Wb/nia/Luka/9/Famolakhömi Yesu

From Wikimedia Incubator
< Wb‎ | nia‎ | Luka

28 IV. Ba me no ietuʼõ huhuo adrõ, ba so mato w̃alu bóngi, ba iʼohe ndra Fetero, Yohane Yakobo, mõi ia ba hili, mangandrõ. 29 Ba me mangandrõ ia, ba tobali mbawania, ba afusi mbarunia, humaga. 30 Ba hiza niha, darua, si fahuhuo khõnia, Moze ba Elija. 31 Molakhõmi, wamaigira, lafatunõ lualua lalania, nifaluania dania ba Yeruzalema. (F. 18, 31). 32 Ba manukõu ndra Fetero. Ba me tokea ira, ba laʼila lakhõminia, awõ niha andrõ, si darua, si so ba daʼõ khõnia. 33 Ba me laheta ira khõnia daʼõ, ba imane Fetero khõ Yesu: He samahaõ, ba daʼe zi sõkhi nahada, ba damafazõkhi nose, tõlu, sambua khõu, sambua khõ Moze, ba sambua khõ Geliya; lõ iʼila watahõgõ hadia wehedenia. 34 Ba barõ wehedenia andrõ, ba so lawuo, ilumõʼõ ira. Ba ataʼu ira, me mõi ira bakha ba lawuo andrõ. 35 Ba so li, si oroi lawuo andrõ, imane: ”Onogu daʼõ, nituyugu, mifondrondrongo khõnia.” (Fet. II. 1, 16. 17). 36 Ba me terongo li andrõ ba hatõ Yesu niʼilara. Ba lõ hedehedera, lõ hadia ia laʼombakhaʼõ ba niha, gofu ha õkhõ, me luo daʼõ, hadia niʼilara. (A. 9, 37—42: Mat. 17, 14—21: Mar. 9, 14—29) (Luka 9 : 28 – 36)

Famotokhi ba gahe[edit | edit source]