Wb/nia/Habakuki/3
1 Fangandrö Habakuki sama'ele'ö, dali wa'ala'alaisa andrö.[1]
I. To'ele Yehowa, molakhömi, ba wamatörö huku ba niha baero[edit | edit source]
2 He Yehowa, no urongo duria andrö khöu, ba ata'u sibai ndra'odo! He Yehowa, falua nilaumö andrö, barö ndröfi andrö, barö ndröfi andrö fa'ele'ö ia! Na mofönu ndra'ugö, ba böi olifugö'ö wa'ahakhö dödö.[2] 3 So moroi sa Lowalangi, i'otarai Demana, ba hili Warana i'otarai Ni'amoni'ö andrö. Tobalu mbanua si yaŵa lakhöminia andrö, ba anönö danö turiania.[3] 4 Mohaga, timba haga luo, moragi faoma fatambai, ba ba da'ö so mbalu-balu wa'abölönia.[4] 5 Mowaö-waö fönania deu mbanua, ba itara lahenia fa'aukhu, fökhö waba.[5] 6 Humeu danö, na ihundragö; ba na ifaöga mbawania, ba humufa soi niha. Ba fabali hili si lö tebulö andrö, ba ahöndrö hili si no arara. Lala ba götö föna sibai itörö![6] 7 Tohare wamakiko ba nose Guzana u'ila; humeuheu goloso nose ba danö Ndrawa Midiano. 8 Hadia, ba mboto nidanö mofönu Yehowa, boto nidanö dandrösa wönunia? Hadia, asi ötahigö, wa fakudo ndra'ugö, na ötörö, wa ba gureta zabölö so'ö?[7] 9 Lö'ö manö luniluni wanamö, no ödaö'ö-daö'ö wotu, no fahölu ndra'ugö. Mangumbu nidanö sebua moroi barö danö.[8] 10 Na la'ila ndra'ugö hili, ba manizi-nizi ira; inönoi danö molö, ifarongogö we'ugu-ugunia asi: ifazaŵa dangania.[9] 11 La'iagö manö nahiara luo ba baŵa, ba haga nono wana andrö khöu, sanörö, ba wa'atakile dohomö andrö.[10] 12 Ba wa'abao dödö andrö ötöröi danö ba öfufu soi niha ba wönu.[11]
II. So ia moroi sa, ba wangorifi banuania[edit | edit source]
13 Ba wangorifi banuamö so ndra'ugö, ba wangorifi nibayoinimö andrö; öfazaumba tou mbumbu nomo zebua horö, öheta nöu dayadaya, irugi mbagi zilalöyaŵa.[12] 14 Ötöla'ö toho högö zangoloi'ö ya'ira, na so ira, na fagohi ira, ba wamazaewe ya'aga; lahehegö, timba na la'a ena'ö zi numana ba mbini-mbini. 15 Öfatörö ba nasi kudomö, ba ndrulu nasi andrö, sebua sibai.[13] 16 Me urongo, ba humisi nösigu; ba duria andrö manizi-nizi mbewegu. No timba wa'obou döla ba nösigu, manizi-nizi ndra'o ba zi sodo, si lö hede-hede ndra'o, irugi mbaŵa wamakao, na so moroi sa zamakao banua [Ndraono Gizeraeli]. 17 Na lö mobowo ara ba na lö bua nagu, na si lö fakhai mbua zai ba na lö falukha gö ba danö na ambö biri-biri ba kandra ba na lö saŵi ba kandrara[14] — 18 ba ya'odo, ba somuso tödö zui ndra'odo ba khö Yehowa, owua-wua dödögu khö Lowalangi sangorifi ya'o![15] 19 Fa'abölögu Yehowa, So'aya! Timba gahe mböhö gahegu ibe'e, ba ba zalaŵa yaŵa ifatörödo. — Khö duka wanunö; nilau biola nitika.
Famotokhi ba gahe[edit | edit source]
Fabaliŵa lala[edit source]
Olayama Habakuki: 1 • 2 • 3
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö