Wb/nia/Habakuki/2
I. Tenga faya wama'ele'ö andrö, itörö manö dania[edit | edit source]
1 Damöido ba naha wanaro khögu, möido ba hati andrö, ba wamaigi-maigi, ena'ö urongo hadia huhuonia khögu, ba hadia niŵa'önia khögu, ba wangadugu andrö.[1] 2 Ba itema ligu Yehowa, imane khögu: Tanö ba zura gangilata andrö, haogö wanua ba gara wanura, ena'ö lö afökhö wombaso ya'ia.[2] 3 Mogasa na sa wa'alua gangilata andrö, ba aösö ia ba wa'alua, ba no tenga faya. Na mogasa ia, ba döna-döna manö; lö'ö sa zi lö itörö, lö zi lö alua![3] 4 Hiza, no si so hokha dödönia, lö bakha tödö sadölö; ba satulö tödö, ba ba wamatinia auri ia.[4]
II. Fa'ala-alai zama'ele'ö ba nemali Ndraono Gizeraeli andrö, samakao ya'ira[edit | edit source]
5 Ba baero ö na, ba no famowöhö nagu andrö; ba si lö boto niha si fayaŵa, samokai bawania, timba narako, ba si no timba wa'amate, ba wa'atebai abuso, si no mondrönisi khönia niha baero, fefu, ba sangowuloi khönia dozi soi.[5] 6 Ba hadia, lö la'o'aya dania ia da'ö fefu, lö lafatou ia, ba lö labe'e amaedola? Lamane dania: Alai zangöhöna ana'a mbö'ö — ha wa'ara maö? — ba sangai noronia nihalö gade. 7 Hadia, lö i'ogomuzaö maoso dania zosugilö khöu, ba lö i'ozumagö tokea zamakao ya'ugö? Ba ahuluara ndra'ugö! 8 Si mane ya'ugö sa, me no oya soi niraburabumö si so khöra, si manö göi laraburabu dania zi so khöu soi si tosai andrö, börö ndro niha andrö, si no aduwa, ba famakaomö tanö ba banua ba ösi mbanua.[6] 9 Alai zangalui ana'a si lö atulö, ni'okhögö, ba wame'e, ba zalaŵa yaŵa azuninia, ba wangefa'ö ya'ia ba wa'abölö wamakiko![7] 10 Fangailami, ya'ami si samba omo, dödöu andrö, ba wangohori soi soya; famakiko nosou ö'alui. 11 Mu'ao sa'ae dania gara toyo gehomo ba itema linia buatö yaŵa ba mbulu.[8] 12 Alai zame'e fanaru'ö banua sebua fange'e, ba fanaru'ö banua side-ide horö![9] 13 Hadia, tenga soroi khö Yehowa ngahönö zi manö? Mohalö-halöŵö soi niha, ba ba galitö lua-lua, ba erege dödö niha, ba si lö boto![10] 14 Anönö sa dania danö fa'aboto ba dödö lakhömi Yehowa, timba nasi, balu-balu doyonia tanö.[11] 15 Alai zamabadugö ba nawönia nifaruka si mabu niha, ena'ö mabu ira, ba ena'ö oroma zaila ira![12] 16 Fangabusou mege, ba fa'aila, ba tenga fangebua döi: ba badu iya'e, ya'ugö göi, ba oroma'ö mbotolö khöu! Irugi sa'ae ndra'ugö mako andrö ba danga Yehowa kambölö, ba ikhamö'ö fa'aila sebua, salahi lakhömi.[13] 17 Ilaugö sa dania ndra'ugö famarukhumö mege, ba hili Libano, ba humokha mbumö ibe'e famunumunumö utu ndru'u andrö, börö ndro niha andrö, si no aduwa ba famakaomö tanö ba banua ba ösi mbanua.[14] 18 Hadia guna nadu nifofoe andrö, wa ifofoe mege tukania? Ba hadia guna nadu nifahele ba si faeta sofaya, wa no abe'e dödö dukania khönia, fa ifazökhi Lowalangi si lö hede?[15] 19 Alai zanguma'ö ba geu: Faoso! Ba sanguma'ö ba gara sabe'e: Aliŵa-liŵa! Hadia, ifahaö niha? Hiza, no lafosinga ia ana'a ba firö, ba lö bakha noso. 20 Ba Yehowa, ba no so ba gosali andrö khönia; ba yamuhonogö ia fönania uli danö ma'asagörö![16]
Famotokhi ba gahe[edit | edit source]
Fabaliŵa lala[edit source]
Olayama Habakuki: 1 • 2 • 3
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö