Wb/nia/Maleakhi/2
I. Fanegu ere andrö sanawö fawu'usa li andrö khö Lowalangi[edit | edit source]
1 Ba iada'e, ba ba khömi tetandrösaigö goroisa andre, ya'ami ere. 2 Na lö mifondrondrongo ba na lö mibe'e ba dödömi, ba wamosumange döigu, iŵa'ö Yehowa ngahönö, ba ufatörö khömi wangelifi ba u'elifi wamahuwumi andrö; ba noa sa'ae u'elifi, me lö edöna mibe'e ba dödömi.[1]
3 Hiza, utegu dangami, ba ulau ba mbawami golawua, olawua zumange andrö khömi, ba ba da'ö lafao ami. 4 Ba aboto dania ba dödömi, wa no ufafa'ema'ö khömi goroisa andrö, ena'ö fawu'usa li khögu ba Ndraono Lewi, iŵa'ö Yehowa ngahönö.[2] 5 Fawu'usa ligu andrö khöra, ba no fangorifi ba fa'ohahau dödö, ba ba wangata'ufi ya'odo ube'e khöra, ba no la'ata'ufi ndra'odo, ba no manizi-nizi ira ba döigu andrö.[3]
6 Oroisa si ndruhu nifa'emara, ba si lö atulö, ba lö falukha ba mbewera. Ba wa lö sinegu ba ba wa'atulö latörö lalara somasi ndra'o, ba no ato ladönisi mangawuli, ba wondröi lala si lö atulö.[4] 7 Ba mbewe gere sa, ba böi aefa wamahaö si ndruhu; famobawa lala ta'alui ba mbewenia, me no sinenge Yehowa ngahönö ia.[5]
8 Ba ya'ami, ba no miröi lala, no ato zi te'ala mibe'e famahaömi andrö, no mifufu wawu'usa li andrö, ba Ndraono Lewi, iŵa'ö Yehowa ngahönö. 9 Ba ya'odo göi, ba si lö ba dödö ami, ube'e, ba si lö töi, ba zato fefu, me no olifu ami lala andrö khögu, ba me no ebua dödömi zambuana, ba wamahaö andrö.
II. Fanegu sato, me falimo-limo ira, si a'ania ba khö ngambatöra[edit | edit source]
10 Hadia, tenga ha samösa namada, ya'ita fefu? Tenga ha samösa Lowalangi somböi ya'ita? Ba hana wa faoma falimo-limo ita khö nawöda, wolau salakha ba wawu'usa li andrö khö ndra tuada?[6] 11 Si falimo mado Yuda, ba ba Ndraono Gizeraeli ba ba Yeruzalema, ba no telau zogoro ita; mado Yuda, ba noa sa lalau zalakha ba ni'amoni'ö andrö, khö Yehowa, somasi ia; ba no omasi ira nono Lowalangi bö'ö, ba no la'owalu.[7]
12 Yamuhori Yehowa zi lö mörö ba sanedema li, ba nose ma'uwu Yakobo, ba niha andrö, same'e sumange khö Yehowa ngahönö!
13 Ba da'ö na nilaumi: mihawu taŵa hörö naha wame'e sumange andrö khö Yehowa, ba fege-ege ba fangarö-ngarö, tobali lö'ö sa'ae i'otahögö zumange nibe'emi, ba lö'ö sa'ae ihalö ba dangami zomasi ia. 14 Ba mimane: Hana? Me no anehe Lowalangi wolaumö khö ngambatömö me ono matua ndra'ugö ba zi no falimo ndra'ugö, lö lai wa no awöu ia ba fo'omo ba wawu'usa li andrö khöu.[8]
15 Ba samösa lö solau si manö, si so tödö na ma'ifu. Ba he wisa dödö zi samösa andrö? Khö Lowalangi i'alui nga'ötö. Ba mi'angelama, tödömi andrö, ba böi manö falimo ndra'ugö khö ngambatöu me ono matua ndra'ugö.[9] 16 Me no si fatuwu khögu wanibo andrö, iŵa'ö Yehowa, Lowalangi Ndraono Gizeraeli; ihawui horö mbarunia [solau da'ö], iŵa'ö Yehowa ngahönö. Ba mi'angelama sa'ae, tödömi andrö, ba böi manö falimo ami![10] 17 Atage Yehowa mibe'e, ba wehedemi andrö, ba mimane: Heza mabe'e atage ndra'ugö? Me miwa'ö: Dozi solau si lö atulö, ba no si sökhi, wamaigi Yehowa, ba no ya'ira zomasi ia: ma hezo na Lowalangi andrö, samatörö huku satulö?
Famotokhi ba gahe[edit | edit source]
Fabaliŵa lala[edit source]
Olayama Zura Maleakhi: 1 • 2 • 3 • 4
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö