuyu töla ba sofökhö; mibe'e sumange; hadia, somasido da'ö, nibe'e dangami! iŵa'ö Yehowa. 14 Ba ni'elifi zi falimo, si so si matua ba gurifönia ba samabu'u hadia ia, ba same'e sumange Zo'aya dania si alawe, si so sala; razo sebua sa ndra'odo, iŵa'ö Yehowa ngahönö, ba sata'u niha döigu, ba niha baero.

Famotokhi ba gahe

[edit | edit source]
  1. ↑ Yes 13:1
  2. ↑ MozI 25:24 b.t.; Rom 9:13
  3. ↑ MozI 36:8; Yer 49:17; Obad a. 18
  4. ↑ MozIII 21:8
  5. ↑ MozIII 22:22
  6. ↑ Amos 5:21
  7. ↑ Sin 113:3; Sakh 14:16 b.t.

Fabaliŵa lala

[edit source]

Olayama Zura Maleakhi: 1 • 2 • 3 • 4

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Maleakhi/1&oldid=6229633"