Wb/nia/Luka/10/Fangawuli ndra nifahaö si fitu ngafulu

From Wikimedia Incubator
< Wb‎ | nia‎ | Luka

17 II. Ba mangawuli zi fitu ngafulu no mege, omuso dõdõra, lamane: He Tua, bekhu gõi, no laʼoʼõ lima, ba dõimõ andrõ. (F. 9, 1. 10). 18 Ba imane khõra: No uʼila Zatana andrõ, saekhu tou moroi ba mbanua si yaw̃a, hulõ gari mbanua. (Yoh. 12, 31. Fam. 12, 9). 19 Hiza no utehe khõmi mihundragõ gulõ ba tongo ba milaw̃a waʼabõlõ nemali andrõ fefu, ba lõʼõ manõ teʼala ami. (Mat. 16, 18. Sin. 91, 13). 20 Ba bõi daʼõ mibeʼe faʼomuso dõdõmi, wa no laʼoʼõ limi bekhu andrõ; daʼõ mibeʼe faʼomuso dõdõmi, wa no mutanõ dõimi ba zura, ba zorugo. (Fil. 4, 3. Fam. 20, 12; 21, 27). 21 Me luo daʼõ owuawua dõdõnia, soroi ba Geheha niʼamoniʼõ, ba imane: Usuno ndraʼugõ, Ama, Soʼaya sorugo awõ danõ, me no õbiniʼõ daʼõ ba zatuatua ba ba zonekhe, ba me no õʼoromaʼõ ia ba ndraono. Si ndruhu, yaʼugõ, Ama, me no si manõ waʼomasiu. (Mat. 11, 25—27). 22 Ba ibaliʼõ ia furi ba nifahaõnia, imane: No ibeʼe ba dangagu Amagu fefu hadia ia, ba lõ saboto ba dõdõ ha niha Nono andrõ, baero Nama andrõ, ba lõ saboto ba dõdõ ha niha Nama andrõ, baero Nono andrõ, awõ ba zedõna iʼoromaʼõ Ono andrõ. (Yoh. 17, 10. Heb. 2, 8). 23 Ba ibaliʼõ ia furi ba nifahaõnia, ba zi ha yaʼira, imane: Yaʼahowu hõrõ andrõ, sangila niʼilami andrõ. (Mat. 13, 16. 17). 24 Uw̃aʼõ sa khõmi: Ato zamaʼeleʼõ, awõ zalaw̃a, somasi mangila niʼilami, ba lõ niʼilara, ba no omasi ira mamondrongo nirongomi, ba lõ nirongora.

(Luka 10 : 17 – 24)

Famotokhi ba gahe[edit | edit source]