Wb/nia/Luka/10/Dawa Zamaria sahakhö tödö

From Wikimedia Incubator
< Wb‎ | nia‎ | Luka

25 III. Ba hiza, maoso zangila amakhoita, samõsa, manandraigõ yaʼia, imane: He samahaõ, he uwisa, enaʼõ usõndra waʼauri si lõ aetu andrõ? (Mat. 24, 35 b. t. Mar. 12, 28 b. t.). 26 Ba imane khõnia: Hadia ba zura goroisa andrõ? he wisa wombasou? 27 Ba itema linia, imane: ”Omasiʼõ Zoʼaya, Lowalangiu, moroi siʼaikõ ba dõdõu, nosou maʼasambua zangomasiʼõ yaʼia, ba õhorigõ waʼabõlõu, awõ geraʼerau wangomasiʼõ yaʼia; ba omasiʼõ zahatõ khõu, si mane faʼomasiu ndraʼugõ.” (Moz. V. 6, 5. Moz. III. 19, 18). 28 Ba imane khõnia: Si ndruhu niw̃aʼõu, oʼõ daʼõ, ba auri ndraʼugõ. (Moz. III. 18, 5. Rom. 10, 5). 29 Ba ibuʼa enaʼõ, imane khõ Yesu: Ba ha niha zahatõ khõgu? 30 Ba imane Yesu: So niha, si mõi misi tou, iʼotarai Yeruzalema, numalõ ba Yerikho, ba falukha ia zorabu, laheta nukhania, labõbõzi ia ba lalau mofanõ, larõi tou ia, arakha mate. 31 Ba itõrõ misi tou lala andrõ ere, ba iʼila, ba itõrõ manõ. 32 Ba si manõ gõi nono Lewi, samõsa, me irugi daʼõ, iʼila, ba itõrõ manõ. 33 Ba itõrõ gõi daʼo Dawa Zamaria, sikoli, ba me iʼila, ba ahakhõ dõdõnia. (F. 17, 16. Joh. 4, 9; 8, 48). 34 Iʼondrasi, iʼolohuni zokhonia, ilau wanikha ba agu, ifazaw̃a ba kudo khõnia, iʼohe ba nomo ba zi mõrõ zikoli ba irorogõ. 35 Ba mahemolu õ, ba isoʼõ baero dombua hua suku, ibeʼe khõ zokhõ omo andrõ, imane: Rorogõ ia, ba na õbeʼe na, baero daʼe, hadia ia, ba uʼali khõu, na mangawulido. 36 Hadia ba dõdõu, ha niha ba zi datõlu andrõ zahatõ khõ nibõzi zorabu andrõ? 37 Ba imane: Si hakhõsi tõdõ yaʼia. Ba imane khõnia Yesu: Ba aeʼe, ba lau zi manõ, jaʼugõ gõi. (F. 6, 36).

Luka 10 : 25 – 37)

Famotokhi ba gahe[edit | edit source]