Wb/nia/Luka/10/Famatenge nifahaö si fitu ngafulu

From Wikimedia Incubator
< Wb‎ | nia‎ | Luka‎ | 10
Wb > nia > Luka > 10 > Famatenge nifahaö si fitu ngafulu

I. 1 Aefa da'ö, ba i'oniagö na danö bö'ö So'aya fitu ngafulu, ba ifatenge ira, darudarua, ba wowaöwaö fönania, ba mbanua sebua ba ba mbanua side'ide fefu, ba zi möi ia dania.[1]

2 Ba imane khöra: Ebolo sa mbasitö andrö, ba sohalöŵö, ba lö atotó: andrö mi'andrö khö zokhö basitö andrö, ena'ö ifatenge zohalöŵö ba mbasitönia.[2]

3 Mi'ae'e; hiza, ufatenge ami, hulö nono mbiri-biri, ba hunö nasu gatua.[3]

4 Böi mi'ohe gabe-kabe, ba he bola, ba he badagahe; böi mi'owai niha ba lala.[4]

5 Ba ba zi möi ami yomo, ba da'ö zi föföna limi: "Yafalukha wa'ohahau dödö zi samba omo andre."[5]

6 Ba na so ba da'ö nono wa'ohahau dödö, ba ahono khönia wa'ohahau dödö andrö khömi; ba na lö'ö, ba mangawuli ia khömi.

7 Ba ba nomo andrö mi'iagö, mi'ā ba mibadu hadia nibe'era khömi, noa sa si nangea itema luo sohalöŵö. Böi mifa'ema nomo.[6]

8 Ba na möi ami ba mbanua, ba na lafa'amöi ami, ba mi'ā hadia nibe'era khömi, 9 ba mifadöhö wökhö zofökhö khöra, ba mimane khöra: No i'ondrasi ami banua Lowalangi andrö[7]

10 Ba na möi ami ba mbanua, ba na lö lafa'amöi ami, ba miheta ami yomo, mi'ae ba newali khöra, ba mimane:

11 Gawu-gawu andre na i, si falemba khöma, ba gahe, ba mbanuami andre, ba ma'ezosi khömi, ba böi zi lö mi'ila, wa no ahatö mbanua Lowalangi andrö.[8]

12 Ba uŵa'ö khömi öna-öna na zi göna Zodoma, na luo da'ö dania, moroi ba zi göna mbanua da'ö.

13 Alai ndra'ugö, Khorasi![9] Alai ndra'ugö Betisa'ida! Na ba Diro ba ba Zidona mena'ö tefazökhi dandra andrö, nifazökhi ba khömi andrö, ba no föna sa'ae lafalalini mena'ö gera-erara, no dumadao ira bawu mena'ö ba no la'onukha goni-goni.

14 Ba öna-öna na zi göna Diro ba Sidona, ba wanguhuku dania, moroi ba zi göna ami.

15 Ba ya'ugö Kafanauma, tenga no mu'alaŵa'ö ndra'ugö irugi ba zorugo? Irugi mbanua tou latimba si tou ndra'ugö dania.

16 Ha niha zamondrongo khömi, ba khögu ifondrondrongo, ba ha niha zangositengagö ya'ami, ba ya'o i'ositengagö, ba ha niha zangositengagö ya'o, ba samatenge ya'o i'ositengagö.[10]

(Luka 10:1-16)


Famotokhi ba gahe[edit | edit source]

  1. MozII 24:1
  2. Mat 9:37,38
  3. Mat 10:16
  4. Mat 10:9 b.t.; SalII 4:29
  5. Mat 10:12 b.t.
  6. KorI 10:27; Mat 10:10
  7. Mat 3:2
  8. Mat 10:14 b.t.
  9. Ayati 13-16: Mat 11:20-24
  10. Mat 10:40; TesI 2:13; 4:8


Fabaliŵa lala[edit | edit source]

Faza 9: Folo'ö Yesu (57-62)

Faza 10: Famatenge nifahaö si fitu ngafulu (1-16) | Fangawuli ndra nifahaö si fitu ngafulu (17-24) | Dawa Zamaria sahakhö tödö (25-37) | Marata ba Maria (38-42)


Fabaliŵa lala[edit source]

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö