Wb/nia/Habakuki/1
I. Fangarö-ngarö zama'ele'ö ba wa'awuwu Ndraono Gizeraeli[edit | edit source]
1 Taroma li, nitema Habakuki sama'ele'ö andrö.[1]
2 Ha wa'ara sa'ae u'andrö tolo khöu, ya'ugö Yehowa, ba lö öfondrondrongo; ha wa'ara sa'ae mu'aodo khöu: "Famakao!" ba lö'ö sa ötolo! 3 Hana wa öfa'ila'ö khögu zi lö sökhi, ba öfaigi-faigi manö göi wamakao niha awöra? Famalangögö ba famakao zi so ba duduma hörögu; andrö wa no tumbu wasosota, ba soso manö zui wagua-guasa. 4 Andrö wa alulu wolohe ba lala hadia ia, ba satulö ba lö'ö manö oroma sa'ae. Lafa'u'u sa'ae zatulö sebua horö andrö, andrö wa fafuyu huku, na alua.
II. Fama'ele'ö: lasuwö dania ira Dawa Galedaia[edit | edit source]
5 Mifaöga mbawami, ya'ami si no faröi, mifakhölö ami! Ya atöngö ami ba ya tobali dödömi! Nilaunia ba götömi andrö, ba lö faduhu dödömi, na nitunö khömi ena'ö![2] 6 Hiza sa, u'asogö Ndrawa Galedaia andrö, soi safaito ba salio ahe, sanöröi bolo guli danö, ba wangokhögö nahia niha bö'ö.[3] 7 Sihokha mbuda ba sata'u ita ira. Ba khöra manö tumbu huku andrö khöra ba fa'asalaŵara. 8 Kudo khöra, ba no alio moroi ba harimo ba afaito moroi ba nasu gatua, na bongi; si fakudo andrö khöra, ba lafandruo kudora, sebua hokha ira, ba zaröu la'otarai, sihombo ira, timba moyo sondra'u gönia.[4] 9 Dozi ira, ba famakao awöra lafa'ua, atumbukha luo la'otahögö; lahöna niha ni'oloi'ö, timba ngawua nene wa'oya. 10 Ba ya'ia — ba i'igi'igi'ö razo, ba tandrösa wango'ayania zalaŵa. Ma'iki ia ba hati andrö, fefu, ilau fari tanö, ba atu'a ia dania. 11 Ba ilau angi sabölö, itörö, ba mosala ia, ya'ia andrö, same'e Lowalangi fa'abölönia.[5]
III. Fangandrö zama'ele'ö[edit | edit source]
12 Hadia, tenga Lowalangigu ndra'ugö, i'otarai götö föna sibai sa'ae, hadia, tenga ni'amoni'ö khögu ndra'ugö, ya'ugö, si lö'ö manö mate? He Yehowa, ba wamatörö huku öhonogöi ia, ba no öfataro same'e fotu ia —[6] 13 ya'ugö andrö, si so hörö satulö, fa tebai öfaigi-faigi zi lö sökhi, ba tebai anehe ndra'ugö wamakao niha awöra — ba hana wa öfaigi-faigi zi faröi andrö, ba hana wa lö hede-hedeu, na ifakiko sebua horö zi lö horö khönia?[7] 14 Noa sa tobali timba gi'a ba nasi niha öbe'e, timba guökuö si lö sokhö. 15 Ya'ira fefu, ba no igaini, idöni misa ba waurunia, ba ifa'u'u ba giri. Andrö wa omuso dödönia ba owua-wua dödö: 16 andrö wa itaba zumange waurunia ba ifosumange göi girinia. Me ba da'ö isöndra gondra'ua sebua ba ö satabö. 17 Andrö wa lö aetu idöni zi'öli ba ibunubunu soi bö'ö lö fa'ahakhö dödö.
Famotokhi ba gahe[edit | edit source]
Fabaliŵa lala[edit source]
Olayama Habakuki: 1 • 2 • 3
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö